Hieraŭ, la 9an de septembro 2026, en la novaĵretejo “La Ondo de Esperanto” aperis informo pri la kongres-sezona ekzameno pri Esperanto laŭ la Komuna Eŭropa Referenckadro (vd. https://sezonoj.ru/2026/09/ker-15/). Ĝi estas la 4500a artikolo aperinta en la retejo.
Ni memorigas, ke ĉi tiu novaĵretejo estis lanĉita antaŭ 16 jaroj, la 2an de septembro 2010, kiel “La Balta Ondo”. Ekde tiam en ĝi aperis 4500 tekstoj (ĉi tiu estas la 4501a). Ilin garnas 5757 ilustraĵoj.
Universala Esperanto-Asocio (UEA) kaj Nepala Esperanto-Asocio (NEspA) lanĉas internacian monkolektadon favore al la viktimoj de la katastrofaj inundoj, kiuj trafis Nepalon la 26an de aŭgusto 2026. La kampanjo nomiĝas “Esperanto por Nepalo – Solidareco sen landlimoj” kaj havas kiel unuan celon kolekti 1.000 EUR.
Post Melburno (2027) kaj Kaŭno (2028) la sekvaj urboj, kiuj gastigos la Universalan Kongreson de Esperanto (UK) en 2029 kaj 2030, ankoraŭ ne estas deciditaj. La Estraro de UEA varme bonvenigas kandidatiĝojn por ambaŭ jaroj.
Por 2029 estas prefero okazigi la UKon en Eŭropo, kaj por 2030 ekster Eŭropo, ĉiam en regiono, kie en la proksima pasinteco ne okazis UK. Tamen ĉiuj kandidatiĝoj estas bonvenaj, kaj la Kongresa Fako analizos ĉiujn proponojn.
Antaŭ dudek jaroj, la 11an de septembro 2006 forpasis Bill “William” Auld (1924-2006), skota instruisto kaj esperantisto (ekde 1937), kies kontribuo al la Esperanto-kulturo estas nesupertaksebla.
Sian famon Auld ricevis kiel aŭtoro de ses poemaroj: “Spiro de l’ pasio” (en “Kvaropo”, 1952), “Unufingraj melodioj” (1960), “Humoroj” (1969), “Rimleteroj” (kun M. Boulton, 1976), “El unu verda vivo” (1978), “En barko senpilota” (1987) kaj de la longa poemo “La infana raso” (1956) taksata kiel la ĉefverko de la Esperanta literaturo, kaj pro siaj tradukoj, interalie, de la plena sonetaro de Ŝekspiro, trivoluma verkego “La Mastro de l’ Ringoj” de Tolkien, libroj de Burns, Cabell, Conan Doyle, Omar Kajam, Wilde k. a.
La KER-ekzamenoj en 2026 montris kaj internacian amplekson kaj kreskantan flekseblecon de la ekzamensistemo. En junio, julio kaj aŭgusto okazis sep ekzamenaj sesioj, ĉeestaj kaj retaj, kun 91 aliĝoj. Post 18 nuligoj efektiviĝis 73 ekzamenokazoj, plenumitaj de 64 diversaj ekzameniĝintoj el 19 landoj.
Ekde 2020 UEA kaj Kolombia Esperanto-Ligo (KEL) kunlaboras por ĉiujare okazigi retajn Esperanto-kursojn, principe por komencantaj hispanparolantoj. En diversaj jaroj aliĝis kiel partneroj ankaŭ TEJO, Hispana Esperanto-Federacio, Meksika Esperanto-Federacio kaj aliaj landaj asocioj kaj Esperanto-grupoj. La agado okazas ĉefe kadre de la Amerika Komisiono de UEA. Ĝi samtempe kontribuas al la informado, instruado kaj reta disvastigado de Esperanto kaj subtenas la Virtualan Kongreson.
La Prezidanto de la Akademio, Probal Dasgupta, forpasis la 1an de junio 2026. La proceduro por elekti novan prezidanton komenciĝis, sed ankoraŭ ne finiĝis.
Post la funebra ceremonio en Kolkato kaj la omaĝo organizita dum la 111a Universala Kongreso de Esperanto en Graco, ankaŭ la Akademio de Esperanto organizos omaĝan retkunsidon kun memoraĵoj de akademianoj, sabaton le 19an de septembro 2026, dato en kiu Probal Dasgupta fariĝus 73-jara, de la 13a UTC ĝis la 14a UTC per zoom.
Kaj Tiel Plu. Je la kvara: Bitalbumo. – Donneville: Vinilkosmo, 2025.
Jen nova albumo, titolita “Je la kvara”, de la fama kataluna muzika grupo “Kaj Tiel Plu”. Mi tuj avertu, ke la horo, je kioma vi decidos aŭskulti la albumon, tute ne gravas, ĉar la albumo ĉiel ajn rezultis ege ĉarma kaj nepre aŭskultinda!
Jam la duan jaron Universala Esperanto-Asocio (UEA) kaj Akademio Internacia de la Sciencoj (AIS) kunlabore okazigas la premiadon de sciencaj libroj kaj prelegoj dum la Universala Kongreso de Esperanto (UK) kadre de la sesio de la Internacia Kongresa Universitato (IKU), kiu ĉi-jare ankaŭ gastigis la 43an Sciencan Universitatan Sesion (SUS) de AIS. La du premioj Germain Pirlot kaj Charles Power konsistigas gravan institucion por la Esperanto-scienca komunumo. Pirlot rekonas la skriban sciencan laboron; Power rekonas la buŝan transdonon de scio. Libro kaj prelego estas du flankoj de la sama korpo, esencaj por vivanta scienca kulturo.
Ĥristo Gorov (Ĥrima) estis unu el la plej elstaraj bulgaraj esperantistoj, talenta Esperanta verkisto, poeto, tradukisto kaj publicisto. Bulgara Esperanto-Asocio anoncas omaĝe al li Internacian Esperantan Literaturan Konkurson. En la konkurso povas partopreni geesperantistoj el ĉiuj landoj.
La konkurso “Ĥristo Gorov – Ĥrima 2026” estas por eseo. La temo de la eseo estas: “Mia la plej bona Esperanto-rememoro”.
La 83a Internacia Junulara Kongreso (IJK) de TEJO okazos en Petzow (Germanio) de la 15a ĝis la 22a de aŭgusto 2027. La 83an IJK organizas la internacia Kongresa Komisiono (KK) gvidata de Tutmonda Esperantista Junulara Organizo (TEJO) kaj Germana Esperanto-Junularo (GEJ), kiu gastigas la kongreson.
La Komitato elektis la Estraron de TEJO por la mandato 2026-2027. La nova Estraro ekoficas la 1an de septembro 2026.
1. Antaŭ 120 jaroj (1906) en Parizo aperis la unua numero de “La Revuo” (1906-1914).
• Legu pli en la artikolo Antaŭ 115 jaroj ekaperis “La Revuo” de Halina Gorecka.
Societo Zamenhof, la rondo de donacantoj kaj mecenatoj de UEA, eniras sian duan duonjarcenton kun grava novaĵo: UEA oficialigis la Dumvivan Membrecon en Societo Zamenhof (DSZ) kaj starigis la Kapitalon Societo Zamenhof. La novaĵo estis oficiale anoncita dum la akcepto por membroj de Societo Zamenhof kadre de la 111a Universala Kongreso (UK) en Graz. La momento estas simbola: Societo Zamenhof estis konceptita en 1974 dum la 59a UK en Hamburgo, kiam donacantoj kaj patronoj de UEA kuniĝis por ĝin krei, kaj oficiale lanĉita en 1975 kadre de la 60a UK en Kopenhago; post sia 50-jariĝo en 2025, ĝi nun komencas sian duan duonjarcenton kun aldona formo de mecenateco kaj nova financa instrumento.
Abonu ĉe esperanto-ondo.ru
.
La Ondo de Esperanto.
2026, №2. 138 paĝoj.
Konciza demoversio
Elŝutu: pdf
La Ondo de Esperanto.
2026, №1. 108 paĝoj.
Konciza demoversio
Elŝutu: pdf
La Ondo de Esperanto.
2025, №4. 147 paĝoj.
Konciza demoversio
Elŝutu: pdf
La Ondo de Esperanto.
2025, №3. 140 paĝoj.
Konciza demoversio
Elŝutu: pdf
La Ondo de Esperanto.
2025, №2. 139 paĝoj.
Konciza demoversio
Elŝutu: pdf
Musklaku la kovrilon por legi pliajn informojn.
