La itala junulara renkontiĝo IJF anoncis sian nuligon, kaj nia teamo ricevis kelkajn demandojn pri la situacio en Nederlando. Ni havas nun neniun kialon nuligi la 76an Internacian Junularan Kongreson. Ĝi okazos la 11-18an de julio 2020, post ekzakte kvar monatoj. Kvar monatoj estas longa tempo, kiam temas pri epidemio: en malpli ol tri monatoj Ĉinujo iris de la unua infekto al tutlanda krizo, kaj al preskaŭ malapero de la viruso.
Legi plu
La estraro de Hispana Esperanto-Federacio kaj la Loka Kongresa Komitato de la 79a Hispana Kongreso de Esperanto, antaŭvidita por la 30a de aprilo ĝis 4a de majo en Comillas (Kantabrio), konsiderante la zorgojn rilate al la epidemio de kronviruso Covid-19 kaj la rekomendojn de la ŝtataj kaj internaciaj aŭtoritatoj, volas informi ke la kongreso ne okazos en la menciitaj datoj kaj estas prokrastita.
Post interkonsento kun la loka urbestraro, kaj esperante ke la situacio pliboniĝos en la venontaj monatoj, ni decidis ke la kongreso okazos inter la 9a kaj 13a de oktobro 2020, profitante ke la 12a de oktobro estas festa tago en Hispanio.
Legi plu
La Loka Kongresa Komitato (LKK) de la 1a Filipina Junulara Kongreso de Esperanto (FJK) bedaŭras informi la publikon, ke ĝi unuanime decidis prokrasti la kongreson ĝis nedifinita dato laŭ la rekomendoj de Filipina Esperanto-Junularo (FEJ) kaj la Kongresa Volontula Servo pro la kreskanta minaco de la koronvirusa malsano COVID-19 en Filipinoj.
Legi plu
Ni bedaŭras informi vin ke pro la progreso de la epidemio kaj sekvante la rekomendojn de la oficialaj instancoj de Nederlando, ni devas nuligi la okazigon de la 52a Malferma Tago, kiu laŭplane devus okazi la 25an de aprilo 2020 [kun la ĉeftemo “La nepoj nin benos, se ni ion al ili transdonos”].
Legi plu
La Estraro de UEA sekvas la rapide evoluantan mondan situacion de la koronvirusa epidemio, kiun en la 11a de marto la Monda Organizaĵo pri Sano proklamis “pandemio”. Kompreneble ĝi havas konsekvencojn kiel flug- kaj enir-limigoj, kiuj forte efikas internaciajn kunvenojn en la proksima tempo, sed la UK ja okazos post pli ol kvar monatoj, kiun la Estraro konsideras sufiĉe sekura tempo-spaco por ne bezoni ŝanĝi la UK-planojn. Similan takson faras ankaŭ aliaj instancoj tutmonde, surbaze de la jam akumulita sperto en Ĉinio kaj Suda Koreio, kie la epidemio estis efektive bremsita ene de ĉ. du kaj unu monatoj, respektive.
Legi plu
Ĉi-jare la tradicia renkontiĝo de Moskva Esperanto-Asocio MASI “Antaŭprintempa Esperanto-Renkontiĝo” (APERo-14), kiu okazis la 21-24an de februaro 2020 en la apudmoskva ripozejo Jerŝovo, havis la temon “Jubileoj” – ĉar la asocio-organizanto la 24an de februaro 2020 atingis sian 25-jariĝon. La programo estis abunda, kaj foje iuj prelegoj kaj prezentoj okazis paralele. Nu, tio estas bona – ja oni povis elekti ion pli interesan por si!
Legi plu
Laŭ instigo de Espéranto-France, ĝia eldonisto, la Sekcio reviziis novan eldonon de la franca lernilo Metodo 11, kiu aperos en 2020. La tekston diversnivele kontrolis membroj de la Sekcio pri Kontrolado de Lerniloj sub la gvido de franca sekciano Marc Bavant. La kolektivo konsistis el ok Akademianoj el ses naciaj lingvoj. La sekcianoj priparolis diversajn elementojn kaj eblajn problemojn en la teksto. Ili debatis pri proponotaj solvoj. La laboro en la Sekcio antaŭeniris rapide por ne malhelpi la eldonplanon de la verko.
Legi plu
Mi esperas, ke ĉiuj inter vi estas je bona sano. Tiu konstato nuntempe ne estas malplena formulo, sed, konstatante la akutan situacion, ĝi esprimas mian profundan senton. Bedaŭrinde, la epidemio de la koronviruso COVID-19 nun inundas nehaltigeble la tutan mondon kaj ne haltas ĉe landlimoj.
La saneco de niaj membroj por ni estas grava, kaj antaŭvideble la epidemio atingos en aprilo/majo en Zuriko sian kulminon. Tial la estraro de Svisa Esperanto-Societo (SES) decidis, ke la Svisaj Esperanto-Tagoj 2020 pro la koronvirusa epidemio devos estis ŝovitaj de komenco de majo al aŭtuno. Ĉiuj anoncitaj eventoj de la 30a de aprilo ĝis 3a de majo estas nuligitaj.
Legi plu
Okaze de la 40-jara ekzisto de Monato, kaj por memorigi sian forpasintan ĉefredaktoron Paul Gubbins, la revuo starigis la Premion Paul Gubbins por Nova Ĵurnalisma Talento. Ĉiujare, kaj tiel longe ke restos mono en la fonduso kreita pro tiu ĉi celo, estos aljuĝata ĉefpremio de 250 eŭroj, dua kaj tria premio de 100 eŭroj kaj sep senpagaj abonoj de Monato.
Legi plu
Ni jam aperigis apartajn tekstojn pri kvar literaturaj konkursoj, al kiuj esperantistaj aŭtoroj, bone konataj kaj komencantaj, povas sendi siajn verkojn. Vidu la subajn adresojn de ĉi tiuj konkursoj kaj sendu viajn konkursaĵojn al la organizantoj.
Legi plu
Ĥristo Gorov (Ĥrima) estis unu el la plej elstaraj bulgaraj esperantistoj, talenta Esperanta verkisto, poeto, tradukisto kaj publicisto. Bulgara Esperanto-Asocio anoncas Internacian Esperantan Literaturan Konkurson. En la konkurso povos partopreni geesperantistoj el ĉiuj landoj.
Legi plu
Estas anoncita la sesa konkurso pri poemoj en Esperanto kaj la itala lingvo sen partopren-kotizo. Rajtas partopreni ĉiuj poetoj el nia planedo.
Lingvoj: La versaĵoj povos alveni en la itala lingvo, en Esperanto, aŭ en ambaŭ lingvoj.
Legi plu
En 2019 entute 4 162 individuaj membroj (IM-oj) aliĝis al UEA. Kompare kun 2018 (4 581 IM-oj), tio estas diferenco de 419 personoj. Malgraŭ tiu falo oni povas tamen konsideri la rezulton kontentiga post la enkonduko de la nova kotizsistemo en la Asocio.
La ĉefa kaŭzo de tiu falo estis la relative malgranda Universala Kongreso. Estas konate, ke la UK-grandeco influas la membronombron de UEA. En 2019 entute 904 personoj aliĝis al la UK, kompare kun 1 553 en 2018, diferenco de 649. El tiu nombro, 377 personoj ne aliĝis al UEA por 2019.
Legi plu
Multlingva akcelilo, projekto pagita de EU per kvaronmiliono da eŭroj estas finfarita. Pli detale pri ĝi vi post kelkaj tagoj povos legi el Eŭropa Bulteno. Nun mi nur informas vin ĉiujn, ke oni povas libere aliri ĝin kaj uzi (temas pri enkonduka kurso por lerni fremdlingvojn en lernejoj (efektive limigitan kurson de Esperanto) kiun povas uzi iu ajn instruisto en lernejo, ne konanta Esperanton.
Legi plu
[Mesaĝo sendota al UN kaj Unesko en la venontaj tagoj. Kun afabla peto republikigi ĝin en viaj lokaj kaj landaj paperaj gazetoj kaj aperigi ĝin en viaj aliaj komunikiloj. Dankon!]
Universala Esperanto-Asocio salutas la virinojn de la mondo, precipe la anojn de la Esperanto-komunumo, okaze de Internacia Virina Tago 2020. Parolantoj de la Internacia Lingvo Esperanto, same virinoj kiel viroj, troviĝas en ĉiu angulo de la mondo. En sia rolo kiel internacia lingvo laboranta por rekta kaj nefiltrita dialogo inter la civitanoj de la mondo, Esperanto unike situas por ĉie helpi virinojn interkomunikiĝi trans la bariloj de distanco kaj lingvo, interŝanĝi vidpunktojn kaj ideojn kaj organizi sin ĉiuloke por agado subtene al virinoj.
Legi plu
El la rusa poezio / Kompilis Valentin Melnikov kaj Aleksander Korĵenkov; Tradukis el la rusa Valentin Melnikov; Antaŭparolo kaj biografiaj notoj de Aleksander Korĵenkov. — Kaliningrado: Sezonoj, 2020. — 90 paĝoj. — (Literatura suplemento al La Ondo de Esperanto, 2019).
Daŭrigante la tradicion, la redakcio de La Ondo de Esperanto publikigis, kiel suplementon por la 2019a jaro, la poemaron El la rusa poezio. Ĝi entenas 101 verkojn de 22 aŭtoroj ekde Miĥail Lomonosov ĝis K[onstantin] R[omanov]. Ĉi tiuj poemoj aperadis dum ok jaroj ekde julio 2007 ĝis aŭgusto 2015 en la rubriko “Rusa Antologio” de La Ondo de Esperanto. Aldone estas enmetitaj kelkaj tradukoj, kiuj pro lokomanko ne povis esti presitaj en la papera Ondo.
Legi plu
La nombro de la aliĝintoj al la 105a Universala Kongreso de Esperanto superis 800. Je la 2a de marto al la kongreso, kiu okazos ekde la 1a ĝis la 8a de aŭgusto 2020 en Montrealo (Kanado), aliĝis 803 personoj el 55 landoj – je unu aliĝinto pli multe ol al la antaŭa Kanada UK, tiam en la 1984a jaro 802 personoj aliĝis al la 69a mondkongreso esperantista en Vankuvero.
Plej multaj aliĝintoj nun estas en Usono – 136, sekvas la kongreslando Kanado kun 95 aliĝintoj; en la tria loko estas Francio kun 91 kongresanoj – ja la kongreso okazos en Franclingvujo. Vidu la laŭlandan plejliston (landoj kun pli ol dudek aliĝintoj):
Legi plu
1. Antaŭ 120 jaroj naskiĝis Kazimierz Małycha (pron: Maŭíĥa, 1900-1920-1988), pola ĵurnalisto, socia aganto kaj esperantisto; probable la plej aktiva propagandisto de Esperanto en gazetaro, aŭtoro de pli ol 12 mil artikol(et)oj pri Esperanto aperintaj plejparte en Ilustrowany Kurier Polski (organo de Pollanda Demokrata Partio, ĉ. 100 mil ekz-oj), kelkcentfoja preleganto pri Esperanto, aktivulo de MEM, longtempa membro de la Ĉefa Estraro de Pola E-Asocio (PEA) kaj ties honora membro.
Legi plu
Eksa Membro de la Eŭropa Komisiono, membro de la Honora Patrona Komitato de UEA Vytenis Andriukaitis ekde la 1a de marto 2020 laboros kiel speciala ambasadoro de la Monda Organizaĵo pri Sano por la Eŭropa regiono. Li okupiĝos pri ĉiuj sanrilataj aferoj. Lia oficejo estos en Kopenhago. Sub lia labortereno estos 53 Eŭropaj ŝtatoj. Antaŭvideblas, ke li tre multe oficvojaĝos – pli-malpli ĉiusemajne li estos en iu lando.
Legi plu
En septembro 2019 UEA kun Ĉina Radio Internacia (ĈRI) lanĉis la filmkonkurson “Mia asocio, mia urbo” por diskonigi Esperanto-asociojn en diversaj lokoj de la mondo samkiel la lokajn kulturaĵojn de la urboj, kie situas la E-asocioj, omaĝe al la 55-jariĝo de la Esperanta disaŭdigo de ĈRI. Ĝis la jarfino de 2019 la konkurso sukcesis varbi 35 filmojn (inkluzive 11 filmetojn fare de ĈRI) pri 30 urboj kaj asocioj en 15 landoj en kvin kontinentoj. Ĉiuj estis publikigitaj en la kanalo de UEA ĉe YouTube, UEAviva: http://youtube.com/ueaviva.
Legi plu
.
Musklaku la kovrilon por legi pliajn informojn.
La Ondo de Esperanto.
2019, №12. 76 paĝoj.
Konciza demo-versio
Elŝutu: pdf
La Ondo de Esperanto.
2019, №11. 82 paĝoj.
Konciza demo-versio
Elŝutu: pdf
La Ondo de Esperanto.
2019, №10. 69 paĝoj.
Konciza demo-versio
Elŝutu: pdf
Libera Folio