Arkivo por la kategorio 'Esperantujo'
22 Januaro 2017 de AlKo
La 22an de januaro 2017 en la reto aperis la 41a podkasto de “Radio Esperanto” (Kaliningrado, Ruslando), la unua ĉi-jare. Ĝin, kiel ĉiam, kungvidas la kaliningradaj ĵurnalistoj Halina Gorecka kaj Aleksander Korĵenkov.
En ĉi tiu programo:
- Enkonduke
- La Kenigsbergaj klopsoj: Kaliningrada felietono de Halina Gorecka
- Esperanto-novaĵoj
- La Ondo de Esperanto, 2017, №1
- Vintra poemo de Kalocsay
- Jonny M: Ni estas fortaj
Legu la tutan artikolon ‘La unua programo de “Radio Esperanto” en 2017′
21 Januaro 2017 de AlKo
Antaŭ kelkaj tagoj finiĝis la vica fejsbuka reklamkampanjo pri Esperanto en Hungario. Ĝi havas malgrandan fakan specifaĵon, do mi decidis kundividi la informojn pri la projekto.
Legu la tutan artikolon ‘Reklamkosto: 80 eŭroj por 96 mil personoj kaj 2300 klakoj’
20 Januaro 2017 de AlKo
Krokodilado inter samlandanoj
Antaŭ pli ol dudek jaroj, kiam mi memoris ĉirkaŭ mil Esperantajn vortojn, mi ege esperis interparoli kun iu ajn por praktiki parolon kaj aŭskulton. Mi kelkfoje telefone vokis konatajn esperantistojn en Ĉinio. Ili ĝoje responde salutis min en Esperanto, sed post kiam ili konstatis ke mi estas ĉino, ili tuj ĉesis paroli en Esperanto, kaj komencis paroli nur ĉine. Ili preskaŭ ĉiuj rifuzis daŭrigi Esperantan parolon malgraŭ ke mi persiste parolis en Esperanto. Mi multfoje petis, ke ili parolu Esperanton kun mi, sed ili rifuzis paroli Esperanton.
Legu la tutan artikolon ‘Parolu Esperanton kun samlandanoj’
19 Januaro 2017 de AlKo
Studsesioj, instruista kapabligo kaj kursofertoj de AGEI kaj la GEA-Filio por Klerigado kaj Kulturo en Herzberg
De preskaŭ dudek jaroj la Esperanto-Centro en Herzberg servas konstante por multflanka klerigado, krom diversnivelaj lingvokursoj specialan atenton ni donas al instrukapabligado, metodika trejnado kaj helpo al aktivuloj por orientiĝi en la Esperanto-movado kaj esti pretaj je informado, varbado kaj aliaj praktikaj movadaj taskoj.
Legu la tutan artikolon ‘Kursoj kaj klerigofertoj de Esperanto-Centro Herzberg en 2017′
18 Januaro 2017 de AlKo
La celo de la laboro, por kiu ni atendas kandidatiĝojn, estas nova, plene integrite kaj uzantamike funkcianta retejo de UEA.
Pli detale:
La nova retejo de UEA konsistos el 3 sub-retejoj:
- La plene publika parto: por ĉiu retvizitanto estas videbla sen ke oni estas ensalutinta. Ĝi donas novaĵojn kaj permesas trovi informon pri UEA. Ĝi ankaŭ permesas iĝi membro de la asocio aŭ aliĝi al kongreso, aĉeti de la libroservo.
Legu la tutan artikolon ‘Alvoko por krei la novajn retejon kaj/aŭ administran sistemon de UEA’
17 Januaro 2017 de AlKo
Heroldo de Esperanto adoptos la devizon kreitan de la pol-nederlanda esperantistino Jolanta van Holstein kiel spronilon por la agado de la esperantistoj. La devizo “Ne flagoj, sed agoj” venis en la kapon de la kreinto, post observado de tio, “kio okazas en Esperantio kaj kion faras la esperantistoj”.
Legu la tutan artikolon ‘Ne flagoj, sed agoj’
16 Januaro 2017 de AlKo
Mi ŝatus sciigi vin, ke la Kolekto por Planlingvoj kaj la Esperantomuzeo realigis novan skanprojekton. Dum la pasintaj semajnoj la enhavtabeloj de kvin gravaj periodaĵoj estis skanitaj kaj nun konsulteblaj per la katalogo Trovanto. Ĉi-kune mi sendas liston de la koncernantaj titoloj kun la ligiloj.
Legu la tutan artikolon ‘Nova skanprojekto de la Kolekto por Planlingvoj kaj Esperantomuzeo’
15 Januaro 2017 de AlKo
La francilia regiono bonvenigas la nacian kongreson de Esperanto France de la 25a ĝis la 28a de majo 2017. La Kongresejo situas en la urbeto Mandres les roses (Mandr’ le roz’), en la departemento Val de Marne (Val’ de Marn’), kiu situas nur 25 kilometrojn de Parizo.
Legu la tutan artikolon ‘Maje estu gaje!’
12 Januaro 2017 de AlKo
Kiel plia paŝo en la renovigo de la retejoj de UEA, lanĉiĝas nun nova paĝaro: aktivulo.net. Frukto de longa laboro fare de Dima Ŝevĉenko kaj Anna Striganova, laŭ instigo kaj gvido de la Vicprezidanto de UEA, Stefan MacGill, la nova retejo celas subteni niajn aktivulojn tutmonde per valoraj informoj kaj kontaktebloj.
Legu la tutan artikolon ‘Retejo por aktivuloj kaj aktivemuloj’
11 Januaro 2017 de AlKo
NASK (Nord-Amerika Somera Kursaro) revenos al Universitato William Peace en Raleigh, Norda Karolino, jam la kvaran fojon. NASK estas la plej longdaŭra Esperanto-kursaro en Norda Ameriko, kaj ĝi estas unu el la plej gravaj aktivaĵoj subtenataj de ESF. NASK estas unika kleriga evento, kiu altiras lernantojn de ĉiuj lingvoniveloj kaj renomajn Esperanto-instruistojn el la tuta mondo.
Legu la tutan artikolon ‘Katalin Kovats kaj Sylvain Lelarge denove ĉe NASK’
10 Januaro 2017 de AlKo
Kuirarto de la tempo de Ludoviko Zamenhof en la formoj de libro kaj malferma kuirkurso – jen unu el ideoj de Bjalistoka Esperanto-Societo por printempo 2017.
Kadre de la projekto sub la labortitolo Tagmanĝo ĉe Zamenhofoj ni prilaboros kaj eldonos dulingvan (polan-esperantan) kuirlibron kun originalaj kaj rekonstruitaj receptoj el la teritorio de antaŭmilita Pollando kaj priskribo de kuirarto de tiu tempo. La elekto de la receptoj estos farita kun konsidero de tiuj manĝaĵoj, kiuj povis gasti sur la tablo de la familio Zamenhof en Bjalistoko kaj Varsovio. La eldonaĵon akompanos kurso de juda kuirarto, malferma por ĉiuj urbanoj.
Legu la tutan artikolon ‘Kuirlibro de Zamenhofoj’
9 Januaro 2017 de AlKo
Ekde la jarŝanĝo unu el la plej popularaj internaciaj Esperanto-gazetoj, La Ondo de Esperanto, ne plu aperas en papera formo, sed nur elektronike. Post la apero de la plene elektronika januara kajero de La Ondo la redakcio de Libera Folio petis al Aleksander Korĵenkov, kiu dum 25 jaroj redaktas La Ondon, rakonti, kial la papera eldono ne plu aperos.
Legu la tutan artikolon ‘La redaktoro de La Ondo respondas’
8 Januaro 2017 de AlKo
Ĉi tie estas la teksto de la redakcia artikolo el la januara kajero de La Ondo de Esperanto. La tuta revuo estas senpage elŝutebla en nia retejo:
http://esperanto-ondo.ru/Libroj/Libroj.php
Post la somera anonco pri la transiro de La Ondo al elektronika eldonado atingis nin multaj opinioj, iujn el ili vi povis legi en nia gazeto. La reagoj variis laŭ la legantoj. Jam ĉirkaŭ 30% de nia abonantaro en la lastaj jaroj elektas la elektronikan version, kaj ili plu abonas ĝin sendepende de la papera eldono. En la alia poluso estas dekoj da ŝatantoj de paperaj presaĵoj, kiuj preferas legi ilin kaj ne interesiĝas pri bitgazetoj kaj bitlibroj. Inter ĉi tiuj polusoj estas pli ol duono de la abonantoj, kiuj ĝis nun, malgraŭ scioj pri la elektronika versio, preferis aboni la tradician.
Speciale por ĉi tiu granda grupo ni publikigis la januaran numeron en la reto tute senpage, por ke oni vidu, ke bitgazeto, malgraŭ la neeblo palpi kaj flari ĝin, havas objektivajn avantaĝojn. Ni listigu almenaŭ kelkajn.
Legu la tutan artikolon ‘Redakcie’
6 Januaro 2017 de AlKo
La 30an de decembro 2016 en la elŝutejo de La Ondo de Esperanto aperis la januara numero de ĉi tiu revuo, kiu ekde 2017 ne plu aperas papere, sed estas eldonata kiel bitgazeto (elektronika gazeto) laŭ la popularaj normoj “pdf” (ĉefe por komputiloj) kaj “ePub” (ĉefe por legiloj kaj telefonoj). La abonantoj (ankaŭ la pasintjaraj) jam elŝutis la januaran Ondon aŭ ricevis ĝin perpoŝte, kaj la redakcio de La Ondo sojle de la orient-kalendara Kristnasko disponigis ĝin senpage, por ke ĉiu deziranto povu legi ĝin kaj decidi pri (ne)abono.
La 65-paĝa kolorplena januara Ondo (2017) estas nun libere elŝutebla en la kiosko de Sezonoj:
http://esperanto-ondo.ru/Libroj/Libroj.php
En la kiosko oni povas elŝuti ankaŭ 15 senpagajn librojn (kaj tri numerojn de La Ondo) kaj aĉeti 2 librojn (fragmente elŝuteblaj kiel provlibroj). Tie estas legeblaj ankaŭ klarigoj pri legado de bitlibroj laŭ la normoj “pdf” kaj “ePub”.
La Ondo de Esperanto (11 numeroj + literatura suplemento) estas abonebla kontraŭ nur 15 eŭroj ĉe niaj perantoj, UEA-konto, kaj per PayPal/bankkartoj ĉe
http://esperanto-ondo.ru/Lo-abon.htm
Legu la tutan artikolon ‘La januara Ondo senpage legebla’
5 Januaro 2017 de AlKo
La informo pri aŭspiciio, donita de TEJO al junulara arta renkontiĝo, organizata kadre de la Esperanta Civito, kaŭzis polemikon en Libera Folio, en la Diskutlisto de la Komitato de UEA kaj en Fejsbuko. Hodiaŭ Xavi Alcalde proponas sian originalan opinion pri la afero.
Ekde ĝia kreo, du kontraŭaj tendencoj kunestas en la sino de nia movado, kvazaŭ ne povintus ekzisti unu sen la alia. Unuflanke, Esperanto ŝajnas ankrita en la pasinta jarcento. Revuoj, organizoj, agmanieroj… Sufiĉas rigardi la plimulton de la retejoj por konstati, ke ĝenerale ili malmodernas. Aliflanke, historie esperantistoj ĉiam rolis inter tiuj, kiuj enkondukis novaĵojn. Temas pri pioniroj de ŝanĝoj, kiujn poste brakumos la cetera socio. En granda mezuro, ili ankoraŭ rolas tiele.
Legu la tutan artikolon ‘Tradicio kaj moderneco. Pri TEJO kaj la Civito’
