1000!

La Balta OndoLa artikolo pri la legenda Esperanto-instruisto Andreo Cseh (Ĉe), enretigita hieraŭ en La Balta Ondo, iĝis la 1000a artikolo, publikigita en ĉi tiu novaĵretejo.

La “administra panelo” montras, ke en la retejo, lanĉita je la Zamenhofa tago 2010, nun estas 1000 artikoloj – averaĝe aperas po kvar artikoloj ĉiusemajne. Krome estas dek konstantaj paĝoj (Liro, Kiosko k. a.). La artikoloj estas distribuitaj laŭ 16 kategorioj, kaj ili estas markitaj per 1587 temaj etikedoj. La legantoj skribis 2023 komentojn.

En aŭgusto 2011 ĉe La Balta Ondo ekfunkciis la vizit-kalkulilo Counterize, kiu ebligas vidi plurajn informojn pri la vizitado de nia retejo. Kompreneble, robotoj kaj la administranto, kiu ĉiutage venas al la paĝo pro administraj bezonoj, estas ekster la statistiko. Malgraŭ la filtrilo de Counterize kaj malgraŭ la kontraŭspamaj kromprogramoj, ĉiutage la administranto mane forigas dekojn (iam eĉ centojn) da vizitoj registrataj de Counterize, kaj rezulte ni havas sufiĉe fidindajn informojn pri la reala vizitado de la retejo”.

Ekde aŭgusto 2011 en nia retejo okazis 343 mil 543 paĝovizitoj (hits). Ne kalkulante la vizitojn de la ĉefpaĝo kaj la vizitojn per kategorioj kaj etikedoj, ni konstatas, ke jam 223 mil 427 fojojn estis vizititaj konkretaj artikoloj (afiŝoj, laŭ WordPress).

En la listo de la plej vizitataj artikoloj daŭre plej supre estas Teorio de disvastiĝo de novaĵoj, aplikata al Esperanto de Dennis Keefe, kiu estas sendube la plej furora el ĉiuj artikoloj en La Balta Ondo.

Sekvas la listo de la 25 plej popularaj tekstoj en nia retejo.

1. Dennis Keefe: Teorio de disvastiĝo de novaĵoj, aplikata al Esperanto (1) 3411
2. Aleksander Korĵenkov: Kiom da esperantistoj en Ruslando?
Ne malpli ol 992
1316
3. Grigorij Arosev: Postprezidaj meditoj 1297
4. Aleksander Korĵenkov: Kie kongresi post tri jaroj? 1255
5. Komitatano Z: Hundoj bojas, karavano vojas 1164
6. [Aleksander Korĵenkov, Flo Martorell]: Katastrofo ĉe Vinilkosmo 1151
7. Rekomendo de la Akademio pri la uzo de propraj nomoj 1102
8. Trevor Steele: Ĉu malesperi? 1087
9. Halina Gorecka: La hobito reaperis 1044
10. Zlatko Tišljar: Josip Broz Tito (Nia trezoro) 1038
11. Grigorij Arosev: Kio estas la reala trezoro de REU? 1020
12. José Antonio Vergara: Esperanto estas multe pli valora ol speco
de malangla aŭ identecofonto de supozata “popolo”
1012
13. Halina Gorecka: Peter Baláž: la Esperantisto de la Jaro 2012 967
14. Andreas Künzli: Baudouin de Courtenay (Nia trezoro) 954
15. Pascal Dubourg Glatigny: Rutino: la plej forta malamiko de esperanto 943
16. Halina Gorecka: BET-49: Interesaj kaj agrablaj tagoj en Utena 942
17. Dennis Keefe: Teorio de disvastiĝo de novaĵoj, aplikata al Esperanto (2) 924
18. Russ Williams: Manĝi kaj paroli en Kaŭkazo 924
19. Komitatano Z: Ĉu io nun estas nova? 923
20. Giorgio Silfer: La Esperanta Civito progresas al nova etapo 906
21. Aleksander Korĵenkov: La Unua Libro 905
22. Aleksander Korĵenkov: Lev Tolstoj (Nia trezoro) 904
23. Mark Fettes: Strategio, en kiu Kapabligo kernas 869
24. Tolkien en Esperanto: Nova e-libro 868
25. Bill Auld: “Tute alia mondo kuŝas antaŭ vi” 831

La kalkulilo ebligas vidi la landojn, en kiuj estas registritaj la vizitantoj. Plej multe, nature, la novaĵretejo vizitas ruslandanoj, kaj Usono estas en la dua loko. Entute, almenaŭ en 167 landoj estas almenaŭ unu persono vizitinta nian retejon.

Jen la listo de la 12 plej vizitantaj landoj:

1. Ruslando 76830
2. Usono 41428
3. Francio 19063
4. Germanio 18338
5. Hispanio 15557
6. Ukrainio 12212
7. Pollando 10770
8. Ĉinio 10094
9. Brazilo 9623
10. Nederlando 6356
11. Japanio 6092
12. Litovio 5927

La listo ne estas absolute fidinda, ĉar 27 mil 217 vizitoj estas faritaj el neidentigitaj landoj, kaj 14 mil 918 vizitoj havas Eŭropan Union kiel la landon.

Aleksander Korĵenkov
kiuj ĵus verkis la 1001an artikolon por La Balta Ondo

Konstanta referenco al ĉi tiu artikolo.

Pri La redakcio

Aleksander Korĵenkov, la redaktanto de ĉi tiu retejo
Tiu ĉi enskribo estis afiŝita en Aleksander Korĵenkov, Esperantujo kaj ricevis la etikedo(j)n , , , . Legosigni la fiksligilon.

4 Responses to 1000!

  1. Jens diras:

    Gratulon kaj antaŭen!

  2. Gratulojn okaze de la “jubileo”! Vi ja faras bonan laboron!

  3. Gratulojn okaze de la jubileo! 🙂 Vi ja faras bonan laboron!

Respondi