TEJO serĉas novan subvencipetiston.
Kontrakto: minimume 20, maksimume 40 horojn semajne por unu jaro kun ebleco de plilongigo. La salajroj estos priparolataj kun individuaj kandidatoj surbaze de iliaj spertoj.
Loko: distance/hejme.
Komenco: Aprilo 2021
Laborpriskribo:
- Petado de subvencioj, interalie tra Erasmus+ (projektoj kaj administra subvencio), Eŭropaj Solidaraj Korpusoj (ESK – https://europa.eu/youth/solidarity_en), Konsilio de Eŭropo, kaj Eŭropa Junulara Fonduso (projektoj kaj administra subvencio);
- Esplorado de aliaj subvencifontoj kaj subvencikadroj;
- Raportado pri la subvencioj al la agentejoj;
- Helpo en kunordigado de projektoj por TEJO, ĉefe de la administra vidpunkto;
- Helpo en administrado rilata al TEJO-volontuloj;
- Partopreno en eventoj pri financado por neprofitcelaj organizoj;
- Aldonaj taskoj rilataj al financoj, inkluzive de la kreado de buĝeto, amasfinancaj/monakiraj kampanjoj, kaj tiel plu;
- Ebleco plenumi taskojn en aliaj fakoj, ekzemple en la Komisiono pri Eksteraj Rilatoj, depende de la inklinoj, preferoj kaj kapabloj de la kandidato.
Kondiĉoj:
- Intereson pri la fako financoj kaj administrado;
- Kapablon profesie uzi la anglan lingvon kaj verki altnivelajn tekstojn;
- Konon de Esperanto aŭ emo kaj kapablo rapide lerni ĝin;
- Kapablon lerte uzi komputilon por plenumi la koncernajn taskojn;
- Kapablon lerte labori sen proksima superrigardo kaj regula vartado;
- Akcepti plenumi decidojn de la organoj de la asocio;
- Kapablon kunlabori kaj komuniki en internacia teamo en malsimilaj horzonoj;
- Preti por bona kunlaboro kun la estraro kaj la stabo de TEJO;
- La kandidato devas pruvi laborpermeson/loĝlokon en Eŭropa Unio.
Ideala kandidato havus:
- Konon pri kaj sukceson en monakirado el privataj fondaĵoj;
- Konon pri kaj sukceson en monakirado el publikaj fondaĵoj;
- Sukcesan sperton en la organizado de monakiraj kampanjoj.
Se vi interesiĝas, sendu vivresumon kaj motiviĝleteron ĝis la 28-a de Februaro 2021 al oficejo@tejo.org. Elektitaj kandidatoj estos invititaj al intervjuoj kun TEJO teamo.
TEJO estas egalŝanca dunganto, kiu ne diskriminacias surbaze de raso, haŭtkoloro, religio, sekso, genro, seksemo, etno, aĝo, handikapo, kaj genetikaj datumoj.
Fonto: https://www.tejo.org/subvencipetisto2021/
Klaku la supran bildon por vidi la abonmanierojn.
