Esperanto-Asocio de Finnlando organizas ĉiujare Vintrajn Tagojn en februaro aŭ marto kaj Aŭtunajn Tagojn en septembro aŭ oktobro. Dum Vintraj Tagoj okazos ankaŭ la laŭstatuta jarkunveno de la asocio. Ĉi-jare Vintraj Tagoj de EAF okazos en Oulu la 9-10an de marto. La kunvenejo situas en la urbocentro. En la taga programo ni havos sabate unue prelegon pri planlingvoj kaj poste du esperantistoj, kiu transloĝiĝis antaŭ kelkaj monatoj en Finnlando, rakontas pri siaj spertoj. La du prelegojn eblas sekvi ankaŭ distance, vidu la aliĝilon. Poste okazos la asocia jarkunveno.
Vespere ni havos koncerton kun lokaj talentoj: blovinstrumenta kvarteto kaj duopo Jalot Pojat (Noblaj Knaboj), kiuj ambaŭ prezentos al ni konatajn kaj novajn melodiojn. La koncerto okazos en kafejo de la loka Kulturdomo kaj ankaŭ la publiko havas liberan eniron.
En dimanĉo-mateno ni konatiĝos piedirante en la urbocentro, nin gvidos lokaj esperantistoj. Fine ni kolektiĝos en komuna lunĉo en konvena restoracio. La kotizojn vi trovos en la aliĝilo.
Kontaktadreso: eaf@esperanto.fi
Bonvenon!
Esperanto-Asocio de Finnlando
Fonto: https://www.esperanto.fi/eo/vintraj-tagoj/
Foto de Estormiz https://commons.wikimedia.org/w/index.php?curid=27199961
“La Ondo” en Telegramo: t.me/esperanto_news
Alklaku la supran bildon por vidi la abonmanierojn.
