La Komitato de Internacia Ligo de Esperantistaj Instruistoj (ILEI) kunsidis kadre de la 54a Virtuala Esperanto-Kongreso de ILEI (VEKI), al kiu aliĝis 156 personoj el 42 landoj. La kvorumo estis atingita, kaj la Komitato estis decidpova. Elektiĝis kiel prezidanto Ahmad Reza Mamduhi (Irano), kiel sekretario Elena Nadikova (Ruslando), kiel kasisto Karine Arakeljan (Armenio). Plie elektiĝis kiel estraranoj Laura Brazzabeni (Italio), Alessandra Madella (Italio), Radojica Petrović (Serbio), Fernando Pita (Brazilo) kaj Marija Jerković (Kroatio).
Do la Ligo havas okpersonan Estraron por la tri sekvaj jaroj.
La prezidinto Mireille Grosjean
La prezidanto Ahmad Reza Mamduhi
Fonto: https://www.ilei.info