La Monda Socia Forumo 2024, kiu okazis en Katmanduo de la 15a ĝis la 19a de februaro, kunigis aktivulojn el la tuta mondo sub la temo “Alia mondo eblas”. Katmanduo kun sia riĉa etna diverseco funkciis kiel vivoplena fono por la monda kunveno, kunigante voĉojn kontraŭ maljusteco kaj defendante pli justan mondon. Oni supozas, ke al la forumo venis aktivuloj, reprezentantaj 1252 organizojn en 92 landoj.
Malgraŭ la fakto, ke ĝi estis novnaskita, Himalaya Asocio, kun subteno de la loka NRO Jcycn por logistikhelpo, faris signifan impreson per originala stando kaj fulmkoncerto pri paco, danke al financa subteno de UEA kaj grupo de privatuloj. Kunigo de 25 pacvolontuloj, la asocio aktive partoprenis en marŝo tra la urbocentro en la unua tago, allogante atenton de miloj da observantoj dum almenaŭ tri horoj.
Partoprenantoj kaj volontuloj aperis dum kvin tagoj kiel multkultura ekspozicio, kreskigante bonajn interkonektojn kaj kontaktojn kun homoj el diversaj partoj de la mondo.
Esperanto ŝajnis nova kaj nekonata lingvo por la vizitantoj de sudazia origino, precipe por nepalanoj, dum kelkaj eŭropaj kaj amerikaj vizitantoj jam aŭdis pri la lingvo. Estis altaj atendoj, precipe de junularo kaj gepatroj, koncerne trejnadon en la kampo de paco kaj homaj rajtoj, kie Esperanto povus servi kiel unu el la iloj. Por plifortigi la kreskon de la lingvo en Nepalo, estis rekomendite evoluigi agadodirektitajn projektojn por junularo, fokusitajn al paco kaj homaj rajtoj. Inter la disdonitaj materialoj, la libreto Esperanto per Rekta Metodo montriĝis la plej postulata, indikante grandan intereson lerni la lingvon.
La Esperanto-stando, ornamita per presitaj materialoj kaj ciferecaj ekranetoj allogis atenton de almenaŭ 800 homoj, el kiuj 436 montris specifan interesiĝon pri Esperanto kaj prenis rilatajn materialojn dum la forumo.
Rekomendoj
Strategiaj Iniciatoj: Por antaŭenigi la celojn de Esperanto en Nepalo, oni devus evoluigi agadodirektitajn projektojn, aparte tiujn rilatajn al paco kaj homaj rajtoj, celante la junularon.
Daŭra Kontakto: Donita la pozitiva respondo, daŭrigotaj klopodoj konsciigi pri Esperanto, precipe per informado tra amaskomunikiloj, povus pli plifortigi ĝian videblecon kaj komprenon.
Fine, la Monda Socia Forumo 2024 en Katmanduo provizis platformon por signifa monda dialogo, kun Himalaya Asocio kaj UEA, farante gravajn kontribuojn, starigante la scenejon por daŭra kunlaboro.
Prakash Khadka
Himalaya Asocio
Fotoj de Himalaya Asocio
Ĉi tiu artikolo aperis en la novaĵretejo La Ondo de Esperanto.
Ĉe represo aŭ citado bonvolu indiki la fonton:
La Ondo de Esperanto https://sezonoj.ru/2024/03/nepalo-2
“La Ondo” en Telegramo: t.me/esperanto_news
Alklaku la supran bildon por vidi la abonmanierojn.
