Ankaŭ en 2023 okazos la IJF! La Internacia Junulara Festivalo (IJF), organizita de la Itala Esperantista Junularo (IEJ), estas la plej grava junulara itala evento, kiu okazas dum la Paska periodo. Malgraŭ la okazigo dum la venonta somero de UK kaj IJK en Italio, ni decidis teni viva la tradicion de tiu ĉi festivalo, kiu ĉijare portos vin en regiono kiu neniam gastigis IJF-n: Kalabrio! Regiono tre alloga por sportaj kaj promenemaj personoj, por bongustuloj kaj kulturŝatantoj, kiu tutcerte proponos al vi nekredeblan restadon.
La urbo kiu gastigos nin estas Palmi: ĝi situas en la suda parto de la regiono, en la provinco de Reggio Calabria, ĉe la Tirena marbordo kaj apud la monto Sant’Elia, tio igante ĝin perfekta kaj por la ŝatantoj de la plaĝo kaj por la plej kuraĝaj vojaĝantoj!
Palmi estas facile atingebla per buso kaj trajno kaj ĝi estas kunligita pere de ili al la flughaveno de Lamezia Terme, kun vojaĝo de ĉirkaŭ unu horo kaj duono.
Dum la paska semajno, de la 5a ĝis la 11a de aprilo 2023, ni kuntravivos sep tagojn en la gastema konstruaĵo Donna Canfora.
Kiel ĉiujare, la Internacia Junulara Festivalo elstaras pro la varieco de sia programo, kutime distingebla en tri malsamaj kategorioj:
- Tema programo. Kreita ĉirkaŭ la temo elektita de IEJ por ĉiu festivalo, riĉa je prelegoj, laborgrupoj kaj seminarioj;
- Turisma programo. Forta je la ekskursoj duontaga kaj tuttaga kiuj celas montri al la partoprenantoj la plejbonon de norda Italujo;
- Distra programo. Malhomogena kaj plurfaceta, konsistas je ĉiu nerilata al la oficiala programo, kiel ekzemple ludoj, dancoj, internaciaj vesperoj, koncertoj kaj diskejo subtenataj de la trinkejo (por diboĉemaj mojosuloj) kaj de la gufujo, ejo je paco kaj malstreĉo por ŝatantoj de babilado kaj varmaj trinkaĵoj.
Legu pli ĉe https://iej.esperanto.it/ijf/2023
Alklaku la supran bildon por vidi la abonmanierojn.
