La 96a Kongreso de SAT okazos ĉeeste en Greziljono

satPost tri jaroj da trudita reta kongresado, membroj de Sennacieca Asocio Tutmonda (SAT) povos denove renkontiĝi ĉeeste en unu el la kulturdomoj mastrumataj de francaj esperantistoj: la kastelo Greziljono. La 96a kongreso de SAT okazos ekde mardo la 18a de julio kaj mardo la 25a de julio 2023. Reta aliĝilo nun estas plenigebla.

Eblas ricevi pliajn informojn pri la kondiĉoj en la retejo de la kastelo: http://gresillon.org.

SAT estas societano de la kooperativo, kiu mastrumas la kastelon ekde 1952. En Greziljono jam okazis postkongreso sekve al la 60a SAT-Kongreso, okazinta en Bulonjo-ĉe-Maro en 1987.

Pliaj informoj estas en la retejo de SAT: https://satesperanto.org/spip.php?rubrique728.

La Ondo de Esperanto

Alklaku la supran bildon por vidi la abonmanierojn.

Tiu ĉi enskribo estis afiŝita en Esperantujo kaj ricevis la etikedo(j)n , , , , , , , , . Legosigni la fiksligilon.

Respondi