Dum la sep venontaj tagoj ni, Halina kaj Aleksander, estos ekster Kaliningrado, en Tjumeno kaj Kamyŝlov (Nord-okcidenta Azio). Dum tiu tempo ni ne estos kontakteblaj retpoŝte kaj telefone, bonvolu ne sendi urĝajn mesaĝojn kun petoj, kiujn ni ne povos plenumi.
Por daŭrigi la ĉiutagan publikigadon de tekstoj en ĉi tiu novaĵretejo, ni antaŭplanis sep sinsekvajn erojn. Temas pri la tradicia listo de Esperantaj jubileoj kaj memordatoj por majo 2022 kaj pri la unua parto de la dua volumo de “Rusa Novelaro”, en kiu vi konatiĝos kun nia nova literatura projekto kaj legos kelkajn tradukojn el la verkoj de Ivan Bunin, la unua rusa laŭreato de la literatura Nobelpremio.
Serenajn kaj agrablajn aprilofinon kaj majkomencon!
Halina Gorecka
Aleksander Korĵenkov
Ĉi tiu artikolo aperis en la novaĵretejo La Ondo de Esperanto.
Ĉe represo aŭ citado bonvolu indiki la fonton:
La Ondo de Esperanto https://sezonoj.ru/2022/04/azio-6
Alklaku la supran bildon por vidi la abonmanierojn.
