Ĉu vi estas engaĝita esperantisto? Ĉu vi volas helpi la movadon daŭre flori? Ĉu vi pretas gvidi la plej grandan asocion de Esperanta junularo? Kontaktu la Elektan Komisionon de TEJO! La Elekta Komisiono estas organo de TEJO, kies tasko estas serĉi kaj trovi kandidatojn por la postenoj en la Estraro de TEJO. La Estraro de TEJO regule (re)elektiĝas nur unufoje jare, sed la Elekta Komisiono laboras konstante, daŭre serĉante eblajn interesitojn kaj taŭgajn personojn por transpreni la gvidadon de la organizo.
Okaze de tiu ĉi Internacia Virina Tago, 8 marto 2024, la Esperanto-komunumo solidariĝas kun la virinoj de la mondo, emfazante la gravecon de genra egaleco, inkluzive la rajton de ĉiuj virinoj kundividi la politikan, ekonomian kaj kulturan bonfarton de la socio.
Okaze de la 125a naskiĝdatreveno de la sveda aŭtoro Stellan Engholm, kiu naskiĝis la 25an de marto 1899, la libroservo de UEA dum la tuta marto ofertas lian premiitan romanon Homoj sur la tero kun triona rabato, sendepende de la mendata kvanto.
“La paradokso estas ŝoka: samtempe kiam ni ekkomprenis la esencan rolon de arbaroj en subteno de vivo sur la Tero, ili estas malaperantaj antaŭ niaj okuloj. Arbaroj estas forcejoj de viv-diverseco, enhavante pli ol 70 procentojn de ĉiuj surteraj bestoj. Ni nun scias, kiom esencaj ili estas por akvocirkulo kaj klimata reguligo. Sed ĉi tiu altvalora ekologia sistemo – kiu subtenas 1,6 miliardojn da homoj – estas minacata pro amasa senarbarigo, fajroj, kaj malsanoj kaŭzitaj de la multiĝo de plagoj”, – skribis Agnès Bardon, la ĉefredaktoro de Unesko-Kuriero, en la ĉefartikolo de la tria ĉi-jara kajero (julio-aŭgusto 2023), antaŭ nelonge aperinta kun kelkmonata malfruo.
Je la 1a de marto 2024 al la 109a Universala Kongreso de Esperanto, kiu okazos de la 3a ĝis la 10a de aŭgusto 2024 en Aruŝo (Tanzanio), aliĝis 373 personoj el 50 landoj.
Antaŭ tri jaroj ni ĉesigis la tro kostan abonadon de poŝtkesto kaj informis pri tio niajn partnerojn. Evidentiĝis, ke ĝis nun ne ĉiuj atentis niajn anoncojn pri la adresŝanĝo kaj daŭre sendas poŝtaĵojn al la ne plu funkcianta poŝtkesta adreso. Bonvolu noti, ke kiel nia poŝta adreso servas nia hejma adreso:
“En aŭgusto 1959, Richard Nixon — la tiama vicprezidanto de Usono — vizitis la 44an Universalan Kongreson de Esperanto. La kongreso okazis en Varsovio, kiam Nixon estis en la urbo por oficiala vizito. Scivolema pri la personoj, kiuj promenis sur la stratoj portante verdajn flagojn kaj insignojn kun steloj sur siaj ĉemizoj kaj kostumoj, Nixon laŭdire demandis al sia asistanto, el kiu lando ili devenis. Lerninte ke tiuj simboloj estas la Esperanto-flago, kaj surprizite pro la multeco de la personoj kiuj montris tiujn simbolojn en Varsovio, Nixon petis viziti la kongresejon”, – skribis Guilherme Fians en sia artikolo “Varsovio, 1959: Richard Nixon, globvojaĝanto, kaj komunisto eniras Esperanto-Kongresejon”.
BET (Baltiaj Esperanto-Tagoj) estas tradicia somera esperantista renkontiĝo, organizata ekde 1959 laŭvice en Latvio, Estonio kaj Litovio. En 2025 BET revenos al Litovio, BET-59 okazos la 5-13-an de julio 2025 en Kaŭno (litove: Kaunas).
