La redakcio de “Literatura Vivo” anoncas la konkurson “Virina Aŭtoro de la Jaro”, kies celo estas rekoni, honori kaj popularigi la literaturan verkadon de virinoj en Esperanto.
La opinio de la legantoj estas tre grava por ni. Kiun vi proponas por la titolo “Virina Aŭtoro de la Jaro”? Se vi konas talentan verkistinon, kiu laŭ via opinio meritas tiun ĉi honoran titolon, bonvolu sendi al ni vian rekomendon.
Konkursa periodo: de la 1a de aŭgusto 2026 ĝis la 30a de novembro 2026.
Bonvolu aldoni al via rekomendo la nomon de la aŭtorino; mallongan klarigon, kial vi rekomendas ŝin; kaj, se eble, ŝiajn kontaktinformojn aŭ ligilon al ŝia retejo aŭ socia paĝo.
Bonvolu sendi viajn rekomendojn al info@literaturavivo.com.
Ni elkore invitas vin partopreni en ĉi tiu iniciato kaj helpi nin malkovri kaj honori elstarajn verkistinojn de la Esperanta literaturo. Ne maltrafu ĉi tiun ŝancon rekomendi verkistinon, kies talento kaj literatura kontribuo meritas la titolon “Virina Aŭtoro de la Jaro”.
Redakcio de “Literatura Vivo”
Ĉi tiu artikolo aperis en la novaĵretejo “La Ondo de Esperanto”.
Ĉe represo aŭ citado bonvolu indiki la fonton:
“La Ondo de Esperanto” https://sezonoj.ru/2026/08/konkurso-70/
Abonu “La Ondon de Esperanto” por 2026 kontraŭ nur 15 eŭroj kaj ricevu senpage la jarkolektojn por 2024 kaj 2025. Legu pli ĉe https://esperanto-ondo.ru/Lo-abon.htm
La Ondo de Esperanto en Telegramo: t.me/esperanto_news
