La lastan semajnon de junio, jam la duan fojon, esperantistoj venas kaj ripozas en pitoreska kroatia vilaĝo Prvić Luka. Antaŭ unu jaro krom somerumada ripozo okazis ankaŭ jarkunveno de Kroata Esperanto Ligo sed ĉi-jare la partoprenantoj de Adriatika somerumada ĝuis en senstreĉa atmosfero kun nur unu tasko: ripozo kaj kunesti. La partoprenantoj venis, krom el Kroatio, ankaŭ el Hungario, Pollando, Serbio kaj, helpe de Erasmus+, el Italio.
Ni revizitis la memorcentron de Faust Vranĉiĉ, kaj ni ĝuis la koncertojn kaj prezentaĵon danke al Saŝa Pilipoviĉ kaj Georgo Handzlik, ni ludis tabulludojn, lernis skribi glagolice, kaj ĉio en tradicie amika Esperanta atmosfero.
Oni aŭdas informojn pri la venontjara renkontiĝo en la sama loko…
Ankica Jagnjić
Fonto: https://esperanto.hr/
Abonu “La Ondon de Esperanto” por 2025 kontraŭ nur 15 eŭroj kaj ricevu senpage la jarkolektojn por 2023 kaj 2024. Legu pli ĉe https://esperanto-ondo.ru/Lo-abon.htm
La Ondo de Esperanto en Telegramo: t.me/esperanto_news
