Kvankam la redakcio de La Ondo de Esperanto ekde januaro 2020 promesas, ke la abonantoj ricevos 100-120 paĝojn ĉiusezone, ĉiu ĝisnuna eldono de la Ondo estas pli ampleksa. Tia estas ankaŭ la junia (somera laŭ la nordhemisfera vidpunkto) eldono, kiu aperis pasintsemajne kun sesdeko da tekstoj kaj multaj ilustraĵoj sur 136 paĝoj.
La movada sekcio “Eventoj” estas varia kaj ampleksa: 30 artikoloj kaj artikoletoj sur 38 paĝoj. Oni povas legi pri la Eŭropa Esperanto-Kongreso (du artikoloj), landaj kongresoj en Britio kaj Katalunio, pri la partopreno de esperantistoj en la Poliglota Renkontiĝo en Prago, pri multaj tradiciaj kaj novaj esperantistaj kunvenoj okazintaj en aprilo, majo kaj junio sojle de la Kongresa Sezono kaj pri la baldaŭaj esperantistaj eventoj. En la plej ampleksa, kvinpaĝa artikolo en “Eventoj” Dennis Keefe rakontas pri la dumonata kurso “Esperanto-Plaĝo” kiun li gvidis en Hispanio. La Ondo informas pri elekto de Vytenis Andriukaitis al la Eŭropa Parlamento kaj pri Federacia Meritkruco por Zsófia Kóródy. Ni konfesas, ke la primovada sekcio povintus esti eĉ pli ampleksa, sed ni decidis limigi ĝian amplekson, kaj la ceteraj artikoloj, kiuj ne aperis en la gazeto, intertempe aperis en nia ĉiutage aktualigata novaĵretejo https://sezonoj.ru/.
En la sekcio “Tribuno” estas publikigitaj tri diskut-artikoloj de Renato Corsetti, honora prezidanto de UEA; unu el la artikoloj komentas la artikolon de la nuna prezidanto de UEA Duncan Charters pri la nova Strategia laborplano de UEA. Ili jam estas legeblaj en nia novaĵretejo – legu kaj komentu ĉe https://sezonoj.ru/.
Krom la tradicia listo de Esperantaj jubileoj kaj memordatoj por la kuranta monato (julio 2024), kompilita de Aleksander Korĵenkov en la sekcio “Arkivo” estas publikigita artikolo de Marc Vanden Bempt pri Internacia Esperanto-Arkivo antaŭ nelonge fondita en la Belgia urbo Diest. Stanislav Belov en sia ampleksa, dekpaĝa ilustrita artikolo rakontas pri Ruslandaj eventoj, okazintaj antaŭ tri jarcentoj en Ruslando – la vivo kaj la morto de la unua Siberia guberniestro Mateo Gagarin.
En ĉiu numero de La Ondo de Esperanto la plej ampleksa sekcio estas “Kulturo”, ankaŭ en junio ĝi estas 60-paĝa. En la unika Onda projekto “Rusa Novelaro 2” nun estas publikigita ĝia deka parto: kvar rakontoj de Miĥail Bulgakov, kiujn por vi tradukis Vladimir Jurganov, Ludmila Novikova, Vladimir Vyĉegĵanin kaj Aleksander Korĵenkov, kiu ankaŭ verkis la enkondukon kaj komentojn. Beletre kontribuis al la junia Ondo ankaŭ Paulo Sérgio Viana per sia originala novelo “Kvar preĝvendredoj”, kaj Miguel Fernández per tradukoj de kelkaj poemoj de la nuntempa galega poeto Claudio Rodríguez Fer.
Probal Dasgupta recenzas la Ŝekspiran verkon Koriolano kaj Wolfgang Kirschstein la originalan poemaron espero fola de Benoît Philippe. Krome, en la junia kultursekcio oni povas legi ankaŭ pri aliaj literaturaj, muzikaj kaj gazetaj novaĵoj en Esperantujo.
Al la sekcio “Mozaiko”, kiel ĉiam, kontribuis Stanislav Belov per paĝo da ŝercoj pri riĉuloj kaj malriĉuloj kaj István Ertl per “Spritaj splitoj kaj preskeraroj”.
Jen denove ampleksa, riĉenhava kaj interesa gazeto, sur kies kovropaĝo estas somera pentraĵo de la rusa Sovetunia pentristo Arkadij Plastov.
La Ondo de Esperanto aperas dumaniere: unue, kiel ĉiutage aktualigata novaĵretejo; due, kiel ampleksa trimonata almanako en kiu estas publikigataj la plej gravaj tekstoj el nia retejo kaj ankaŭ artikoloj, eseoj kaj beletraĵoj, verkitaj kaj tradukitaj speciale por la almanako, kiu konservis la gloran nomon La Ondo de Esperanto. Ankaŭ en 2024 la redakcio pretigos kvar 100-120-paĝajn almanakojn kaj literaturan suplementon.
La novaĵretejo estas senpage legebla de ĉiu deziranto, sed la almanakon ricevas nur tiuj, kiuj abonis ĝin.
La baza abontarifo ne ŝanĝiĝas dum pluraj jaroj.
Estas tri abonkategorioj:
1. Abonanto – 15 eŭroj
2. Amiko – 30 eŭroj
3. Patrono – 100 eŭroj
Dum la abonjaro 2023 danke al la Amikaj donacoj 32 personoj ricevis senpagajn abonojn al nia gazeto. La nomoj de ĉiuj amikoj kaj patronoj aperas en la rubriko “Donacoj” de nia novaĵretejo. Pagante vian kotizon, pensu pri tiuj, kiuj mem ne povas pagi, kaj donacu Amikan kotizon.
La Ondo de Esperanto estas abonebla por 2024 ĉe niaj landaj perantoj (preferinda maniero) kaj ĉe nia UEA-konto. Pri la pagmanieroj legu ĉi tie: https://esperanto-ondo.ru/Lo-abon.htm.
La sekva (aŭtuna por la norduloj) eldono de La Ondo de Esperanto (№321) aperos fine de septembro aŭ komence de oktobro.
Enhavtabelo de la junia Ondo (2024, №320)
1 Kovropaĝa foto (pentraĵo de Arkadij Plastov)
2 Bazaj informoj pri La Ondo de Esperanto
3 En ĉi tiu numero
5 Eventoj
6 Joël Fontaine. Eŭropa Kongreso: Dialogo inter eŭropaj popoloj
7 Frédéric Gilles. Opinio de unuafojulo
8 Léa Gavoille. Multlingve en Prago
10 Dennis Keefe. Esperanto-Plaĝo: Longa, Intensa, tute Esperanta
15 Povilas Jegorovas. Vytenis Andriukaitis: Esperantisto en la Eŭropa Parlamento
17 Peter Zilvar, Harald Mantz. Federacia Meritkruco por Zsófia Kóródy
18 Maurizio Giacometto. Oksfordo: la centra etapo de la Festjaro Bauldton
21 Alfons Tur. Jubilea kongreso de Kataluna esperantistaro
22 Gražina Opuskienė. Printempa kunflugo en Litovio
24 Héloïse Lellouche. IJF-47: La pontoj trans la montoj
26 Tiina Oittinen. Somera kurso en Tampere
27 Sukcesa redebuto de Danuba Esperanto-Rendevuo
28 Ana Alebić-Juretić. PRINTEMPaS en Greziljono
29 Michel Basso. Giganta benko en Alzaco
30 Laurent Vignaud. Esperanto en Angers jam 120-jara
31 Lars Sözüer. Sur du radoj ĉe la Balta Maro
32 Ulrich Matthias. Krakovo valoris vojaĝon
33 Katalin Kováts. La ekzamenretejo edukado.net estas ALTE-taksita
34 Retaj KER-ekzamenoj de 2024
35 Prakash Ghimire. Nova estraro en Nepalo
36 Xie Ruifeng. Seminario sur la monto Suxian
37 Nia literaturo influe reprezentita en Slovenio
37 La gajnintoj de la konkurso “Partoprenu IJK-n 2024”
38 Mulele Mbassa Makaranga. Intensiva kurso en Tanzanio
38 La 2a Afrika Kongreso de Virinoj en Aruŝo
39 767 aliĝoj al UK-109: Aruŝo superis Bonaeron!
40 KAEST 2024 okazos en Slovakio
40 Simpozio kun Esperanto kiel unu el la laborlingvoj
41 Halina Gorecka, Aleksander Korĵenkov, Aleksej Korĵenkov. Petro Čeliauskas forpasis
42 Halina Gorecka, Aleksander Korĵenkov. Ni funebras kaj kondolencas
43 Tribuno
44 Duncan Charters. Strategia laborplano – ĉu resumebla?
46 Renato Corsetti. Labor-plano, planoj kaj laboroj
49 Renato Corsetti. Aperi aŭ malaperi, – tiel staras nun la demando
51 Renato Corsetti. Ne al flug-roboto sangon soifanta: Esperanto-tago, la 26a de julio 2024
52 Mesaĝo de UEA okaze de la Tago de Esperanto
53 Mesaĝo de UEA al UN okaze de la Monda Tago de Rifuĝintoj, la 20a junio
54 Halina Gorecka, Aleksander Korĵenkov. 1600+ tagoj da konstanta ĉiutaga informado
55 François Lo Jacomo. Danci por la paco
56 Arkivo
57 Aleksander Korĵenkov. Jubileoj kaj memordatoj en julio 2024
60 Marc Vanden Bempt. Internacia Esperanto-Arkivo
61 Stanislav Belov. La vivo de Mateo Gagarin: de kortego ĝis eŝafodo
71 Kulturo
72 Aleksander Korĵenkov. Ne nur La majstro kaj Margarita
73 Miĥail Bulgakov. La ruĝa krono. La ĥana fajro. La blizardo. Estis majo (Trad. Vladimir Jurganov, Aleksander Korĵenkov, Ludmila Novikova, Vladimir Vyĉegĵanin)
106 Paulo Sérgio Viana. Kvar preĝvendredoj
109 Miguel Fernández. Nuntempa galega poezio: Claudio Rodríguez Fer
111 Claudio Rodríguez Fer. Poemoj (Trad. Miguel Fernández)
115 Probal Dasgupta. Romio antaŭ Julio (Recenzo: William Shakespeare. Koriolano)
121 Wolfgang Kirschstein. Ne malatentu ĉi poeton (Recenzo: Benoît Philippe. espero fola)
123 Rimleteroj: Jubilea reeldono
123 Matilda aperis en Esperanto
124 Lu Wunsch-Rolshoven. Nova libro de Etsuo Miyoshi senkoste en Esperanto
125 Floréal Martorell, Aleksander Korĵenkov. Dezertoj: La dua bitalbumo de Armel Amiot
126 Floréal Martorell. Nova bitalbumo de Martin & la talpoj
127 Halina Gorecka. Beletra Almanako, 2023, №49
128 Aleksander Korĵenkov. Unesko-Kuriero: Edukado en la epoko de artefarita intelekto
129 Literatura Foiro, 2024, №328
130 Literatura Foiro, 2024, №329
131 Mozaiko
132 Stanislav Belov. Aĥ, tiuj (mal)riĉuloj
133 István Ertl. Spritaj splitoj kaj preskeraroj
134 Perantoj de La Ondo de Esperanto
135 Reklamo
La red.
Ĉi tiu artikolo aperis en la novaĵretejo La Ondo de Esperanto.
Ĉe represo aŭ citado bonvolu indiki la fonton:
La Ondo de Esperanto https://sezonoj.ru/2024/07/ondo-129/
Abonu La Ondon de Esperanto por 2024 kontraŭ nur 15 eŭroj kaj ricevu senpage la jarkolektojn por 2022 kaj 2023. Legu pli ĉe https://esperanto-ondo.ru/Lo-abon.htm
La Ondo de Esperanto en Telegramo: t.me/esperanto_news
