La Interlingvistikaj Studoj de la Universitato Adam Mickiewicz (Poznano, Pollando), ILEI kaj Edukado.net denove kune organizas unujaran instruistan trejnadon, kiu disponigos la necesajn konojn kaj lertojn por instruado de Esperanto kaj trejnos la partoprenantojn pri metodiko.
La kursaro necesigas partoprenon unufoje en la surloka intensa semajna sesio en Pollando (09-15.09.2023). La sekvaj sesioj okazos rete: du semajnfinaj renkontiĝoj en 2023, kvartaga sesio en februaro 2024 kun aldona ekzameno, kaj denove du semajnfinaj sesioj printempe de 2024. Inter la retaj sesioj la partoprenantoj laboros hejme pri la ricevitaj taskoj, uzante ankaŭ la retejon Edukado.net kaj konsultiĝos kun la kursgvidantoj. Por fini la studojn necesos pretigi finlaboraĵon pri metodika temo, kies prezento kun la fina kompleksa (teoria kaj praktika) ekzameno okazos en septembro 2024. Aliĝantoj ricevos diplomon pri instruista trejnado.
La trejnado estas specialiĝo de la trijaraj postdiplomaj interlingvistikaj studoj, kio signifas, ke temas pri la plej altnivela instruista trejnado, responda al la universitataj programpostuloj, kun teoria bazo kaj praktiko.
EL LA PROGRAMO
Lingvopedagogio (Katalin Kováts, Ilona Koutny, Zsófia Kóródy):
• Bazaj faktoroj de lingvopedagogio (instrumetodoj, instruprocezo, evoluigo de kapabloj, taksado, lingva interfero, ktp.)
• Esperanta metodiko (instruado de elparolo, gramatiko, vortoprovizo kaj kulturo, planado de lecionoj kaj kursoj, ktp.)
• Instruhelpiloj (tradiciaj kaj modernaj)
• Taksado kaj ekzamenoj
Esperanta kulturo (Suso Moinhos, Ilona Koutny):
• Tiklaj punktoj de Esperanto-gramatiko
• Ĉefaj periodoj kaj verkistoj de Esperanto-literaturo
• Plej gravaj eventoj de la historio de Esperanto
Lingva trejnado
Donaco: partopreno en la aktualaj kursoj de la Interlingvistikaj Studoj:
• Nuntempaj problemoj de Esperanto-movado (Mark Fettes)
• Nuntempa Esperanta literaturo (Suso Moinhos)
Kondiĉoj: bona lingvoscio (min. B2, atestilo pri Esperanto-ekzameno estas bonvena) kaj baza kono de Esperanta kulturo, krome finita mezgrada lernado (tipo de abiturienta ekzameno).
Partoprenkotizo: A-landoj: 300 eŭroj, B-landoj 150 eŭroj por unu semestro
Informoj: interlin@amu.edu.pl aŭ ikoutny@amu.edu.pl
Informiloj kaj reklamiloj: https://edukado.net/trejnado
Aliĝilo: https://mallonge.net/xv
Limdato: 15.08.2023
Ĝi estas artikolo el la marta (printempa) eldono de La Ondo de Esperanto (2023).
Ĉe represo aŭ citado bonvolu nepre indiki la fonton:
Papere: La Ondo de Esperanto, 2022, №1 (315).
Rete: La Ondo de Esperanto https://sezonoj.ru/2023/03/uam-27
Alklaku la supran bildon por vidi la abonmanierojn.
