En la retejo de UEA aperis la Dua Bulteno de la 108a Universala Kongreso de Esperanto, kiu okazos de la 29a julio ĝis la 5a de aŭgusto 2023 en Torino (Italio). Kiel kutime, la Dua Bulteno enhavas plurajn informojn por la kongresanoj: Loka Kongresa Komitato; la kongresejo; utilaj informoj pri Italio, Piemonto kaj Torino; paroligaj kursoj kaj KER-ekzamenoj; kongresa temo; provizora programo; hoteloj; ekskursoj; bankedo k. a.
Ĉi tiu 33-paĝa bitlibro, pretigita laŭ la normo pdf, estas elŝutebla ĉe https://uea.org/pdf/uk2023.
Ekde la 1a de januaro ĝis la 31a de marto validas la dua, pli kosta aliĝtarifo: por t. n. A landoj ĝi estas 240 eŭroj por individuaj membroj de UEA kaj 300 eŭroj por ne individuaj membroj. Aliĝu rete ĉe https://uk.esperanto.net/2023/
La red.
Ĉi tiu artikolo aperis en la novaĵretejo La Ondo de Esperanto.
Ĉe represo aŭ citado bonvolu indiki la fonton:
La Ondo de Esperanto https://sezonoj.ru/2023/03/torino-9
Alklaku la supran bildon por vidi la abonmanierojn.
