Restas nur du semajnoj ĝis la 31a de marto, la limdato por akcepto de konkursaĵoj en la 74aj Belartaj Konkursoj de UEA, kies rezultojn oni anoncos kadre de la 108a Universala Kongreso de Esperanto en Torino.
Oni povas konkursi en jenaj branĉoj:
Poezio: maksimuma longo ne fiksita.
Prozo: maksimuma longo 200×65 karaktroj (kvino da paĝoj).
Mikronovelo: (maksimuma longo 100 vortoj). La unua premio nomiĝas Premio Paula Adúriz.
Teatraĵo: maksimuma longo ne fiksita.
Teatraĵo, subbranĉo Monologo (unupersona teatraĵo) aŭ Skeĉo (unu- aŭ divers-persona): daŭro inter 10 kaj 15 minutoj. La unua premio nomiĝas Premio María Cuevas.
Eseo: teme ligita kun Esperanto aŭ kun la kongresa temo, proksimuma longo 400×65 karaktroj (deko da paĝoj). La unua premio nomiĝas Premio Luigi Minnaja.
Infanlibro de la Jaro: originala aŭ tradukita libro por infanoj presforme aperinta en 2022. Aljuĝata estas nur unu premio.
Kantoteksto: maksimuma longo ne fiksita.
Legu pli en nia novaĵretejo https://sezonoj.ru/2022/08/gk-192
La red.
Ĉi tiu artikolo aperis en la novaĵretejo La Ondo de Esperanto.
Ĉe represo aŭ citado bonvolu indiki la fonton:
La Ondo de Esperanto https://sezonoj.ru/2023/03/konkurso-30
Alklaku la supran bildon por vidi la abonmanierojn.
