Por festi kune la 162an naskiĝtagon de Ludoviko Zamenhof, la Bjalistoka Esperanto-Societo invitas vin al la 22aj Bjalistokaj Zamenhof-Tagoj, kiuj okazos de la 9a ĝis la 12a de decembro 2021 en la naskiĝurbo de la iniciatoro de Esperanto. Ĉi-jare ni festos ankaŭ la 30-jariĝon de Bjalistoka Esperanto-Societo kaj, kiel kutime, la programo enhavos diverstemajn prelegojn, koncertojn (JoMo, Frey-Lech Trio kaj Uku-Donaco Bjalistoko), ekspozicion, (internaciajn) renkontiĝojn… Ankaŭ okazos renkontiĝoj de tri projektoj de la programo Erasmus+ antaŭ, dum kaj post la evento.
La partopreno estas senpaga, krom la tagmanĝoj kaj la dimanĉa ekskurso al Supraśl. La tuta evento estos rete elsendata ĉe la FB-paĝo de la Zamenhof Centro: “Białostocki Ośrodek Kultury/Centrum im. Ludwika Zamenhofa”.
Detalojn, aliĝilon kaj la programon vi trovos ĉe nia retejo:
https://espero.bialystok.pl/eo/22aj-bjalistokaj-zamenhof-tagoj/?v=9b7d173b068d
Jeanne Grimaud
Ĉi tiu artikolo aperis en la novaĵretejo La Ondo de Esperanto.
Ĉe represo aŭ citado bonvolu indiki la fonton:
La Ondo de Esperanto https://sezonoj.ru/2021/12/polujo-4
Alklaku la supran bildon por vidi la abonmanierojn.
