Ni sukcesis aranĝi tiel, ke ankaŭ dum nia 18-taga Kaŭkaza restado en nia novaĵretejo ĉiutage aperis almenaŭ unu nova teksto. Danke al tio, la seninterrompa serio, komencita la 1an de januaro 2020, atingis la 500-tagan daŭron la 14an de majo 2021. Ĉi tiu artikolo, kiun vi nun legas, estas publikigita la 27an de majo, la 513an tagon de nia informado.
Ĉi tiu novaĵretejo estis lanĉita la 2an de septembro 2010 kiel La Balta Ondo. Ekde tiam (inkluzive de ĉi tiu artikolo) en ĝi aperis 2 mil 547 tekstoj, averaĝe kvar aŭ kvin tekstoj ĉiusemajne. Ilin garnas 3 mil 729 ilustraĵoj.
Komence de la pasinta jaro nia novaĵretejo estis modernigita kaj ŝanĝis sian nomon al La Ondo de Esperanto.. Fine de januaro 2020 ni instalis vizitkalkulilon, laŭ kiu la plej ofte vizitita afiŝo estas ne aktualaĵo, sed la diskutartikolo Granda skismo en Esperantujo de la Soberia esperantisto Stanislav Belov. Sekvas tri artikoloj de la ĉefredaktoro de La Ondo. Ĉiuj artikoloj de la unua dekkvinopo estas enretigitaj en 2020 aŭ 2021 escepte de la artikolo pri esperantofonoj en la Ruslanda censo, verkita antaŭ preskaŭ dek jaroj – danke al pluraj referencoj en la reto ĝi estas nun en la dua loko.
Vidu la liston de la dek kvin plej popularaj tekstoj ekde februaro 2020 (fine de ĉiu linio estas la loko kiun la teksto okupis antaŭ tri monatoj):
2.257. Belov S.: Granda skismo en Esperantujo (1)
1.799. Korĵenkov A.: Kiom da esperantistoj en Ruslando? Ne malpli ol 992 (5)
1.769. Korĵenkov A.: Antaŭ 125 jaroj: Tolstoj kaj la unua Esperanta gazeto (2)
1.685. Korĵenkov A.: Ho, mia kor’, ne batu maltrankvile… (7)
1.655. Gorecka H., Korĵenkov A.: Sen Rodin sekvis sian edzinon (3)
1.634. Gorecka H., Korĵenkov A.: Júlia Sigmond forpasis (4)
1.443. Belov S.: La pandemio kaj la homaro: konkludoj de la viruso (6)
1.410. Korĵenkov A.: Jubileoj kaj memordatoj en februaro 2020 (8)
1.381. Reza Kheirkhah: Staĝo en Tajvano: Malgraŭ la koronviruso (9)
1.318. Korĵenkov A.: Jubileoj kaj memordatoj en junio 2020 (13)
1.186. Gorecka H., Korĵenkov A.: Parlamenta medalo por Povilas Jegorovas (10)
1.160. Louis Beaucaire: Kiel mi fariĝis kunfondinto de UEA (11)
1.159. Fischer-Kotowski P.: Trevor Steele: La internacia lingvo estas parto de mia ideologio (Intervjuo) (12)
1.142. Wennergren B.: La nova eldono de PIV estas presita (15)
1.142. Vi estas mia heroo: libro de UN pri KOVIM-19 aperis en Esperanto (14)
La Ondo de Esperanto nun aperas dumaniere: unue, kiel ĉiutage aktualigata novaĵretejo; due, kiel ampleksa trimonata almanako en kiu estas publikigataj la plej gravaj tekstoj el nia retejo kaj ankaŭ artikoloj, eseoj kaj beletraĵoj verkitaj speciale por la almanako, kiu konservis la faman nomon La Ondo de Esperanto.
Malkiel la retejo, kiu plu estas libere legebla de ĉiu deziranto, la almanakon ricevos nur tiuj, kiuj abonos ĝin. Estas tri abonkategorioj:
1. Abonanto – 15 eŭroj
2. Amiko – 30 eŭroj
3. Patrono – 100 eŭroj
Pri la pagomanieroj legu ĉi tie: https://esperanto-ondo.ru/Lo-abon.htm.
Ĝis nun neniu esperantista asocio, instanco aŭ fondaĵo subtenis la solan ĉiutage renovigatan Esperantan novaĵretejon. Ĝia funkciado dependas nur de la helpemo de tiuj, kiuj legas kaj/aŭ abonas la almanakon La Ondo de Esperanto. Dankon pro la helpo!
Halina Gorecka
Aleksander Korĵenkov
Ĉi tiu artikolo aperis en la novaĵretejo La Ondo de Esperanto.
Ĉe represo aŭ citado bonvolu indiki la fonton:
La Ondo de Esperanto https://sezonoj.ru/2021/05/ondo-81
Klaku la supran bildon por vidi la abonmanierojn.
