Partoprenu projekton pri manĝaĵoj en Litovio!

Afiŝita en 23 Aprilo 2024 de La redaktoro

manĝaĵoj

Tutmonda Esperantista Junulara Organizo (TEJO), kunlabore kun LEJO, GEJ, KEJ, IEJ, PEJ kaj JEFO, organizas la junularan interŝanĝon “Kunhavante manĝkutimojn por alproksimigi kulturojn” financitan de la programo Erasmus+.

Legi plu →

Vizitoj 20
Afiŝita en Esperantujo | Etikedigita , , , , , , , , | Lasi komenton

Partoprenu en la dua vojaĝkonkurso de TEJO

Afiŝita en 22 Aprilo 2024 de La redaktoro

vojaĝkonkurso

Tutmonda Esperantista Junulara Organizo (TEJO), helpas al GEJ, PEJ, LEJO, JEFO kaj KEJ organizi la duan sezonon de la vojaĝkonkurso “Esperanto senlime”, financita de Erasmus+.

Legi plu →

Vizitoj 81
Afiŝita en Esperantujo | Etikedigita , , , , , , , , , , , , , , , , | Lasi komenton

Nova eldono de la Zagreba lernolibro

Afiŝita en 21 Aprilo 2024 de La redaktoro

ZagrebaAperis la deka kroata eldono de la lernolibro de Esperantoo. La eldonisto estas Kroata Esperanto-Ligo. La aŭtoroj estas Roger Imbert, Ivan Špoljarec, Spomenka Štimec kaj Zlatko Tišljar. La novan eldonon grafike aranĝis Ivan Špoljarec, kiu tradicie grafike aranĝis la antaŭajn eldonojn. Sur la dorsa paĝo de la lernilo troviĝas la kovriloj de la presitaj 20 eksterlandaj eldonoj, samkiel la informo ke Tradicio de Esperanto estas nemateria Kultura heredaĵo de Kroatio, registrita sub la signo Z-7298 ekde la jaro 2017. Nikola Rašić verkis ampleksan postparolon Esperanto kaj esperantistoj.

Fakte ekzistas 11 eldonoj de la lernilo en la kroata, sed unu ne estas eldonita per la latina skribo sed per la brajla. Ĝin eldonis Antun Kovač. La prezo de la 80-paĝa lernilo estas 10 eŭroj plus sendokostoj. Ĝi mendeblas per kel@esperanto.hr aŭ per poŝtelefono 091 4617550.

Fonto: https://esperanto.hr

“La Ondo” en Telegramo: t.me/esperanto_news

La Ondo de Esperanto

Alklaku la supran bildon por vidi la abonmanierojn.

Vizitoj 95
Afiŝita en Esperantujo | Etikedigita , , , , , , , , , , | Lasi komenton

Rimleteroj: Jubilea reeldono

Afiŝita en 20 Aprilo 2024 de La redaktoro

RimleterojNove re-eldonita kiel la unua parto de nia Festjaro BAULDTON: Rimleteroj, kuna projekto de la festatoj dum ilia frua esperantisteco!

En 1953 William Auld invitis Marjorie Boulton korespondi uzante rondelojn, poem-stilon de mezepoka Francujo. Ŝi tuj akceptis la duelinviton. Dum periodo naŭ-monata la duopo inter­ŝanĝis 84 poŝt­kartojn verkitajn laŭ tiu stilo, montrante sian junaĝan vervon kaj vivlongan spriton. La tekstoj konserviĝis, kaj nun vi, kara leganto, povas konatiĝi kun tiu sendube unika fenomeno, reeldonita omaĝe al tiuj elstaraj esperantistoj precize cent jarojn post ilia naskiĝo.

Legi plu →

Vizitoj 141
Afiŝita en Esperantujo | Etikedigita , , , , , , , , , , , , , , , , | Lasi komenton

Venu al la unua IJK en Litovio!

Afiŝita en 19 Aprilo 2024 de La redaktoro

ijk

Litova Esperanta Junulara Organizo (LEJO) invitas vin al la 80a Internacia Junulara Kongreso (IJK), kiu okazos ĉi-jare en Šventoji la 18-25an de aŭgusto. La kongreso estas jubilea, 80a kongreso kaj estas vere historia, la unua en Litovio kaj ankaŭ en la Baltiaj landoj. Ĝi estas grava fakto por nia Esperanto-movado.

Legi plu →

Vizitoj 134
Afiŝita en Esperantujo | Etikedigita , , , , , , , , , , | Lasi komenton

La gajnintoj de la konkurso “Partoprenu IJK-n 2024”

Afiŝita en 18 Aprilo 2024 de La redaktoro

ijk

TEJO ĝojas anonci la plenan liston de la gajnintoj de la konkurso “Partoprenu Internacian Junularan Kongreson 2024”.

  • Espoir Ngoma Kasati Demokratia Respubliko Kongo
  • Kaleth Ochoa Rojano Kolombio
  • Santiago Esmeral Argentino
  • Ŝujano Hou Ĉinio
  • Logan Hall Usono

Legi plu →

Vizitoj 144
Afiŝita en Esperantujo | Etikedigita , , , , , , , , | Lasi komenton

ILEI raportas

Afiŝita en 17 Aprilo 2024 de La redaktoro

ILEIRaportas la Prezidanto kaj la Estraro de ILEI (Internacia Ligo de Esperantistaj Instruistoj) pri trimonata agado, de 2024-01-15 ĝis 2024-04-15.

Ŝlocilpunktoj: nova etapo de kunlaboro por “Landa Agado” (LAPA); ILEI-kongreso-2024 kaj aliaj; ILEI-forumoj; instruistaj trejnadoj: intaj kaj ontaj; novaj kursoj de Esperanto; eventoj enkadre de la Jaro de Interkultura Kompetento-2024; nova konkurso enkadre de la projekto “Premio La Torre”; universitata agado; omaĝe al 75-jariĝo de ILEI; IPR (Internacia Pedagogia Revuo) kaj JA (Juna Amiko); sciencaj esploroj pere de Esperanto kaj por ĝi; novaj publikaĵoj.

Legi plu →

Vizitoj 108
Afiŝita en Esperantujo | Etikedigita , , , , , , , , | Lasi komenton

Estonteco kaj lingvaj rajtoj

Afiŝita en 16 Aprilo 2024 de La redaktoro

estonteco

En septembro 2024 Unuiĝintaj Nacioj okazigos la Pintkonferencon de la Estonteco, inter kies esperataj rezultoj estos Pakto por la Estonteco pri la demando kiel trakti la nunajn urĝajn defiojn kiujn la mondo frontas. Bedaŭrinde, la unua malneto de la Pakto por la Estonteco tute ne mencias multlingvecon nek lingvajn rajtojn. Temas pri grava defio, ĉar solvi la krizojn de la mondo postulas inkluzivecon kaj malferman komunikadon, kiuj estas neeblaj dum daŭras lingva diskriminacio.

Legi plu →

Vizitoj 90
Afiŝita en Esperantujo, Mondo | Etikedigita , , , , , , , , , , , , , , | Lasi komenton

Kunveno en Pekino: Esperanto, disvolvo kaj estonteco

Afiŝita en 15 Aprilo 2024 de La redaktoro

Pekino

Posttagmeze de la 13a de aprilo en Pekino okazis kunveno de Pekina Esperanto-Asocio kun la temo “Esperanto, disvolvo kaj estonteco”. Yu Jianchao, prezidanto de la asocio, faris resumon de la asociaj laboroj en 2023, kaj vicprezidanto Chen Ji prezentis la planon por 2024. La kunvenon prezidis Zhang Yongle, ĝenerala sekretario de la asocio, kaj ĉirkaŭ 30 lokaj esperantistoj partoprenis.

Legi plu →

Vizitoj 107
Afiŝita en Esperantujo | Etikedigita , , , , , , , , , , | Lasi komenton

Antaŭ 107 jaroj forpasis Ludoviko Zamenhof

Afiŝita en 14 Aprilo 2024 de La redaktoro

ZamenhofHodiaŭ, je la 107a mortodatreveno de Ludoviko Zamenhof, forpasinta la 14an de aprilo 1917 en Varsovio, La Ondo de Esperanto proponas (re)legi fragmentojn el la 16a ĉapitro de la dua eldono de la libro Homarano (2011) de la Ruslanda ĵurnalisto Aleksander Korĵenkov, en kiu temas pri la tri lastaj vivojaroj de la aŭtoro de Esperanto.
La teksto estas iomete modifita por gazeta aperigo (ekzemple, estas forigitaj referencoj kaj notoj, kiuj ĝenus la legadon). La gazeta teksto unue aperis en aprilo 2017, je la centa mortodatreveno de Ludoviko Zamenhof.

Legi plu →

Vizitoj 249
Afiŝita en Aleksander Korĵenkov, Historio de Esperanto | Etikedigita , , , , , , | Lasi komenton

Longe kongresi en Hispanio

Afiŝita en 13 Aprilo 2024 de La redaktoro

Hispanio

Ĉi-jare la landa Esperanto-Kongreso de Hispanio okazos la 5-9an de septembro en la regiono Valencio, kaj specife en “Universidad Laboral”, tre proksime de la historie fama Esperanto-Urbo de Hispanio, Cheste. Ĉiaj detaloj kune kun la aliĝilo jam aperis rete ĉe https://kongreso.esperanto.es. La aliĝo-prezo por homoj ekster Hispanio estas malalta: 15 eŭroj.

Legi plu →

Vizitoj 198
Afiŝita en Esperantujo | Etikedigita , , , , , , , , , | Lasi komenton

Bobelarto: Legosalono kun Roberto Peres-Franko

Afiŝita en 12 Aprilo 2024 de La redaktoro

BobelartoLa 13an de aprilo 2024, ĉi-sabate, ni legos kelkajn novelojn de Roberto Peres-Franko. Liaj verkoj aperis en la Beletra Almanako, kaj li mem kompilis la PDF-on por via plezuro kaj la legosalono. Elŝutu ĝin ĉe https://mcusercontent.com/

Roberto Peres-Franko loĝas en Aŭstralio, do la kutimaj legosalono-tempoj estas iom malfrue, eĉ meznokte ĉe li. Pro tio ni organizas trian legosalonon je 8:00 UTC, ke li ankaŭ povu trankvile partopreni sesion. Laŭ la planoj eĉ du!

Legi plu →

Vizitoj 98
Afiŝita en Esperantujo | Etikedigita , , , , , , , | Lasi komenton

La printempa Ondo – ampleksa, bunta kaj leginda

Afiŝita en 11 Aprilo 2024 de La redaktoro

printempaKomence de la pasinta semajno aperis la marta (printempa laŭ la nordhemisfera vidpunkto) eldono de la ĉiusezona gazeto La Ondo de Esperanto (2024, №319). Sur ĝiaj 132 paĝoj (legeblaj laŭ la normoj “pdf” kaj “ePub”) estas pli ol sesdek tekstoj, garnitaj de multaj ilustraĵoj.

En la 36-paĝa primovada sekcio “Eventoj” estas publikigitaj tri dekoj da artikol(et)oj pri esperantista aktivado dum la tri unuaj monatoj de la 2024a jaro, interalie, pri tri novjafestaj renkontiĝoj en Germanio (JES, NR kaj Luminesk’) kaj unu en Tajvano, pri la 14a Himalaja renkontiĝo en Nepalo kaj pri Kristana Esperanto-Seminario en Malagasio (grupfoto el Malagasio ornamas la martan kovropaĝon), pri multaj aliaj renkontiĝoj kaj seminarioj esperantistaj en pluraj landoj, pri ekspozicioj en Barato kaj Litovio, pri universitata kurso en Pekino kaj lerneja kurso en Benino, pri partopreno de esperantistoj en la Monda Socia Forumo en Katmanduo, pri laborkunsido kun partopreno de Esperanto-aktivuloj kaj neesperantistaj fakuloj en Shenyang… Enestas ankaŭ informoj pri okazontaj kongresoj kaj renkontiĝoj.

Legi plu →

Vizitoj 247
Afiŝita en Aleksander Korĵenkov, Esperantujo | Etikedigita , , , , , , , , , , , , , | Lasi komenton

Strasburgo kun 549 aliĝintoj dume superas Aruŝon kun 432

Afiŝita en 10 Aprilo 2024 de La redaktoro

Strasburgo

Jam 549 personoj aliĝis al la Eŭropa Esperanto-kongreso 2024, kiu okazos la 8-12an de majo en Strasburgo (Francio). Ĉi tiu nombro je pli ol cent superas 432 aliĝintoj al la 109a Universala Kongreso de Esperanto en Aruŝo (Tanzanio). Tamen ĝis la unua Afrika UK restas ankoraŭ pli ol tri monatoj, dum kiuj supozeble aliĝos pluraj personoj.

Legi plu →

Vizitoj 171
Afiŝita en Aleksander Korĵenkov, Esperantujo | Etikedigita , , , , , , , , , | Lasi komenton

La 52a IIK: Lingva safario: Esploru la mondon kune

Afiŝita en 9 Aprilo 2024 de La redaktoro

IIK

La 52a Internacia Infana-adoleskanta Kongreseto (IIK) okazos en Aruŝo (Tanzanio) de la 3a ĝis la 10a de aŭgusto 2024 samtempe kun la 109a Universala Kongreso de Esperanto.

Legi plu →

Vizitoj 85
Afiŝita en Esperantujo | Etikedigita , , , , , , , , , , , | Lasi komenton