La Moskva eldonejo Impeto antaŭ nelonge aperigis la libron Ni vivas malgraŭ ĉio de nia kunlaboranto Valentin Melnikov. Ĝi enhavas la rubrikojn “Liriko intima”; “Obsedoj fridaj de l’ racio…”; “Tra la verda mondo”; “Pluke-traduke”; “Ankaŭ proze” kaj “Resume”. La enhavo de la libropartoj klaras el la subtitoloj; ekzemple, “Tra la verda mondo” enhavas la ciklon de la versportretoj-enigmoj, aperintaj en La Ondo de Esperanto dum 2016-17. Inter la tradukoj elstaras la fama poemo Se de Kipling. Pluraj verkoj estis siatempe premiitaj en konkursoj Muzo, Liro, EKRA kaj aliaj.
Spektu prian videon: https://mallonge.net/c2
La 71-paĝa libro de Melnikov estas mendebla kontraŭ 6 eŭroj ĉe la libroservo de UEA.
Ĉi tiu artikolo aperis en la printempa (marta) numero de La Ondo de Esperanto (2021).
Ĉe represo aŭ citado bonvolu nepre indiki la fonton:
Papere: La Ondo de Esperanto, 2021, №1 (307).
Rete: La Ondo de Esperanto https://sezonoj.ru/2021/03/melnikov-6