Antaŭ 125 jaroj, la 2an (Gregorie: la 14an) de novembro 1892, en Libava (tiam en Kurlanda gubernio de Ruslando, nun Liepāja en Latvio) naskiĝis Ernest Drezen (Ernests Vilhelms Drēziņš, 1892-1937), latva sovetunia terminologo, ŝtatoficisto, interlingvisto kaj esperantisto. De 1921 ĝis 1936 li gvidis la Esperanto-movadon en Sovetunio, kontraŭstaris sennaciismon de Lanti en SAT. Inter liaj verkoj elstaras Historio de la Mondolingvo (Esperanto-versio, 1931) kaj Analiza historio de Esperanto-movado (1931).
Okaze de la hodiaŭa jubileo de la plej konata Sovetunia esperantisto ni proponas (re)legi la artikolon de Aleksander Korĵenkov “Drezen, la ruĝa-verda car’”, kiu aperis antaŭ du jaroj en La Ondo de Esperanto kadre de la kleriga rubriko “Nia trezoro”.
