150 tagoj da informado


La 27a de oktobro 2016 en La Balta Ondo aperis la novelo Dankesprimo de Julian Modest. Ekde tiu tago en ĉi tiu novaĵretejo ĉiutage aperas almenaŭ unu nova teksto. Hodiaŭ, la 26an de marto estas la 150a tago en ĉi tiu senprecedence longa seninterrompa serio. Ĉi tiu “ronda” nombro estas bona preteksto por resumi la funkciadon de la retejo.

La Balta Ondo estis lanĉita je la Zamenhofa tago 2010. Nun en ĝi estas 1410 artikoloj (afiŝoj, laŭ la terminaro de WordPress). Krome en la rejeo estas dek konstantaj paĝoj (Liro, Kiosko k. a.). La artikoloj estas distribuitaj laŭ 16 kategorioj kaj markitaj per 1853 temaj etikedoj. La artikolojn sekvas 2 mil 351 aprobitaj komentojn de niaj legantoj.

En aŭgusto 2011 ĉe La Balta Ondo ekfunkciis la vizit-kalkulilo Counterize, kiu ebligas vidi plurajn informojn pri la vizitado de nia retejo. Kompreneble, robotoj kaj la administranto, kiu ĉiutage venas al la paĝo pro administraj bezonoj, estas ekster la statistiko. Malgraŭ la filtrilo de Counterize kaj malgraŭ la kontraŭspamaj kromprogramoj, ĉiutage la administranto mane forigas dekojn (iam eĉ centojn) da vizitoj registrataj de Counterize, kaj rezulte ni havas sufiĉe fidindajn informojn pri la reala vizitado de la retejo”.

Ekde aŭgusto 2011 en nia retejo okazis 525 mil 369 paĝovizitoj (hits). Ne kalkulante la vizitojn de la ĉefpaĝo kaj la vizitojn per kategorioj kaj etikedoj, ni konstatas, ke jam 330 mil 398 fojojn estis vizititaj konkretaj afiŝoj.

En la listo de la plej ofte vizitataj artikoloj plej supre plu estas “Teorio de disvastiĝo de novaĵoj, aplikata” al Esperanto de Dennis Keefe.
22 tekstoj en nia retejo estis legitaj pli ol milfoje; vidu la liston:

1. Dennis Keefe: Teorio de disvastiĝo de novaĵoj, aplikata al Esperanto (1) 3660
2. Aleksander Korĵenkov: Kiom da esperantistoj en Ruslando? Ne malpli ol 992 2178
3. Halina Gorecka: Chuck Smith: la Esperantisto de la Jaro 2015 1338
4. Grigorij Arosev: Postprezidaj meditoj 1335
5. Halina Gorecka: Peter Baláž: la Esperantisto de la Jaro 2012 1305
6. Aleksander Korĵenkov: Kie kongresi post tri jaroj? 1288
7. Komitatano Z: Hundoj bojas, karavano vojas 1250
8. La Ondo de Esperanto en 2016 1244
9. Aleksander Korĵenkov: La Unua Libro (Nia trezoro) 1227
10. [Aleksander Korĵenkov, Flo Martorell]: Katastrofo ĉe Vinilkosmo 1225
11. José Antonio Vergara: Esperanto estas multe pli valora ol speco de malangla aŭ identecofonto de supozata “popolo” 1211
12. Trevor Steele: Ĉu malesperi? 1172
13. Halina Gorecka: La hobito reaperis 1170
14. Halina Gorecka, Aleksander Korĵenkov: Iom pri “La Ondo de Esperanto” 1148
15. Rekomendo de la Akademio pri la uzo de propraj nomoj 1136
16. Halina Gorecka: Tolkien en Esperanto: Nova e-libro 1132
17. Zlatko Tišljar: Josip Broz Tito (Nia trezoro) 1082
18. Grigorij Arosev: Kio estas la reala trezoro de REU? 1079
19. Andreas Künzli: Inter finvenkismo kaj raŭmismo (Recenzo) 1064
20. Brian Bishop: Volapuko havas novan Cifal! 1032
21. Andreas Künzli: Baudouin de Courtenay (Nia trezoro) 1022
22. Dennis Keefe: Teorio de disvastiĝo de novaĵoj, aplikata al Esperanto (2) 1017

Venont-semajne ni aperigos la liston de la plej popularaj prikongresaj artikoloj.

La kalkulilo ebligas vidi la 173 landojn, en kiuj estas registritaj la vizitantoj. Plej multe, nature, la novaĵretejo vizitas ruslandanoj, kaj Usono estas en la dua loko.

Jen la listo de la dek plej vizitantaj landoj:

Ruslando 114122
Usono 73366
Francio 27144
Germanio 26129
Hispanio 18877
Ukrainio 17120
Pollando 14146
Ĉinio 13893
Brazilo 12440
Litovio 9932

La landlisto ne estas absolute fidinda, ĉar 52 mil 726 vizitoj estas faritaj el neidentigitaj landoj, kaj 28 mil 833 vizitoj havas Eŭropan Union kiel la landon.

Aleksander Korĵenkov

nomortogelku.xyz Nomor Togel Hari Ini

Pri La redakcio

Aleksander Korĵenkov, la redaktanto de ĉi tiu retejo
Tiu ĉi enskribo estis afiŝita en Aleksander Korĵenkov kaj ricevis la etikedo(j)n , , , , , , . Legosigni la fiksligilon.

Respondi