KD Esperanto senpage havebla rete

KD Esperanto
Post la disko Esperanto elektronike, kiun E@I publikigis senpage rete omaĝe al sia dekjariĝo, venas nun plia senpaga elektronika eldonaĵo. En 2008 E@I publikigis kunlabore kun la urbo Bjalistoko KD-n kun simpla nomo Esperanto, kiu prezentas Esperanton al la ĝenerala publiko. La disko estis kreita dulingve: en la pola kaj en Esperanto. Ĝi estis eldonita en rekorda kvanto 400 mil ekzempleroj kaj disdonita senpage kun Gazeta Wyborcza.
Oni nun povas vidi ĝian enhavon tute senpage en la reto!

La ideo de la disko estis prezenti Esperanton per diversaj manieroj, montri la buntecon de la lingvo kaj ties komunumo. Por tio estis uzita “fabela” desegnita urbeto, kun pluraj realaj konstruaĵoj de Bjalistoko. Ĉiu konstruaĵo havas sian signifon, ĉiu estas alklakebla kaj oni en ĝi trovas diversajn informojn pri Esperanto: en la lernejo oni povas trovi kurson de Esperanto, en la kinejo oni povas spekti filmetojn pri la lingvo, en gazetkiosko oni povos legi Esperanto-revuojn ktp.

Vidu kaj uzu ĝin: http://kd.ikso.net

Peter Baláž
E@I-kunordiganto

Ĉi tiu artikolo aperis en la marta kajero de La Ondo de Esperanto (2016).
Ĉe represo bonvolu nepre indiki la fonton paperan (se en presaĵo) aŭ retan (se en retejo):
Papere: La Ondo de Esperanto, 2016, №3.
Rete: La Balta Ondo http://sezonoj.ru/2016/03/ei-5

Pri La redakcio

Aleksander Korĵenkov, la redaktanto de ĉi tiu retejo
Tiu ĉi enskribo estis afiŝita en Esperantujo kaj ricevis la etikedo(j)n , , , , , . Legosigni la fiksligilon.

1 Response to KD Esperanto senpage havebla rete

  1. Михаил diras:

    Grandan dankon por tiel utila donaco!

Respondi