En la jaro 1966a okazis la 51a Universala Kongreso en Budapeŝto. Kadre de ĝi estis inaŭgurita la Esperanto-parko ĉe la piliero de la ponto Erzsébet, kiu eĉ estis trovebla dum longa tempo per tiu nomo sur la mapoj de la urbo. La tiama urbestro mem inaŭguris la parkon, kie estis trovebla ankaŭ Esperanto-fontano kun ĉ. kvinmetra diametro, memorŝtono kun alto 70 cm, kaj statuo de Zamenhof.

La fontano antaŭlonge paneis, sed la Esperanto-memorŝtono kaj la statuo havas regulajn turistajn vizitantojn, kaj ankaŭ mi mem ofte haltas ĉi tie dum urborigaradaj ekskursoj kun esperantistaj grupoj.

Dum la kvin pasintaj jardekoj al la ŝtono kaj statuo algluiĝis amaso de polvo, malpuraĵo, kaj lastatempe ni hontis pro ilia aĉa aspekto antaŭ la eksterlandaj vizitantoj. Pro tio kun kelkaj volontuloj de la Fondaĵo Eszperantó ni decidis, ke ni alportos kelkajn viŝbroŝojn, purigenzojn kaj akvon, kaj ni lavos la barbon de Zamenhof kaj kompreneble la tutan statuon kaj ankaŭ la memorŝtonon.

Ni sukcesis forigi 25-30 jaran malpuraĵon e; la pasinta 50-jara historio, sed restis ankoraŭ 20 jaroj por la sekva printempo…

Dankojn al la volontuloj de Fondaĵo Eszperantó en Hungario!

Szilvási László

P.S. Verŝajne ankaŭ aliaj ZEO-j kaj memorŝtonoj ĝojus pro ioma purigado…

Fonto: Diskutlisto por membroj de UEA

Kvar kazananoj (Ildar Kijamov, Zufar Garipov, Nina Pisanova kaj Natalja Ĥarĉenko) prezentis raciajn kaj emociajn argumentojn kontraŭ la ŝanĝo de la stratnomo, kaj la reprezentantino de la urba plenumkomitato Julia Biktimirova klarigis la pravecon de la okazinta ŝanĝo. Aŭskultinte ilin, la kolegio decidis ne kasacii la aŭgustan juĝverdikton, kaj do la nomo de la eksa strato Esperanto restas strato Nazarbajev.

La plendintoj nun havas ses monatojn por apelacii ĉi tiun decidon en la Supera Kortumo de Ruslando.

Aleksander Korĵenkov

Legu ankaŭ:
Juĝverdikto: la strato Esperanto estis laŭleĝe alinomita
Tatarstano: Nazarbajev “venkis” Esperanton

http://sezonoj.ru/2015/06/kazano-2/

Ĉi tiu artikolo aperis en la januara kajero de La Ondo de Esperanto (2016).
Ĉe represo bonvolu nepre indiki la fonton paperan (se en presaĵo) aŭ retan (se en retejo):
Papere: La Ondo de Esperanto, 2016, №1.
Rete: La Balta Ondo http://sezonoj.ru/2015/12/kazano-3

Unu el la dek trajnoj cirkulos ĉiutage inter Varsovio kaj Bjalistoko. En la voĉdonado pri ĝi plej multe da voĉoj ricevis la nomo Esperanto, kiun preferis 3986 personoj, en la dua loko restis Narew (2511 voĉoj) kaj en la tria Bojary (nur 201 voĉoj).

La “fina venko” de Esperanto estas ŝuldata ne nur al bjalistokanoj kaj esperantistoj el la tuta Pollando, sed ankaŭ al multaj diverslandaj samideanoj, kiuj partoprenis la voĉdonadon. La trajno Esperanto ekcirkulos en decembro, kaj ĝin jam povos uzi la partoprenantoj de la tradiciaj Zamenhofaj Tagoj en la naskiĝurbo de la aŭtoro de Esperanto.

Ĉi tiu nomigo ne estas la unua por Bjalistokaj trajnoj. Ekzemple, la unuan de junio 2008 en la stacidomo de Bjalistoko la bjalistoka urbestro Tadeusz Truskolaski en solena ceremonio ŝanĝis la tabuleton de la trajno “Bjalistoko – Bielsko-Biała”, kiu tiel renomiĝis de Narew al Zamenhof. (La Ondo de Esperanto kun pria artikolo de Andrzej Remza kaj Pŝemo Wierzbowski estas senpage elŝutebla ĉi tie)

Kvankam la trajno Zamenhof, kies unuaj pasagxeroj estis la malnovmode vestitaj Ludoviko (Andrzej) kaj Klara (Nina) Zamenhof, funkciis dum nelonga tempo, ĝin uzis pluraj partoprenantoj de la 94a Universala Kongreso de Esperanto, kiun Bjalistoko akceptis en 2009.

AlKo

Ĝi estas artikolo el la novembra kajero de La Ondo de Esperanto (2015).
Ĉe represo bonvolu nepre indiki la fonton paperan (se en presaĵo) aŭ retan (se en retejo):
Papere: La Ondo de Esperanto, 2015, №11.
Rete: La Balta Ondo http://sezonoj.ru/2015/10/pollando-4

La prezidantino de REU parolas en la juĝkunsido (Foto de Aleksandr Gerasimov el “Veĉernjaja Kazanj”)

La 12an de aŭgusto 2015 en la juĝejo de la Vaĥitova distrikto de Kazano estis traktataj en unu proceso kvar plendoj de loĝantoj de la Tatarstana ĉefurbo pri la decido renomi la Kazanan straton Esperanto al la strato Nazarbajev. Laŭ la plendintoj, la decido de la urba plenumkomitato ne estis laŭleĝa kaj ili postulis ŝanĝi ĉi tiun decidon kaj redoni al la strato la nomon Esperanto. Al la juĝkunsido venis Svetlana Smetanina – prezidantino de la Rusia Esperantista Unio (REU) kaj komitatanino de UEA por Ruslando.

La plendintoj atentigis, ke la urba komisiono pri toponimoj, kiun gvidas la vicurbestrino Ljudmila Andrejeva, havas rekomendon doni nomon de persono al urba objekto nur dek jarojn post la morto de la koncerna persono kaj ne rajtas nomi straton omaĝe al vivanto. Krome, laŭ la plendintoj, ĉi tiu decido, farita sen konsidero de la strat-loĝantoj, lezas la rajton de la civitana memadministrado kaj kontraŭas la neceson de konservado de historiaj kaj kulturaj tradicioj de la urbo. Aldone, la plendintoj dubigis la meritojn de la Kazaĥstana prezidento. En la trihora juĝkunsido intervenis ankaŭ Svetlana Smetanina, kiu sciigis, ke la monda esperantistaro atente sekvas la aferon pri la strato Esperanto.

La juĝo konstatis, ke laŭ la statuto de la urbo la suverenan rajton renomi la stratojn havas la urba plenumkomitato kaj ties estro Denis Kalinkin, kaj la toponima komisiono povas nur esprimi sian opinion, se oni petas ĝin, kaj do la decido estis laŭleĝa. Se temas pri la meritoj de Nazarbajev, oni konsideris, ke la prezidento de Kazaĥstano estas laŭreato de la ordeno “Pro meritoj antaŭ la Tatarstana Respubliko”.

Studinte la argumentojn de la plendintoj kaj de la plenumkomitato, la juĝistino Jana Malkova decidis malakcepti la plendojn kaj lasi valida la decidon pri la nomŝanĝo. La plendintoj, inter kiuj estas ankaŭ juristoj, nun planas apelacii al la Supera Kortumo de Tatarstano. Se tiu ne kasacios la verdikton de la distrikta juĝejo, ili apelacios al la Supera Kortumo de Ruslando.

Aleksander Korĵenkov

Uzitaj fontoj:

http://www.tatpressa.ru/news/21692.html
http://www.evening-kazan.ru/articles/ispolkom-mozhet-vernut-na-kartu-kazani-ulicu-esperanto.html
http://www.evening-kazan.ru/articles/esperantisty-svoih-ne-brosayut.html

Legu ankaŭ:

Tatarstano: Nazarbajev “venkis” Esperanton

Ĉe represo bonvolu nepre indiki la fonton: La Balta Ondo
http://sezonoj.ru/2015/08/kazano/

Novaj nomŝildoj jam aperis (http://www.evening-kazan.ru/)

Lastatempe en Ruslando estis du stratoj, kies nomoj estis registritaj en la listo de ZEOj (Zamenhof-Esperanto-Objektoj) – strato Esperanto (улица Эсперанто) en Kazano kaj strateto de esperantistoj (переулок эсперантистов) en Bogorodsk (distrikta centro en la regiono de Niĵnij Novgorod). Sed nun la nombro da ZEO-stratoj en Ruslando duoniĝis, ĉar la urbestraro de la Tatarstana ĉefurbo Kazano la 26an de junio 2015 decidis renomi la straton Esperanto al la strato Nursultan Nazrbajev, honore al la prezidanto de Kazaĥstano. Oni jam ŝanĝas la nomŝildojn.

La urbestraro akceptis ĉi tiun decidon, laŭ la propono de Sagit Dĵaksybajev, prezidanto de la kazaĥa kultura-nacia societo de Tatarstano.

Irek Ŝaripov, direktoro de la Domo de amikeco de la popoloj de Tatarstato, jene klarigis la ŝanĝon de la stratnomo:

Ni pensas, ke la decido pri renomigo de la strato Esperanto honore al Nazarbajev estas tre bona, ĉar Esperanto estas unu el la fiaskintaj projektoj de la juna Sovetia ŝtato. Tiam oni opiniis, ke ĉiuj ekparolos en ĉi tiu nova lingvo. Ĝi estas nerealiĝinta projekto, kaj ni do pensas, ke nomŝanĝo estos sufiĉe sendamaĝa.

Tamen ne ĉiuj samopinias kun la aŭtoritatoj, kaj plejparto de reagoj en la reto kritikas la decidon, precipe, ĉar la urbestraro ne konsultis la loĝantojn de Kazano, kaj ĉar laŭ la valida regularo oni ne rajtas nomi statojn el la urbo laŭ personoj vivantaj. Estas iniciatitaj kelkaj protestkampanjoj. Tiu en la retejo change.org jam kolektis pli ol 2400 subskribojn.

Cetere, la nomo de la strato jam estis ŝanĝita. Ĝis 1927 ĝi nomiĝis la 3a Popereĉnaja Boljŝaja, dum 1927–1947 ĝi estis strato Esperanto, dum 1947–1988 la strato havis la nomon Ĵdanov, kaj en 1988 ĝi rericevis la nomon Esperanto. Ĉu ĉi tiu nomo iam revenos?..

Aleksander Korĵenkov

Ĉe represo bonvolu nepre indiki la fonton: La Balta Ondo
http://sezonoj.ru/2015/06/kazano/

Kopřivnice: inaŭguro en 2013

En la ĉeĥa urbo Kopřivnice Rudolf Zanáška (1907-1954) fondis esperantistan kaj skoltan movadojn. En 1950 li iniciatis inaŭguron de monumento omaĝe al Doktoro Esperanto en loka parko, sed poste la parko estis likvidita por liberigi la lokon al novaj domoj.

En 2010 lokaj skoltoj trovis la muskokovritan ŝtonegon de la monumento en arbaro post la urbo, kaj en la vilaĝo Lichnov la domon de la esperantisto Roman Michna (1915-2003), kiu savis la tabulon. Liaj heredantoj volonte donacis la tabulon al la skoltoj, kiuj la 13an de septembro 2013 reinaŭguris la monumenton en sia skolta centro Vanaivan kaj plantis la Kverkon de Konkordo, kiel rememoron al la skolto-esperantisto Rudolf Zanáška. La inaŭguron partoprenis ankaŭ esperantistoj.

Reinaŭguro en 2013

En la urba muzeo estis inaŭgurita ankaŭ la ekspozicio Ĉu Esperanto estas morta lingvo?

Filmeto de loka televido kun esperantlingvaj subtekstoj estas spektebla rete:
https://www.youtube.com/watch?v=syWni8f4tFI

Miroslav Malovec

Ĉi tiu artikolo aperis en la novembra kajero de La Ondo de Esperanto (2013).
Ĉe represo bonvolu nepre indiki la fonton paperan (se en presaĵo) aŭ retan (se en retejo):
Papere: La Ondo de Esperanto, 2013, №11.
Rete: La Balta Ondo http://sezonoj.ru/2013/10/229zeo/

Fine de la solenaĵo okazis lotumado, dum kiu nia volontulino Arina Osipova gajnis la eblecon tranokti senpage en la apartamento Zamenhof kaj la aŭtoro de ĉi tiu artikolo ricevis kuponon por senpaga dupersona vespermanĝo en la eleganta restoracio Kawelin.

Bedaŭrinde, pro la paneo de la malmola komputila disko kun preparita Esperanto-materialo, dume mankas Esperanto-versio de la hotela retejo, sed Przemek Wierzbowski promesis solvi rapide la problemon.

Elżbieta Karczewska

Sekvas tri internaj fotoj:

Ĝi estas artikolo el la decembra kajero de La Ondo de Esperanto (2012).
Ĉe represo bonvolu nepre indiki la fonton paperan (se en presaĵo) aŭ retan (se en retejo):
Papere: La Ondo de Esperanto, 2012, №12.
Rete: La Balta Ondo http://sezonoj.ru/2012/11/218hotel/

alkovro de la memortabulo fare de la urbestro Tadeusz Wlaźlak kaj de la prezidantino de SEA Teresa Pomorska. (Foto: Ryszard Wyszyński)

Szczawno Zdrój, kiu ĉi-jare jam la kvinan fojon gastigis partoprenantojn de la Internacia Esperantista Feriado, organizita de Silezia Esperanto-Asocio, festis ekde la 5a ĝis la 12a de aŭgusto gravan esperantistan jubileon.

Junie antaŭ 100 jaroj en la tiama germana kuracloko Bad Salzbrunn kuracis sin la kreinto de la Lingvo Internacia. Do la plej grava parto de ĉi-jara Feriado estis solena malkovro de memortabulo sur la domo, kie li tiam loĝis. Partoprenis la nuna posedantino de la vilao – Iwona Bucka, multaj esperantistoj kaj loĝantoj de la kuracloko. La urbestro de Szczawno Zdrój, Tadeusz Wlaźlak, esprimis akcepton de diversaj esperantistaj iniciatoj kaj ĝojon, ke la urbo fariĝas pli kaj pli alloga por esperantistoj.

Dank’ al apogo de la urbodomo kaj afableco de aliaj lokaj estroj, esperantistoj havis preskaŭ ĉie malfermitajn pordojn kaj povis uzi por siaj okupoj la plej belajn “salonojn” en la urbo.

La 67 feriantoj, kiuj alvenis el naŭ eŭropaj landoj, pasigis interesan semajnon. La feria tagordo enhavis ĉiutage riĉan programon. Ses diversnivelajn lingve grupojn gvidis sperta instruantaro: Volodymir Pacjurko el Ukrainio, Konstantin Tiĥomirov el Ruslando, Bernhard Schwaiger el Aŭstrio kaj ĉarmaj polinoj: Teresa Nemere, Halina Ziółkowska-Fiala kaj Małgosia Komarnicka. Tiu lasta brile prezentis Esperanton kaj ties kulturon dum ciklo de prelegoj en la pola lingvo por ĉiuj interesiĝantoj. Ĉiutage oni povis spekti interesajn filmojn de Roman Dobrzyński, riĉigitajn per liaj rakontoj.

Tiu eduka kaj lerniga parto de la feriado ne malhelpis al riĉa turisma programo. Antaŭtagmeze oni multe ekskursis (buse, piede kaj trajne) vizitante la plej belajn montarajn itinerojn de Góry Wałbrzyskie kaj aliajn lokajn vizitindaĵojn: ekzemple, la trian laŭ la grandeco Pollandan kastelon Książ, palmejon en Lubiechów kun interesaj kreskaĵoj kaj agrabla kafejeto, la parkon de miniaturoj en Kowary “Malsupra Silezio en pilolo” – loko, kie troviĝas belege cizelitaj la plej gravaj antikvaj konstruaĵoj de la regiono. Per trajno ni travojaĝis la plej belan parton de la trako laŭ la valo de la rivero Bóbr kaj admiris ĝiajn ĉarmajn panoramojn.

Gaja etoso regis dum vespera amuziĝado – ni multe kantis kaj dancis, promenis kaj babilis profitante eblecojn de ĉarma kuracloko. La jubileon honoris du grandiozaj koncertoj – de JoMo kaj Emanuel Rovere, kiuj por neesperantista spektantaro estis revelacio de nekonata kulturo kaj fariĝis la plej bona promocio de Esperanto.

Ŝajnas, ke kun granda ĝojo la urbestro de Szczawno Zdrój akceptis gratulojn de esperantistoj (i. a. el Herzberg kaj Lublin) pro la okazigo de jubileo kaj malkovro de memortabulo.

Ni esperas, ke tiu ĉarma kuracloko, signita per ĉeesto de nia Majstro – kun multaj parkoj, kuracaj akvoj, ĉarmaj kafejoj kaj… (plej grave) – gastamaj homoj fariĝos por multaj esperantistoj loko, kiun nepre oni devas viziti.

La plej proksima ebleco estos la venontjara (jam la 46a) IEF kaj JES 2013/14.

Ni kore invitas.

Teresa Pomorska

Ĉi tiu artikolo aperis en la oktobra kajero de La Ondo de Esperanto (2012).
Ĉe represo bonvolu nepre indiki la fonton paperan (se en presaĵo) aŭ retan (se en retejo):
Papere: La Ondo de Esperanto, 2012, №10.
Rete: La Balta Ondo http://sezonoj.ru/2012/09/216pomorska/