Arkivo por la etikedo 'Esperanto-gazetaro'

La Ondo de Esperanto: Anstataŭ epitafo

La decido pri la ĉeso de La Ondo de Esperanto, publike anoncita la 21an de septembro en la festivalo ARKONES kaj publikigita en la jubilea Ondo, kaŭzis lavangon da reagoj buŝaj kaj skribaj. Ĉiuj reagintoj (krom anonimulo en Heroldo Komunikas) esprimis sian bedaŭron pro la ĉeso, kaj plejparto komprenis la kaŭzon de la ĉeso kaj […]

La lasta Ondo kiel ĉiumonata gazeto

La 30an de decembro 2019 aperis la decembra eldono de La Ondo de Esperanto. Ĉi tiu laŭvice 302a numero estas la lasta en la serio, komencita en majo 1991, sed ĝia redakcio diras ne “Adiaŭ”, sed “Ĝis revido”, ĉar La Ondo de Esperanto ekde la 1a de januaro 2020 daŭras kiel novaĵretejo, en kiu ĉiutage […]

Unesko-Kuriero en Esperanto plu aperos en Pekino

La 7an de januaro 2020 en la domo de Ĉina Internacia Eldona Grupo (ĈIEG) okazis ceremonio de subskribado pri kuneldonado de Esperanta versio de H. La ceremonion ĉeestis gvidantoj kaj reprezentantoj de ĈIEG, El Popola Ĉinio kaj Unesko-Kuriero.

Ĉu nova estonto por Unesko-Kuriero?

UEA publikigis sian lastan, kunlabore kun Unesko, kvaran numeron de Unesko-Kuriero por oktobro-decembro 2019 en Esperanto, kiun produktis, traduke kaj redakte, la brava teamo de dekkelkaj volontuloj el kelkaj landoj. Laŭ la oficiala informo de GK de UEA, la iniciatinto de la projeko, ekinta en 2017, la tiama UEA-komitatano kaj nuna vicprezidanto de UEA, Trezoro […]

Speciala oferto de La Ondo: Tri jarkolektoj je la prezo de unu

Okaze de la apero de la jubilea (№300) numero de La Ondo de Esperanto, ĝia redakcio donis specialan oferton al tiuj, kiuj ankoraŭ ne abonas La Ondon, sed ŝatus legi ĝin: paginte la abonkotizon por 2019, oni ricevos ne nur la jarkolekton por la nuna jaro, sed ankaŭ ĉiujn numerojn por 2017 kaj 2018 inkluzive […]

Opinioj de niaj legantoj

Responde al la informo pri la baldaŭa ĉeso de La Ondo de Esperanto, publikigita en la oktobra eldono, venis pluraj mesaĝoj. Parton de ili ni aperigas ĉi-sube laŭ la alfabeta familinoma ordo.   Mi ege bedaŭras pro la baldaŭa malapero de “La Ondo”. Ĝi estis grava parto de Esperanto-vivo – mia, tut-ruslanda, eĉ tutmonda. La […]

La antaŭlasta eldono de La Ondo de Esperanto

Por enmeti en la lastan, decembran numeron de La Ondo de Esperanto la tekstojn, kiuj kutime aperas en la januara kaj februara numeroj (ronda tablo pri la atingoj kaj fiaskoj dum la pasinta jaro, intervjuo kun la Esperantisto de la Jaro, kaj la statistiko pri la eldonado en la pasinta jaro) la redakcio prokrastis je […]

Hobio, kiu iĝis profesio: Intervjuo kun Halina Gorecka

Okaze de la jubileo de Halina Gorecka, festita ĉi-monate, en la novembra numero de “La Ondo de Esperanto”, kiun ŝi eldonas, aperis ampleksa intervjuo de Paweł Fischer-Kotowski kun ŝi. Kiam kaj kiel vi eksciis pri Esperanto? Pro kio vi lernis ĝin? Mi vidis grandan afiŝon pri kurso de Esperanto aŭtunkomence de 1979 en la universitata […]

Unesko-Kuriero havos novan kuneldonanton

La julia-septembra numero de Unesko-Kuriero estis publikigita okaze de la Pinta Kunveno de Unuiĝintaj Nacioj pri Klimata Agado (la 23an de septembro 2019) kaj de la 25a sesio de la Konferenco de la Partioj pri Klimata Ŝanĝo en Santiago, Ĉilio. Ĝi estas elŝutebla ĉe Unesko-retejo: https://unesdoc.unesco.org/ark:/48223/pf0000370032_epo

Esperanto-gazetoj ne plu aboneblas ĉe UEA

En la retejo de UEA aperis dokumento titolita “Raporto pri progresoj de la Estraro de UEA. Aŭgusto-Septembro 2019” kiu inkluzivas ankaŭ la agadon en oktobro. Duncan Charters, prezidanto de UEA, post formala enkonduko, skribas en la komenco de la raporto: Foje aperis asertoj, malgraŭ artikoloj, agado en plej diversaj forumoj, certe pli ol mil raportoj […]

Beletra Almanako, 2019, №34

Pro malbona funkciado de (kies?) poŝto, ni fine elektis ricevadi la Beletran Almanakon ĉe la adreso de Litova Esperanto-Asocio en Kaŭno. Ni sciis, ke la februara almanako ne aperis ĝustatempe, kaj ĝia apero estis anoncita komence de somero. Dum la septembra unutaga vizito al Kaŭno ĝi ankoraŭ mankis… Ve, ni pensis, la sekva vizito planatas […]

Aperis la jubilea Ondo №300 (oktobro 2019)

La 4an de oktobro, vendrede, aperis la oktobra numero de La Ondo de Esperanto. Ĝi estas jubilea – la tricenta ekde la (re)lanĉo de ĉi tiu gazeto en 1991. Sed la jubileo havas iom amaran kromguston, ĉar ĝi estos la lasta jubileo de La Ondo, kiu aperos nur ĝis la fino de la 2019a jaro. […]

Grigorij Arosev pri la ĉeso de La Ondo

«Sen “La Ondo” ne nur la rusia Esperanto-movado, sed ankaŭ (aŭ eble eĉ unuavice) la internacia iĝos malpli riĉa», – jene Grigorij Arosev komentis la antaŭnelonge anoncitan informon pri la ĉeso de la monata bitgazeto La Ondo de Esperanto. Legu la artikolon de Arosev La Ondo de Esperanto foriras en Libera Folio https://www.liberafolio.org/2019/10/02/la-ondo-de-esperanto-foriras/

№300: la lasta jubileo de La Ondo

La oktobra kajero de La Ondo de Esperanto, kiu aperos post kelkaj tagoj, estos jubilea – la tricenta ekde la (re)lanĉo de ĉi tiu gazeto en majo de la 1991a jaro. Sed la jubileo havos iom amaran kromguston, ĉar ĝi estos la lasta jubileo de La Ondo, kiu aperos nur ĝis la fino de la […]

La postkongresa Ondo aperis

La 2an de septembro, lunde aperis la postkongresa (aŭgusta-septembra) numero de La Ondo de Esperanto. Pli ol duonon de ĝi plenigas riĉe ilustritaj rakontoj pri la vigla Kongresa Sezono en Esperantujo. Temas interalie pri la 104a Universala Kongreso de Esperanto en Lahtio, Internacia Junulara Kongreso de TEJO en Slovakio, kongresoj aŭ konferencoj de ILEI, SAT, […]

Pri la demoversio de La Ondo de Esperanto

Ĵus aperis en la reto la demonstra versio (demoversio) de la julia, literatura numero de La Ondo de Esperanto. La demoversio de ĉi tiu gazeto estas publikigata ekde la januara numero por 2017, kiam La Ondo fariĝis bitgazeto sen papera versio. Kutime la demoversio enhavas la titolpaĝojn de ĉiuj sekcioj (“Intervjuo”, “Eventoj”, “Tribuno”, “Arkivo”, “Kulturo” […]

La aprila-junia numero de Unesko-Kuriero

La aprila-junia numero de Unesko-Kuriero estas publikigita de UEA kunlabore kun Unesko. La bita versio estas elŝutebla ĉe la retejoj de Unesko (https://unesdoc.unesco.org/ark:/48223/pf0000367693_epo), UEA kaj Unesko-Kuriero (http://kuriero.esperas.info). La papera versio haveblas ĉe la Libroservoj de UEA kaj de la 104a UK. La sona versio estos elŝutebla ĉe la retejo de Unesko-Kuriero. Dum la 104a UK […]

Beletra Almanako, 2018, №32, 33

Pro poŝtaj problemoj ni ricevas la Beletran Almanakon ne en Kaliningrado, sed en Kaŭno. Dum iom pli ol unu jaro ni ne vizitis Litovion post la prezentado de Nia Diligenta Kolegaro en Vilno pasintaprile. Sed komence de junio okaze de laborvizito, ligita kun reeldono de Baza Literatura Krestomatio, ni ricevis la 32an kaj 33an kajerojn […]

Literatura numero de la Ondo

La 1an de julio aperis la sepa ĉi-jara numero de La Ondo de Esperanto. Ĝi estas la dua speciala eldono en 2019 – la marta Ondo estis dediĉita al interlingvistiko kaj esperantologio, kaj en la fokuso de la julia Ondo estas la Esperanta literaturo. En la revu-komenca “Ronda Tablo” Gerrit Berveling, Jorge Camacho, Edwin de […]

La junia Ondo aperis

La junian eldonon de La Ondo de Esperanto, kiu aperis antaŭ dek tagoj je la unua junia lundo, la 3an de junio, malfermas ampleksaj intervjuoj de la vicredaktoro de La Ondo Paweł Fischer-Kotowski kun la du kandidatoj por la prezidanteco de UEA: Duncan Charters kaj Fernando Maia Jr.