Arkivo por la etikedo 'Moskvo'

Dmitrij Ŝevĉenko prelegos en BET-55

Dmitrij Ŝevĉenko (Дмитрий Шевченко) estas denaska esperantisto, universitata instruisto kaj eldonisto. En 2010 ĉe la katedro de amaskomunikiloj de RUDN (Esperante – Rusia universitato de amikeco de popoloj) li sukcese defendis magistran disertacion “Periodaĵoj en Esperanto kiel rimedo de internacia komunikado”. Li instruas en RUDN interretajn teknologiojn, kaj prelegas pri la sociaj retoj.

Esperanto en la 8a Lerneja Lingva Festivalo en Kaluga

La oka Lerneja Lingva Festivalo brile pasis la 20an de aprilo en la urbo Kaluga (ĉ. 160 km sudokcidente de Moskvo), en la mezlernejo №5. En la disdonita papera programo ĉiuj partoprenintoj, kiel ĉiam, legis: «Organizantoj de la Festivalo: departemento pri edukado de la urbo Kaluga, centro pri laboro kun talentaj infanoj “Stelaro”, kun subteno […]

La 13a Moskva Lingva Festivalo: novaj perspertivoj

MLF-13 (Foto: Aleksej Bobrinjov) La 13a Moskva Lingva Festivalo, ĉiujare organizata de Moskva Esperanto-Asocio MASI, okazis la 2an de decembro, dimanĉe, en la fakultato de sociaj sciencoj de Supera Lernejo pri Ekonomiko, en kiu en 2012 okazis la sepa MLF.

Kalle Kniivilä forsendita el Moskvo

Laŭ pluraj retinformoj (ekzemple, en Lenta.ru https://lenta.ru/news/2018/12/21/chemodan_vokzal_stokholm), la konata sveda ĵurnalisto kaj esperantisto Kalle Kniivilä, eksredaktoro de “Libera Folio”, kiu antaŭnelonge ekoficis kiel gazetara konsilisto en la ambasado de Svedio en Moskvo, estas forsendita el Ruslando.

KER-Ekzameno en Moskvo

La 19an de majo en Moskvo okazis la naŭa sesio de KER-ekzameno – lingvoekzameno laŭ la Komuna Eŭropa Referenckadro. Ĝin partoprenis naŭ homoj: tri en la nivelo B1, kvar en la nivelo B2 kaj du en la nivelo C1. Tri homoj venis el aliaj urboj: Sankt-Peterburgo, Novgorodo la Granda kaj Saransko. Inter la ekzamenitoj estis […]

Praktiki Esperanton sen forlasi la hejmon!

Kiam vi ne havas proksimajn Esperanto-renkontiĝojn apude, aŭ mankas tempo por vojaĝi, aŭ vi jam konas ĉiujn esperantistojn en via ĉirkaŭaĵo kaj volas renkonti novajn homojn sen vojaĝi malproksimen – nia Ret-babilejo estas la solvo por vi!

Gratulon al Valentin kaj Irina

Ni kore gratulas nian redakcianon, Moskvan poeton, tradukanton kaj recenzanton Valentin Melnikov okaze de lia edziĝo, okazinta en Moskvo hieraŭ, la 20an de januaro 2018! Ni deziras al li kaj al lia edzino Irina sanon, longan feliĉan vivon; aparte al Valentin novajn kreajn sukcesojn, kaj al Irina hejmiĝon en Esperantujo!

Esperanto en la 12a Moskva Lingva Festivalo

La 12a Moskva Lingva Festivalo (MLF) okazis la 10an de decembro 2017 en la Centro de Pedagogia Majstreco. La festivalon organizis Moskva Esperanta Asocio MASI. La gvidajn rolojn en la organizado havis la junaj MASIanoj Aleksandr Basov, Aleksandr Lebedev, Sofja Zareckaja kaj Maksim Silantjev. Dek niaj membroj kontribuis al la programo kiel lingvoprezentantoj. Entute estis […]

KER-ekzameno: La oka sesio en Moskvo

La 10an de junio en la ĉefurbo de Ruslando la okan fojon okazis skriba KER-ekzameno. Jam la duan fojon ĝi pasis en la perfekte konvena ejo de la Centro de pedagogia majstreco. La 14 ekzamenatoj jene grupeblas laŭ la lingvoniveloj: B1 – kvar homoj, B2 – du, C1 – ok. Ĉi-foje krom moskvanoj venis kandidatoj […]

Libroj kaj lingvoj

En la 2017a jaro esperantistoj la 90an fojon festos la Tagon de Esperanta Libro. Omaĝe al la jubileo Moskva Esperanta Asocio MASI planas okazigi libran ekspozicion kadre de la 12a Moskva Lingva Festivalo (novembro) kaj en la publika festado de la Zamenhof-Tago. Ni kolektas per helpo de esperantistoj de la tuta mondo ilustritajn librojn en […]

Esperanto-kurso en RUDN

La 29an de aprilo sukcese finiĝis 16-hora kurso de Esperanto en Rusia universitato de amikeco inter la popoloj (RUDN) en Moskvo. Kvin lernantoj sukcese plenumis la ekzamenon kaj ricevis oficialajn diplomojn de la universitato. Ĉi tiu kurso donas konojn, kiuj sufiĉas por plua memstara lernado de Esperanto aŭ por daŭrigo kadre de plilongaj kursoj.

Valentin Melnikov demisiis

Hieraŭ, la 24an de aprilo post la regula kunveno en la Moskva Esperanto-Klubo “Lev Tolstoj”, en kiu okazis diskuto kaj disputo pri la “afero Ŝiro”, la konata Esperanto-literaturisto Valentin Melnikov demisiis el la Estraro de la landa asocio REU. En sia demisia mesaĝo la Moskva poeto kaj tradukanto skribis: «… Estis mia granda eraro balotiĝi […]

Esperantisto malliberigita en Moskvo

La 25-jara Dmitrij Bogatov estas membro de la Moskva Esperanto-Asocio MASI. Kune kun sia edzino li planis partopreni la Internacian Junularan Festivalon en Italio de la 12a ĝis la 18a de aprilo. Li tamen ne povis veturi, ĉar li estis kaptita de la polico la 6an de aprilo pro suspekto pri alvokoj al publika malordo […]

Esperanto-Poŝtkruciĝo

Estas bonega novaĵo – MEA MASI refunkciigis la internacian aktivadon Esperanto-Poŝtkruciĝo! En 2013 ĉi-distraĵon lanĉis Julia Samsonova okaze de la Internacia Tago de Poŝto (kiu okazas la 9an de oktobro). La ago elvokis internacian intereson kaj eĉ trafis en la revuon Esperanto kiel nova junulara iniciato. Sed la aktivado estis porokaza, do, ĝi rapide estingiĝis. […]

Bonvenon al APERo-11!

AntaŭPrintempa Esperanta Renkontiĝo (APERo) estas tradicia aranĝo de Moskva Esperanta Asocio MASI. Ĝi okazas ĉiujare dum la februaraj festotagoj, feriaj en Ruslando, kaj estas dediĉita al la naskiĝtago de la organizaĵo, fondita la 24an de februaro 1995. Ĉi-jare ĝi okazos la 23-26an de februaro en la ripozejo Jerŝovo.

Novtipa Zamenhof-Tago en Moskvo

La nova publika MASI-aranĝo – Festo de libroj en diversaj lingvoj je la nomo de Ludoviko Zamenhof – sukcese pasis la 18an de decembro 2016 en la moskva kinejo “Kosmo”. Klaras, ke la Zamenhof-festo estas vaste celebrata en Esperantujo, kaj ĉiu esperantisto scias, ke ĝi estas ankaŭ la Tago de la Esperanta Libro, sed ekster […]

MER: Nova tradicio en Moskvo

La 11an de decembro okazis la sepa Moskva Esperanto-renkontiĝo. Tiuj renkontiĝoj en la hejmo de Dmitrij Ŝevĉenko kaj Anna Striganova jam iĝis tradicio, ĉi-jare okazis tri tiaj MERoj, plus septembra tritaga eksterurba MER-6.

La 11a Moskva Lingva Festivalo, aŭ: kiel malbono venigis al plibono

La dek-unua LF en Moskvo (Foto: Darja Morgunova) La 20an de novembro en la Ruslanda ĉefurbo pasis la 11a Moskva Lingva Festivalo. En la duan jardekon de sia historio la festivalo eniris nesenprobleme. Unu tagon antaŭ ĝi la administracio de la universitato, kun kiu estis traktita kaj jam aranĝita la festivalo, malpermesis okazigi ĝin en […]

MLF-11: 70 lingvoj prezentotaj en Moskvo

Moskva Esperanta Asocio MASI invitas moskvanojn kaj gastojn de la Ruslanda ĉefurbo viziti la 11an Moskvan Lingvan Festivalon. Ĝi ikazos la 20an de novembro (proksiman dimanĉon) en la Moskva Pedagogia Ŝtata Universitato kaj daŭros la tutan tagon – ekde la solena malfermo je la 11a horo kaj 30 minutoj. En la programo: prezentado de 70 […]

Esperanto-maratono en Kosmo

La 16an de oktobro, dimanĉe, en la moskva kinejo Kosmo dum ses horoj pasis nova Esperanta aranĝo por ekstera publiko. Ĝia ĉefa intenco estis konatigi interesiĝantojn kun Esperanto kaj kaŝitajn esperantistojn – kun iom da moskva esperantistaro. Dum ses horoj ĉirkaŭ 20 junaj esperantistoj komunikiĝis inter si kaj kun proksimume samnombraj gastoj.