La Balta Ondo » montaro http://sezonoj.ru Mon, 23 Jan 2017 13:24:41 +0000 ru hourly 1 http://wordpress.org/?v=3.0.3 Poludnica malfermiĝas http://sezonoj.ru/2014/01/slovakio/?utm_source=rss&utm_medium=rss&utm_campaign=slovakio http://sezonoj.ru/2014/01/slovakio/#comments Fri, 24 Jan 2014 07:36:10 +0000 AlKo http://sezonoj.ru/?p=5135 Poludnica (Foto: Vladimír Škuta)La programo de la renkontiĝoj de esperantistoj-vojaĝantoj kaj turistoj kutime celas esperantistojn. Sed la organizantoj de la 32a renkontiĝo Poludnica, okazinta la 4–6an de januaro 2014 en Malaltaj Tatroj (Slovakio), preparis interesan programon ne nur por esperantistoj – la sabata programo estis malfermita por ĉiuj, kiujn interesas vojaĝado, turismo, Esperanto kaj foraj landoj.

La 4an de januaro, sabate, la partoprenantoj kaj interesuloj ekskursis tra la malnova historia vilaĝo Liptovský Ján. Ili vizitis la ekspozicion “Subtero sub turoj” pri minista tradicio en la supra Liptov-regiono. La dua ekskurscelo estis naturaj travertinaj krateroj, kie oni povas sin bani ankaŭ vintre. De tie kondukas vojeto tra kruta deklivo al nova elrigardejo, el kiu la vilaĝo estas kiel sur manplato kun preĝejoj, nobelaj vilaoj, hoteloj kaj aliaj allogaĵoj.

La oficiala malfermo de la renkontiĝo okazis en la ceremonia halo de la vilaĝa domo kun salutparoloj de la vilaĝestro Juraj Fiľo kaj reprezentanto de EEU Peter Baláž. En la halo estis instalita fotoekspozicio pri la Esperanta vojaĝprojekto “La plej altaj montopintoj de EU”, kiu prezentis la montojn Sinjal (Kroatio) kaj Pico da Montaña (Portugalio), atingitaj dum la jaro 2013. Sekvis kelkaj prelegoj.

La ĉefa dimanĉa programero estis supreniro al la montopinto Poludnica, kiun atingis 41 esperantistoj kaj simpatiantoj el sep landoj. Tie ili plu konstruis Esperanto-obon, al kiu ili alportis 37,39 kg da ŝtonoj el pluraj landoj. Pro la nekutime varma vetero neĝo estis nur en la pinta parto de la monto. Post la supreniro oni refreŝiĝis en la hotelo Máj en baseno kun minerala akvo kaj en saŭno. Vespera programo estis dediĉita al prelegoj.

La Fina Ven(k)o: esperantistoj sur la pinto de Poludnica (Foto: Vladimír Škuta)

Prelegoj daŭris lunde: entute dum tri tagoj estis prezentitaj 14 prelegoj kaj 3 filmetoj. Adam Wilkus post sia prelego organizis kvizon. Estis prezentitaj vojaĝplanoj por 2014, kaj estis lanĉita nova vojaĝlibro pri Islando Ultima Thule.

La tutan programon partoprenis 55 personoj el naŭ landoj. Ankaŭ la 33a Poludnica post unu jaro bonvenigos esperantistojn kaj simpatiantojn. Informoj pri ĝi baldaŭ aperos en la retejo http://poludnica.esperanto.sk

Jano Vajs

Ĉi tiu artikolo aperis en la februara kajero de La Ondo de Esperanto (2014).
Ĉe represo bonvolu nepre indiki la fonton paperan (se en presaĵo) aŭ retan (se en retejo):
Papere: La Ondo de Esperanto, 2014, №2.
Rete: La Balta Ondo http://sezonoj.ru/2014/01/slovakio/

]]> http://sezonoj.ru/2014/01/slovakio/feed/ 0 La 10a Himalaja Renkontiĝo http://sezonoj.ru/2013/03/nepalo/?utm_source=rss&utm_medium=rss&utm_campaign=nepalo http://sezonoj.ru/2013/03/nepalo/#comments Tue, 19 Mar 2013 20:18:41 +0000 AlKo http://sezonoj.ru/?p=3921 La 10a Himalaja Renkontiĝo okazis de la 26a de februaro ĝis la 11a de marto. Partoprenis la tutan programon entute 45 esperantistoj, kaj simila nombro nur parton. Inter la partoprenantoj, krom multaj nepalanoj, estis dek personojn el Japanio, kvar el Francio, du el Pollando, kaj po unu el Rumanio kaj Danlando. ĉiuj aliaj estis nepalanoj. La ĉi-jara celo estis florigi la Esperantan movadon en la orienta parto de Nepalo.

La Nepala Esperanto-Asocio (NEspA) bonvenigis la partoprenantoj la 27an de februaro vespere en la hotelo Marsangdi en Thamel. La prezidantino de NEspA s-ino Indu Devi Thapaliya solene malfermis la programon. Landaj reprezentantoj kaj lokaj responsuloj deziris sukceson al la Renkontiĝo. La ĉefgasto de la programo, Hori Yasuo (Japanio), lumigis kandelon, disdonis Renkontiĝan materialon kaj gratulis ĉiujn pro la partoprenado en la 10a jubilea Renkontiĝo.

La dekunu-taga ekskurso kaj marŝado komenciĝis post du tagoj dediĉitaj al ekskursoj en la Katmandua valo. En Itahari bonvenigis la grupon loka muzikistaro kaj girlandoj en programo, organizita de la urbestro Ganesh Raj Karki. Poste oni paradis kun la Esperanto-standardo tra diversaj lokoj de la urbo. Pri la evento raportis diversaj lokaj televidkanaloj kaj sekvatage multaj ĵurnaloj. Bonvenigante, la urbestro deziris sukceson al nia lingvo kaj vojaĝo.

Ni ekmarŝis de Basantapur kaj la 6an de marto venis al Pathivara, trairinte Cauki (2690 m), Gufapokhari (2890 m), Sangu, Doivan kaj Funkgling. Granda grupo da studentoj kaj aliaj lokanoj bonvenigis nin per florĉenoj kaj muziko. En Sangu okazis parolado sur la teraso de la altnivela lernejo Narayani. Reprezentantoj el diversaj landoj parolis en la programo. Oni spektis kulturan programon faritan de lernantoj.

La 7a de marto la tuta grupo veturis al Ilam. Ilam estas fama pro siaj teoĝardenoj kaj natura beleco. La 8an de marto Janardan Uprete (prezidanto de Meĉia Esperanto-Societo) bonvenigis la gastojn en Surunga (Jhapa Distrikto). Dum la tago ni piknikis en fama loko de Jhapa nomiĝanta Domukha.

La 9an matene komenciĝis prelegoj. Hori Yasuo instruis Esperanton, kaj poste Maria Butan prelegis pri la Rumanio kiel vojkruciĝa lando de Eŭropo, Peter Wraae prelegis pri la dana filozofo Martinus, Kristina Bednarz prelegis pri la kulturo (aparte la manĝaĵo) de Pollando, Hori Yasuo kaj Ota Shigeko parolis pri la katastrofo en Fukoshima…

Poste gravuloj de la urbo estis invititaj, kaj Hori Yasuo kaj Peter Wraae klarigis pri Esperanto al la invititoj. Okazis aŭkcio kaj kultura programo kun dancoj de la komunumoj Majhi kaj Chaudari komunumoj. La grupo kantis la Esperanto-himnon, kaj f-ino Anuradha Baral kantis Esperantan kanton. La programo finiĝis per internacia vespero.

La grupo venis al Katmanduon la 10a de marto (3 japanaj samideanoj pro malsano devis pli frue reveni). Okazis adiaŭa vespero en la Esperanto-domo en Thamel, kun vespermanĝo preparita de NEspA-volontuloj. Oni kantis kaj babilis dum tiu lasta vespero.

La Renkontiĝo estis sukcesa. Ni povis propagandi nian lingvon en la orienta parto de Nepalo, kies centro estas nun Itahari. Niaj samideanoj havis ŝancon viziti lokojn, kien turistoj apenaŭ iras. La bonkora bonvenigado de la urbestroj kaj popoloj de Itahari kaj Sangu per loka folklora muziko kaj la radiaj kaj televidaj elsendoj sendube montriĝos fruktodonajn por nia movado. Ni fondis Narajani Esperanto-Societon en Simala survoje al Itahari, kaj grupo da novaj lernantoj de Esperanto bonvenigis nin vespere. Ni esperas, ke la celo de la Renkontiĝo, disvastigo de Esperanto en Nepalo, pli kaj pli sukcesos.

La 11a Himalaja Renkontiĝo okazos en la okcidenta parto de Nepalo – Pun Hill, kie de la hotelĉambro oni vidos la montoj Dhaulagiri, Machapuchhre kaj Annapurna.

Bharat K Ghimire

Ĉi tiu artikolo aperos en la aprila-maja kajero de La Ondo de Esperanto (2013).
Ĉe represo bonvolu nepre indiki la fonton paperan (se en presaĵo) aŭ retan (se en retejo):
Papere: La Ondo de Esperanto, 2013, №4–5.
Rete: La Balta Ondo http://sezonoj.ru/2013/03/nepalo/

]]> http://sezonoj.ru/2013/03/nepalo/feed/ 0 MKR revenis al Adriatiko http://sezonoj.ru/2012/11/mkr/?utm_source=rss&utm_medium=rss&utm_campaign=mkr http://sezonoj.ru/2012/11/mkr/#comments Fri, 23 Nov 2012 15:36:43 +0000 AlKo http://sezonoj.ru/?p=3352 MKRPasintjare la Mont-Kabana Renkontiĝo (MKR) venigis siajn partoprenantojn al la belega pinto Stol je la Aŭstria-Slovenia limo, kie fine de septembro regis belega, kvazaŭ somera vetero. Ĉi-jara MKR okazis tri semajnojn pli poste, inter la 11a kaj 14a de oktobro, sed ĉe marbordo (la ejo estis nur 50 metrojn for de la maro!), en la nord-adriatika urbeto Lovran en Kroatio, kaj ĉiuj esperis ke la vetero estos almenaŭ same bela. Bedaŭrinde, tio ne realiĝis. Antaŭ MKR la vetero estis belega, post ĝi eĉ pli bela… sed dum ĝi pluvis ofte, kaj la ekskursoj al plej alta pinto de Istrio (Učka, 1401 m), kaj al la interesa roka pinto Sisol (835 m) ne estis tre agrablaj.


Tamen MKR havis siajn brilajn momentojn: la loĝado estis la plej luksa en ĉiuj 23 jaroj de la aranĝo, kun hotela standardo kaj nepriskribeble bela rigardo al la golfo de Rijeka kaj najbaraj insuloj. Krome, spite al la ŝanĝiĝema vetero, la marakvo ankoraŭ estis varma (21 gradoj), kaj la partoprenantoj uzis la eblon naĝi. Aldone, samtempe kun MKR en Lovran okazis tradicia festo “Marunada”, festo de kaŝtanoj, kiam oni rikoltas kaŝtanojn kaj preparas el ili bongustajn kukojn, kaj la tuta festo estas kompreneble aranĝita kun multe da muziko, vintrinkado kaj ĝenerala festema etoso.
MKRĈi-jaran MKR-on partoprenis 33 partoprenantoj el ok landoj, kaj la organizantojn speciale ĝojigis tio, ke ĉi-jare estis pli multe da gastoj el pli foraj landoj: Ruslando, Svedio, Germanio… MKR ja estas nur kvartaga aranĝo, ekde ĵaŭdo ĝis dimanĉo, kaj ne indas longe vojaĝi por tiel mallonga restado – sed ĉiam eblas organizi la vojaĝon tiel ke oni aldone vizitu ankaŭ aliajn interesaĵon de la regiono kaj lokajn esperantistojn.

Vanja Radovanović

Ĉi tiu artikolo aperis en la decembra kajero de La Ondo de Esperanto (2012).
Ĉe represo bonvolu nepre indiki la fonton paperan (se en presaĵo) aŭ retan (se en retejo):
Papere: La Ondo de Esperanto, 2012, №12.
Rete: La Balta Ondo http://sezonoj.ru/2012/11/mkr/

]]> http://sezonoj.ru/2012/11/mkr/feed/ 0