En nia retejo, lanĉita je la Zamenhofa tago 2010, nun estas 631 artikoloj, el kiuj 204 artikoloj aperis dum 2013 – averaĝe po kvar artikoloj ĉiusemajne. Krome estas dek konstantaj paĝoj (Liro, Kiosko k. a.). La artikoloj estas distribuitaj laŭ 16 kategorioj, kaj ili estas markitaj per 1233 temaj etikedoj.

Necesas ripeti la kutiman klarigon: “Robotoj kaj la administranto, kiu ĉiutage venas al la paĝo pro administraj bezonoj, estas ekster la statistiko. Malgraŭ la filtrilo de Counterize kaj malgraŭ la kontraŭspamaj kromprogramoj Bad Behavior kaj Akismet, ĉiutage la administranto mane forigas dekojn (iam eĉ centojn) da vizitoj registrataj de Counterize, kaj rezulte ni havas sufiĉe fidindajn informojn pri la reala vizitado de la retejo”.

Ekde la starigo de la kalkulilo en nia retejo okazis 195 mil 607 paĝovizitoj (hits). Ne kalkulante la vizitojn de la ĉefpaĝo (entute, 46 mil 574 vizitoj) kaj la vizitojn per kategorioj kaj etikedoj, ni konstatas, ke jam 132 mil 873 fojojn estis vizititaj konkretaj artikoloj (afiŝoj, laŭ WordPress).

En la listo de la plej vizitataj artikoloj plej supre estas Teorio de disvastiĝo de novaĵoj, aplikata al Esperanto de Dennis Keefe.

Sekvas la listo de la dudek plej popularaj tekstoj en nia retejo. Interkrampe estas la loko en la dudeko antaŭ unu jaro. La listo preskaŭ 50-procente renoviĝis – 9 artikoloj unuafoje aperis en ĝi, inkluzive de la Postprezidaj meditoj de Grigorij Arosev, kiu, aperinte fine de majo 2013, sukcesis rapide promociiĝi al la tria loko en la resuma tabelo.

1. (1) Dennis Keefe. Teorio de disvastiĝo de novaĵoj, aplikata al Esperanto (1a parto) 2901
2. (2) [Aleksander Korĵenkov]. Katastrofo ĉe Vinilkosmo 1104
3. (-) Grigorij Arosev. Postprezidaj meditoj 1040
4. (4) Komitatano Z. Hundoj bojas, karavano vojas 1008
5. (6) Trevor Steele: Ĉu malesperi? 980
6. (3) Grigorij Arosev. Kio estas la reala trezoro de REU? 947
7. (7) Aleksander Korĵenkov. Kiom da esperantistoj en Ruslando? Ne malpli ol 992 921
8. (5) Giorgio Silfer. La Esperanta Civito progresas al nova etapo 889
9. (-) Zlatko Tišljar. Nia trezoro: Josip Broz Tito 859
10. (16) Pascal Dubourg Glatigny. Rutino: la plej forta malamiko de esperanto 852
11. (-) Komitatano Z. Ĉu io nun estas nova? 850
12. (-) Aleksander Korĵenkov. Nia trezoro: Lev Tolstoj 800
13. (-) Halina Gorecka. Peter Baláž: la Esperantisto de la Jaro 2012 770
14. (10) José Antonio Vergara. Esperanto estas multe pli valora ol speco de malangla aŭ identecofonto de supozata “popolo” 764
15. (9) Vinko Markovo. Kamarado prezidanto respondas 762
16. (11) Dennis Keefe. Teorio de disvastiĝo de novaĵoj, aplikata al Esperanto (2a parto) 762
17. (-) Halina Gorecka. La Esperantisto de la Jaro 752
18. (-) Tolkien en Esperanto: Nova e-libro 741
19. (-) Rekomendo de la Akademio pri la uzo de propraj nomoj 736
20. (-) Halina Gorecka. Literatura konkurso Liro-2012 726

Estas okulfrape, ke en la plejlisto estas neniu artikolo pri esperantista renkontiĝo, sed plej multas artikoloj pri la problemoj de la Esperanto-Komunumo kaj informoj pri niaj propraj projektoj (La Esperantisto de la Jaro, Liro, novaj libroj…). La kleriga rubriko Nia trezoro estas reprezentita en la listo dufoje.

La plej popularaj aŭtoroj, krom la prizorgantoj de la retejo (Halina Gorecka kaj Aleksander Korĵenkov – po 3 artikoloj) estas kun po du artikoloj Grigorij Arosev, Komitatano Z kaj Dennis Keefe.

Laŭ la statistiko ni havas legantojn en 154 landoj, sed reale temas pri 150 (126 antaŭ unu jaro) landoj, ĉar la vizitoj el Honkongo kaj Tajvano estas statistikendaj kiel vizitoj el Ĉinio, kaj en la listo estas ankaŭ Eŭropa Unio (6.895 vizitoj), kaj 11 mil 655 vizitoj estis faritaj el neidentigita lando.

En Ruslando plu estas plej multe da legantoj de La Balta Ondo. Usono estas en la dua loko kun duoble pli da vizitoj ol iu ajn lando eŭropa. Inter la dek landoj kun la plej multaj legantoj unuafoje aperis Litovio, evidente pro la multaj artikoloj pri BET-49 en Utena kaj pro la fakto, ke La Ondo de Esperanto nun estas presata en ĉi tiu malgranda lando.

1. (1) Ruslando  41487
2. (2) Usono  23273
3. (5) Francio  11439
4. (3) Germanio  11328
5. (4) Hispanio  10601
6. (8) Ĉinio  7686
7. (6) Pollando  7102
8. (12) Ukrainio  6392
9. (7) Brazilo  6336
10. (16) Litovio  3500

Decembro 2013 iĝis la plej aktiva monato por nia retejo kun entute 10 mil 435 paĝovizitoj. La plej magra monato estis julio kun nur 5 mil 765 vizitoj – en julio aperis nur malmultaj artikoloj pro nia partopreno en la Utena BET kaj en la Rejkjavika UK.

La 25a tago de la monato estas la plej fruktodona, dum ĝi ni havis entute 7 mil 785 legojn; kaj la plej malpopulara tago, kiel oni facile divenas, estas la 31a; dum la lasta tago de la plej longaj monatoj nian retejon oni legis nur 4744 fojojn.

Kelkaj akcesoraj informoj pri la vizitantoj.

Inter la kroziloj la plej populara klare estas Mozilla Firefox kun 83 mil 391 vizitoj (42,65%). Sekvas Internet Explorer 46 mil 318 vizitoj (23,69%), Chrome 29 mil 299 (14,98%), Opera 8.835 (4,52%) kaj Safari 5.840 (2,99%).

Vindozo senkonkurence supras en la listo de la operaciumoj kun 141 mil 699 vizitoj (72,46% el ĉiuj). Inter la Vindozaj versioj la plej populara estas la nevelkanta XP – 63 mil 352 vizitoj. Inter la ceteraj neniu atingis 10%: Mac OS 18.201 (9,31%), Ubuntu Linux 12.320 (6,3%), Linux 7568 (3,87%) kaj Android 2.865 (1,47%).

La kalkulilo montras ankaŭ la retejojn, el kiuj oni venis al la nia. Ĉar temas pri tre multaj paĝoj fari fidindan statistikon estas malfacile, tamen estas klare, ke la plej multaj gastoj venis el la diversaj paĝoj de la socia retejo Vkontakte. (El http://vk.com/feed estis 2 mil 436 vizitoj – 15,99% el la tuto). Sekvas Fejsbuko. En la tria loko estas Libera Folio, el kies pluraj paĝoj oni venas al La Balta Ondo.

Oni povas ankaŭ vidi, per kiuj serĉvortoj oni venis al ni. Nature, preskaŭ kvarono el la serĉantoj (553, 24,78%)venis per la balta ondo, en la dua loko estas balta ondo (352, 16,36%), la trian lokon okupis la interesiĝantoj pri “komitatano z”. Inter la oftaj serĉvortoj estas ankaŭ sezonoj, sezonoj.ru, http://sezonoj.ru/, \”la balta ondo\”, la+balta+ondo… k. s.

Dankon al ĉiuj regulaj kaj okazaj legantoj pro la vizitado de nia retejo!

Aleksander Korĵenkov

Ĉe represo bonvolu indiki la fonton:
La Balta Ondo: http://sezonoj.ru/2014/01/statistiko-5

Nia retejo, post testa periodo, estis lanĉita la 15an de decembro 2010, ĝuste je la Zamenhofa tago. Je la jarŝanĝo en ĝi estis 427 artikoloj kaj dek konstantaj paĝoj (Fotokonkurso, Kiosko k. a.). La artikoloj estas distribuitaj laŭ 16 kategorioj, kaj ili estas markitaj per 945 etikedoj.

Mi ripetas la kutiman klarigon: “Robotoj kaj la administranto, kiu ĉiutage venas al la paĝo pro administraj bezonoj, estas ekster la statistiko. Malgraŭ la filtrilo de Counterize kaj malgraŭ la kontraŭspamaj kromprogramoj Bad Behavior kaj Akismet, ĉiutage la administranto mane forigas dekojn (iam eĉ centojn) da vizitoj registrataj de Counterize, kaj rezulte ni havas sufiĉe fidindajn informojn pri la reala vizitado de la retejo”.

Ekde la starigo de la kalkulilo en nia retejo okazis 94 mil 425 paĝovizitoj (hits).

Ne kalkulante la vizitojn de la ĉefpaĝo (entute, 19 mil 244 vizitoj) kaj la vizitojn per kategorioj kaj etikedoj, ni konstatas, ke jam 68 mil 192 fojojn estis vizititaj konkretaj artikoloj (afiŝoj, laŭ la termino de WordPress).

En la listo de la plej vizitataj artikoloj plej supre estas Teorio de disvastiĝo de novaĵoj, aplikata al Esperanto de Dennis Keefe. Ĝi estas ankaŭ la plej komentita – 62-foje.

Sekvas la listo de la dudek plej popularaj tekstoj. Interkrampe estas la loko en la dudeko je la 1a de aprilo 2012.

1 (1) Dennis Keefe. Teorio de disvastiĝo de novaĵoj, aplikata al Esperanto (1) 2434

2 (2) [Aleksander Korĵenkov]. Katastrofo ĉe Vinilkosmo 1055

3 (3) Grigorij Arosev. Kio estas la reala trezoro de REU? 879

4 (4) Komitatano Z. Hundoj bojas, karavano vojas 834

5 (5) Giorgio Silfer. La Esperanta Civito progresas al nova etapo 813

6 (6) Trevor Steele. Ĉu malesperi?791

7 (7) Aleksander Korĵenkov. Kiom da esperantistoj en Ruslando? 788

8 (8) Zbigniew Galor. Kvar vizioj: Kiel vivi en la ruiniĝanta Esperantio? 625

9 (9) Vinko Markovo. Kamarado prezidanto respondas 623

10 (11) José Antonio Vergara. Esperanto estas multe pli valora ol speco de malangla aŭ identecofonto de supozata “popolo” 620

11 (13) Dennis Keefe. Teorio de disvastiĝo de novaĵoj, aplikata al Esperanto (2) 613

12 (10) Aleksander Korĵenkov. Guglo: “Mi nur nun ĵus, kaj lernis mia granda surprizo” 592

13 (14) Halina Gorecka, Aleksander Korĵenkov. Iom pri “La Ondo de Esperanto”586

14 (12) Katalin Kováts. La unua kursaro sur la Esperanto-Insulo 562

15 (16) Dennis Keefe: Mi fieras esti esperantisto 544

16 (-) Pascal Dubourg Glatigny. Rutino: la plej forta malamiko de esperanto 523

17 (-) Dennis Keefe. Transiri tiun damnindan verdan abismon! 511

18 (-) Peter Baláž. Krynica denove kun Esperanto 488

19 (20) Komitatano Z. Survoje al la Fettes-erao 482

20 (15) Aleksander Korĵenkov. Nia libroproduktado en la 2011a jaro 480

Mi povas nur ripeti la frazon el la pasintfoja statistika revuo: “La listo de la plej popularaj artikoloj klare evidentigas, ke precipe ŝatataj estas la artikoloj pri la problemoj de la Esperanto-Komunumo, kaj ke inter la dudek plej legataj artikoloj estas nur unu artikolo pri esperantista renkontiĝo (Esperanto-Insulo)”.

Laŭ la statistiko ni havas legantojn en 130 landoj, sed reale temas pri 126 landoj, ĉar la vizitoj el Honkongo kaj Tajvano estas statistikendaj kiel vizitoj el Ĉinio, kaj en la listo estas ankaŭ Eŭropa Unio (2579 vizitoj), kaj 2739 vizitoj estis faritaj el neidentigita lando.

Ruslando plu havas plej multajn legantojn de La Balta Ondo. En la listo de la dek landoj kun plej multaj legantoj de La Balta Ondo restas kvin landoj Eŭropaj, du Amerikaj (Usono kaj Brazilo), du Aziaj (Ĉinio kaj Japanio), kaj unu Eŭropa-Azia (Ruslando). Nova lando en la landodeko estas Japanio, kiu prenis la dekan lokon, kiun en la antaŭa statistiko okupis Svislando.

1 (1). Ruslando 14675
2 (2). Usono 11224
3 (4). Germanio 7317
4 (5). Hispanio 7216
5 (3). Francio 7042
6 (8). Pollando 4325
7 (6). Brazilo 4304
8 (7). Ĉinio 3584
9 (9). Svedio 2260
10 (13). Japanio 1854

2739 vizitoj estas neidentigitaj, kaj 2579 vizitoj venis el Eŭropa Unio sen indiko pri la ŝtato.

Kelkaj pli amuzaj rezultoj.

La ĵus finiĝinta decembro iĝis la plej aktiva monato por nia retejo kun entute 8444 paĝovizitoj. Tio ne estas mirinda, ĉar ekde la 17a de novembro en La Balta Ondo aperas nova teksto. Kaj la plej magra monato estis junio kun 4085 vizitoj, kiun ni preskaŭ plene pasigis en Kaŭkazo kaj do povis afiŝi nur kelkaj novajn artikolojn post la reveno.

La 25a tago de la monato estas la plej populara por niaj legantoj, dum ĝi ni havis entute 3865 legojn; kaj la plej malpopulara tago, kiel oni povas facile diveni, estas la 31a; dum la lasta tago de la plej longaj monatoj nian retejon oni legis nur 2046 fojojn.

La statistiko resumas ne nur la tagojn, sed ankaŭ la horojn de la vizitado. Laŭ ĝi, la plej ofte oni legas niajn artikolojn ekde la 20a horo ĝis la 21a horo laŭ la Kaliningrada tempo (5400 legoj), kaj oni klare ripozas ekde la 6a ĝis la 7a, kiam nur 1711 artikoloj estis legitaj.

Aleksander Korĵenkov

Ĉe represo bonvolu indiki la fonton:
La Balta Ondo: http://sezonoj.ru/2013/01/statistiko-4

Nia retejo, post testa periodo aŭtuna, estis lanĉita la 15an de decembro 2010, ĝuste je la Zamenhofa tago. Je la nuna momento en ĝi estas 333 artikoloj kaj dek konstantaj paĝoj (Fotokonkurso, Kiosko k. a.). La artikoloj estas distribuitaj laŭ 14 kategorioj, kaj ili estas markitaj per 729 etikedoj.

Robotoj kaj la administranto, kiu ĉiutage venas al la paĝo pro administraj bezonoj, estas ekster la statistiko. Malgraŭ la filtrilo de Counterize kaj malgraŭ la kontraŭspamaj kromprogramoj Bad Behavior kaj Akismet, ĉiutage la administranto mane forigas dekojn (iam eĉ centojn) da vizitoj registrataj de Counterize, kaj rezulte ni havas sufiĉe fidindajn informojn pri la reala vizitado de la retejo.

Dum la pasintaj 366 tagoj tagoj en nia retejo okazis 63 mil 772 paĝovizitoj (hits) – averaĝe 174 vizitoj ĉiutage.

Ne kalkulante la vizitojn de la ĉefpaĝo (entute, 12 mil 630 vizitoj) kaj la vizitojn per kategorioj kaj etikedoj, ni konstatas, ke dum la jaro 46 mil 204 fojojn konkretaj artikoloj (afiŝoj, laŭ la termino de WordPress) estis vizititaj.

La plej legata dum pluraj monatoj estis la redakcia artikolo pri la incendio ĉe Vinilkosmo, publikigita la 19an de septembro. Ĝi estis la unua artikolo legita pli ol mil-foje. Sed la unua artikolo Teorio de disvastiĝo de novaĵoj, aplikata al Esperanto de Dennis Keefe, publikigita la 28an de marto 2012, dum du monatoj superis ĝin, kaj en la suba tabelo oni povas vidi, ke jam pli ol du mil fojojn ĝi estis legita. Ĝi estas ankaŭ la plej komentita – 62-foje.

Sekvas la listo de la dudek plej popularaj tekstoj. Interkrampe estas la loko en la dudeko je la 1a de aprilo 2012.

1 (6). Dennis Keefe. Teorio de disvastiĝo de novaĵoj, aplikata al Esperanto (1) 2217

2 (1). [Aleksander Korĵenkov]. Katastrofo ĉe Vinilkosmo 1027

3 (2). Grigorij Arosev. Kio estas la reala trezoro de REU? 854

4 (-) Komitatano Z. Hundoj bojas, karavano vojas 756

5 (5). Giorgio Silfer. La Esperanta Civito progresas al nova etapo 755

6 (4). Trevor Steele. Ĉu malesperi? 753

7 (3). Aleksander Korĵenkov. Kiom da esperantistoj en Ruslando? 734

8 (12). Zbigniew Galor. Kvar vizioj: Kiel vivi en la ruiniĝanta Esperantio? 585

9 (-) Vinko Markovo. Kamarado prezidanto respondas: Intervjuo 577

10 (14).Aleksander Korĵenkov. Guglo: “Mi nur nun ĵus, kaj lernis mia granda surprizo” 555

11 (7). José Antonio Vergara. Esperanto estas multe pli valora ol speco de malangla aŭ identecofonto de supozata “popolo” 537

12 (9). Katalin Kováts. La unua kursaro sur la Esperanto-Insulo 532

13 (-). Dennis Keefe. Teorio de disvastiĝo de novaĵoj, aplikata al Esperanto (2) 526

14 (8). Halina Gorecka, Aleksander Korĵenkov. Iom pri La Ondo de Esperanto 523

15 (10) Aleksander Korĵenkov. Nia libroproduktado en la 2011a jaro 450

16 (16). Dennis Keefe: Mi fieras esti esperantisto: Intervjuo 440

17 (-). Mini/BMW gratulas Esperanton 398

18 (13). Komitatano Z. Lingvaj dorsosakuloj 383

19 (-). Dennis Keefe. La leciono de Vakero Marlboro kaj Esperanto 383

20 (-). Komitatano Z. Survoje al la Fettes-erao 373

La listo de la plej popularaj artikoloj klare evidentigas, ke precipe ŝatataj estas la artikoloj pri la problemoj de la Esperanto-Komunumo, kaj ke inter la dudek plej legataj artikoloj estas nur unu artikolo pri esperantista renkontiĝo (Esperanto-Insulo)

La plej legataj aŭtoroj estas la redaktoro de La Ondo de Esperanto Aleksander Korĵenkov (5 artikoloj, el kiuj unu kunverkita kun Halina Gorecka), la Esperantisto de la Jaro 2011 Dennis Keefe (4 artikoloj), kaj la enigma Komitatano Z (3 artikoloj).

Laŭ la statistiko ni havas legantojn en 119 landoj, sed reale temas pri 116 landoj, ĉar la vizitoj el Honkongo kaj Tajvano estas statistikendaj kiel vizitoj el Ĉinio, kaj en la listo estas ankaŭ Eŭropa Unio, kaj 1413 vizitoj estis faritaj el neidentigita lando.

Ruslando plu restas la lando kun plej multaj legantoj de La Balta Ondo. En la listo de la dek landoj kun plej multaj legantoj de La Balta Ondo plu restas ses landoj Eŭropaj, du Amerikaj (Usono kaj Brazilo), unu Azia (Ĉinio), kaj unu Eŭropa-Azia (Ruslando).

1 (1). Ruslando 10510
2 (2). Usono 7759
3 (5). Francio 4933
4 (3). Germanio 4892
5 (4). Hispanio 4748
6 (6). Brazilo 2803
7 (9). Ĉinio 2504
8 (7). Pollando 2380
9 (8). Svedio 1574
10 (-). Svislando 1239

La sekvan statistikon ni faros je la novjara nokto.

Aleksander Korĵenkov

Ĉe represo bonvolu indiki la fonton:
La Balta Ondo: http://sezonoj.ru/2012/08/statistiko-3/

Nia retejo, post testa periodo aŭtuna, estis lanĉita la 15an de decembro 2010, ĝuste je la Zamenhofa tago. Je la nuna momento en ĝi estas 249 artikoloj kaj dek konstantaj paĝoj (Fotokonkurso, Kiosko k. a.). 67 artikoloj estis afiŝitaj dum la tri unuaj monatoj de la 2012a jaro – dum ĉi tiu periodo averaĝe aperis kvin artikoloj ĉiusemajne.

La artikoloj estas distribuitaj laŭ 14 kategorioj, kaj ili estas markitaj per 536 etikedoj.

Robotoj kaj la administranto, kiu ĉiutage venas al la paĝo pro administraj bezonoj, estas ekster la statistiko. Malgraŭ la filtrilo de Counterize kaj malgraŭ la kontraŭspamaj kromprogramoj Bad Behavior kaj Akismet, ĉiutage la administranto mane forigas dekojn (iam eĉ centojn) da vizitoj registrataj de Counterize.

Dum 142 tagoj, ekde la 12a de aŭgusto 2011 ĝis la 31a de decembro 2011, en nia retejo okazis 21 mil 320 paĝovizitoj (hits) – averaĝe 150 vizitoj ĉiutage. En ĉi tiu jaro la vizitado iĝis pli ofta: 16 mil 763 vizitoj dum 91 tagoj (ekde la 1a de januaro ĝis la 31a de marto 2012) – averaĝe 184 vizitoj ĉiutage. Dum la tuta periodo da statistikado (233 tagoj) nia retejo estis vizitita 38 mil 083 fojojn, aŭ 163-foje dum unu tago averaĝe).

Nia retejo iom post iom populariĝas. En marto ni unuafoje havis pli ol 6 mil realajn vizitojn (kelkoble pli estis forfiltritaj aŭtomate kaj mane).

Ne kalkulante la vizitojn de la ĉefpaĝo (entute, 7536 vizitoj) kaj la vizitojn per kategorioj kaj etikedoj, ni konstatas, ke dum la statistikitaj monatoj 27 mil 484 fojojn konkretaj artikoloj (afiŝoj, laŭ la termino de WordPress) estis vizititaj.

La plej legata restas la redakcia artikolo pri la incendio ĉe Vinilkosmo, publikigita la 19an de septembro. Ĝi estas la unua artikolo legita pli ol mil-foje. En la suba listo de la plej popularaj artikoloj oni vidas, ke precipe ŝatataj (kaj komentataj!) estas la artikoloj pri la problemoj de la Esperanto-Komunumo, kiuj okupas ka 2an, 4an, 5an, 6an, 7an, 11an kaj 13an lokojn. Inter ili estas ankaŭ la unua parto de la artikolo de Dennis Keefe pri la aplikeblo al Esperanto de la teorio de Everett Rogers, kiu dum malpli ol kvar tagoj estis legita pli ol 500-foje kaj komentita 23-foje. Estas atentinde, ke en la listo estas nur du artikoloj pri esperantistaj renkontiĝoj kaj kongresoj (Esperanto-Insulo kaj ARKONES). Tute mankas en la listo artikoloj pri temoj, ne ligitaj kun Esperanto.

Sekvas la listo de la dudek plej popularaj tekstoj. Interkrampe estas la loko en la listo je la 1a de januaro 2012.

1 (1). [Aleksander Korĵenkov]. Katastrofo ĉe Vinilkosmo 1002
2 (2). Grigorij Arosev. Kio estas la reala trezoro de REU? 763
3 (5). Aleksander Korĵenkov. Kiom da esperantistoj en Ruslando? 700
4 (4). Trevor Steele. Ĉu malesperi? 694
5 (3). Giorgio Silfer. La Esperanta Civito progresas al nova etapo 684
6 (-). Dennis Keefe. Teorio de disvastiĝo de novaĵoj, aplikata al Esperanto (1) 518
7 (7). José Antonio Vergara. Esperanto estas multe pli valora ol speco de malangla aŭ identecofonto de supozata “popolo” 499
8 (6). Halina Gorecka, Aleksander Korĵenkov. Iom pri La Ondo de Esperanto 495
9 (-). Katalin Kováts. La unua kursaro sur la Esperanto-Insulo 443
10 (-). Aleksander Korĵenkov. Nia libroproduktado en la 2011a jaro 401
11 (8). Halina Gorecka. Dennis Keefe – la Esperantisto de la Jaro 2011 397
12 (-). Zbigniew Galor. Kvar vizioj: Kiel vivi en la ruiniĝanta Esperantio? 389
13 (16). Komitatano Z. Lingvaj dorsosakuloj 360
14 (-).Aleksander Korĵenkov. Guglo: “Mi nur nun ĵus, kaj lernis mia granda surprizo” 352
15 (-). Dennis Keefe: Mi fieras esti esperantisto 330
16 (9). Flo Martorell. Kvar novaj muzikaj diskoj en Esperanto 254
17 (-) Peter Baláž. Teamo de E@I kaj lernu.net en Ĉinio 281
18 (10). Przemysław Wierzbowski. ARKONES – tradicie moderna 273
19 (13). Gerrit Berveling, Gersi Alfredo Bays. Nia trezoro: Fonto 254
20 (-). Martin Schäffer. “Esperanto Internacia” aktivas en Nikaragvo 254

Laŭ la statistiko ni havas legantojn en 110 landoj, sed reale temas pri 106 landoj, ĉar la vizitoj el Honkongo kaj Tajvano estas statistikendaj kiel vizitoj el Ĉinio, kaj en la listo estas ankaŭ Eŭropa Unio, kaj 423 vizitoj estis faritaj el neidentigita lando. Ruslando plu restas la lando kun plej multaj legantoj de La Balta Ondo. En la listo de la dek landoj kun plej multaj legantoj de La Balta Ondo estas ses landoj Eŭropaj, du Amerikaj (Usono kaj Brazilo), unu Azia (Ĉinio), kaj unu Eŭropa-Azia (Ruslando).

1. Ruslando 6375
2. Usono 4715
3. Germanio 3126
4. Hispanio 2818
5. Francio 2668
6. Brazilo 1772
7. Pollando 1483
8. Svedio 1082
9. Ĉinio 903
10. Ukrainio 889

La sekva statistiko aperos post tri monatoj.

Aleksander Korĵenkov

La 12an de aŭgusto 2011 en nia retejo ekfunkciis vizit-kalkulilo Counterize. Unu monaton post la instalo de la kalkulilo, ni prezentis la ĉefajn statistikajn informojn. Je la novjara nokto, kelkajn minutojn post la ĉampana salvo, ni fiksis la statistikon (en kiu do ne estas enkalkulita la Liberalulo de Ĉeĥov ,enretigita la 1an de januaro) kies esencon vi vidas ĉi-sube.

Dum 142 tagoj, ekde la 12a de aŭgusto 2011 ĝis la 1a de januaro 2012, en nia retejo okazis 21 mil 320 paĝovizitoj (hits) – averaĝe 150 vizitoj ĉiutage.

Ne kalkulante la vizitojn de la ĉefpaĝo (entute, 4575 vizitoj) kaj la vizitojn per kategorioj kaj etikedoj, ni konstatas, ke dum la statistikitaj monatoj 14 mil 915 fojojn konkretaj artikoloj (afiŝoj, laŭ la termino de WordPress) estis vizititaj. Serĉrobotoj kaj la administranto, kiu ĉiutage venas al la paĝo pro administraj bezonoj, estas ekster la statistiko.

La plej legata restas la redakcia artikolo pri la incendio ĉe Vinilkosmo, publikigita la 19an de septembro. Ĝi estis legita 982-foje, kaj evidente ĝi estos la unua artikolo kun mil legoj. Sekvas ĝin du diskut-artikoloj kaj unu intervjuo pri la problemoj de la Esperanto-komunumo. Krom ili ankaŭ la artikolo pri la Ruslanda censo estis legita pli ol 500-foje. Nur la dekan lokon en la listo okupas la plej multe legita artikolo pri esperantista renkontiĝo (ARKONES), kaj oni klare vidas, ke diskut-artikoloj altiras pli da atento ol artikoloj pri kongresoj. En la unua dudeko estas ankaŭ kelkaj kultur-temaj tekstoj kaj nur unu artikolo tute ne ligita kun Esperanto (komentario de Dafydd ab Iago). Krom la administranto de la retejo (li verkis ĉiujn nesubskribitajn tekstojn) nur Halina Gorecka kaj Grigorij Arosev estas pli ol unufoje en la listo de la aŭtoroj de la plej legitaj tekstoj.

20 plej popularaj tekstoj

[Redakcie]. Katastrofo ĉe Vinilkosmo 982
Grigorij Arosev. Kio estas la reala trezoro de REU? 681
Giorgio Silfer. La Esperanta Civito progresas al nova etapo 597
Trevor Steele. Ĉu malesperi? 588
Aleksander Korĵenkov. Kiom da esperantistoj en Ruslando? Ne malpli ol 992 503
Halina Gorecka, Aleksander Korĵenkov. Iom pri La Ondo de Esperanto 466
José Antonio Vergara. Esperanto estas multe pli valora ol speco de malangla aŭ identecofonto de supozata “popolo” 452
Halina Gorecka. Dennis Keefe – la Esperantisto de la Jaro 2011 320
Flo Martorell. Kvar novaj muzikaj diskoj en Esperanto 254
Przemysław Wierzbowski. ARKONES – tradicie moderna 238
Aleksander Korĵenkov. Halina estas operaciita. Sukcese. Dankon pro la subteno! 213
Grigorij Arosev. REK en Ĉeboksary: sukceso, sed ne plena 200
Gerrit Berveling, Gersi Alfredo Bays. Nia trezoro: Fonto 199
Gražina Opulskienė. Trafe al celo: recenzo de Esperanto por lernejaj klasoj 197
[Redakcie]. Ruslando: Nova estraro de la landa asocio 194
Komitatano Z. Lingvaj dorsosakuloj 180
Dafydd ab Iago. Ĉu malhisi la flagojn? 179
Jacques Yvart. Duobla jubileo de Georges Brassens 172
Hèctor Alòs i Font. Internacia konkurso por lernejanoj, en kiu Esperanto rolas 172
Alfons Tur. Kataluna Kongreso de Esperanto 163

Kiuj legas?
Laŭ la statistiko ni havas legantojn en 91 landoj, sed reale temas pri 87 landoj, ĉar la vizitoj el Honkongo kaj Tajvano estas statistikendaj kiel vizitoj el Ĉinio, kaj en la landolisto estas (sur la 11a loko) Eŭropa Unio kaj 119 vizitoj estis faritaj el neidentigita lando. Ruslando plu restas la lando kun plej multaj legantoj de La Balta Ondo
En la listo de la dek landoj kun plej multaj legantoj de La Balta Ondo estas ses landoj Eŭropaj, du Amerikaj (Usono kaj Brazilo), unu Azia (Ĉinio), kaj unu Eŭropa-Azia (Ruslando).

1. Ruslando 3596
2. Usono 2585
3. Germanio 1911
4. Hispanio 1696
5. Francio 1305
6. Brazilo 1117
7. Ukrainio 629
8. Pollando 606
9. Svedio 557
10. Ĉinio 520

Ni ricevis 445 komentojn, inter kiuj pli ol duono estis spamo, kaj nur 212 estis efektive verkitaj en Esperanto kiel komentoj. Plej multe oni komentis la diskut-artikolon Ĉu malesperi? de Trevor Steele (22 komentoj) la artikolon pri la Ruslanda censo (19) kaj la rakonton pri la incendio ĉe Vinilkosmo (16). 57 personoj registriĝis kiel uzantoj kaj povas senprobleme verki komentojn.

En la 2012a jaro ni intencas laŭeble aperigi ĉirkaŭ 15-20 artikolojn ĉiumonate, krom en junio, kiam ni havos trisemajnan ripozadon en sanatorio. Ĉu la dua jaro de La Balta Ondo estos sukcesa? Nu, tion montros la statistiko la 1an de januaro 2013.

Bonan jaron!

Aleksander Korĵenkov

Ĉe represo bonvolu indiki la fonton
http://sezonoj.ru/2012/01/stat/

Ĝenerale

Nuntempe en La Balta Ondo estas 117 artikoloj kaj 8 konstantaj paĝoj (Kiosko k. a.), la artikoloj estas distribuitaj laŭ 13 kategorioj, kaj ili estas markitaj per 243 etikedoj.

Dum la unua observita monato (ekde la 12a de aŭgusto ĝis la 12a de septembro) en nia retejo okazis 2963 paĝovizitoj (hits). La dua monato (ekde la 12a de septembro ĝis la 12a de oktobro) estis pli vizitoriĉa kun 5170 paĝovizitoj. Entute, 8133 paĝovizitoj dum du monatoj.

La plej legataj

Se oni esceptas la vizitojn de la ĉefpaĝo (entute, 1923 vizitoj) kaj la vizitojn per kategorioj kaj etikedoj, ni konstatas, ke dum la du statistikitaj monatoj 5694 fojojn konkretaj artikoloj (afiŝoj, laŭ la Esperanta termino de WordPress) estis vizititaj. (Kiel dirite, serĉrobotoj kaj la administranto, kiu ofte venas al la paĝo pro administraj bezonoj, estas ekster la statistiko).

Nur kvin artikoloj el la pasintfoja listo restis en la listo de la dek plej popularaj artikoloj por du monatoj (iliaj lokoj estas en krampoj), kaj kvin artikoloj estas novaj:

(-) Floréal Martorell: Katastrofo ĉe Vinilkosmo — 916 (16.1%)
(-) Grigorij Arosev: Kio estas la reala trezoro de REU? — 582 (10.23%)
(1) Halina Gorecka, Aleksander Korĵenkov: Iom pri La Ondo de Esperanto — 428 (7.52%)
(2) Gražina Opulskienė: Trafe al celo (recenzo de Esperanto por lernejaj klasoj) — 175 (3.08%)
(-) Aleksander Korĵenkov: Halina estas operaciita. Sukcese. Dankon pro la subteno — 172 (3.02%)
(-) Dafydd ab Iago: Ĉu malhisi la flagojn? — 147 (2.58%)
(3) István Ertl: Eldonejo de Hungara Esperanto-Asocio — 129 (2.27%)
(-) Halina Gorecka: Beletra Almanako, junio 2011 — 120 (2.11%)
(4) Olda Koboldo (ps.): SAT-kongreso en Sarajevo — 112 (1.97%)
(5) Albert Adylov: Antaŭ dudek jaroj (pri la Moskva puĉo en 1991) — 102 (1.79%)

La pasintfoje plej legata artikolo pri La Ondo estas nun la tria, kaj la plej furora estas la raporto pri la incendio en la studio Vinilkosmo. Ĝin sekvas multe diskutata artikolo de la prezidanto de REU pri la problemoj de ĉi tiu asocio. En la listo estas, interalie, nur unu artikolo pri esperantista renkontiĝo, du recenzoj, kaj du artikoloj tute ne ligitaj kun Esperanto: pri la ekonomia krizo en Eŭropo kaj pri la Moskva “puĉo” antaŭ dudek jaroj (ambaŭ verkitaj de profesiaj ĵurnalistoj).

Laŭlande

Nian retejon vizitis legantoj el 73 landoj. Kvankam en la unua landodeko restas la samaj landoj, kiuj estis antaŭ unu monato, iliaj lokoj tre ŝanĝiĝis. Danke al la Ruslandaj legantoj de la artikolo de Arosev, vaste anoncita en kelkaj sociaj retejoj, Ruslando atingis kaj superis Usonon en la nombro de paĝovizitoj. Tipe por Esperantujo, Eŭropo dominas – en la listo de la legantoj de La Balta Ondo estas ses landoj Eŭropaj, du Amerikaj (Usono kaj Brazilo), unu Azia (Ĉinio), kaj unu Eŭropa-Azia (Ruslando).

(2) Ruslando 1382 (16.99%)
(1) Usono 1022 (12.57%)
(3) Germanio 613 (7.54%)
(6) Francio 559 (6.87%)
(7) Brazilo 526 (6.47%)
(4) Hispanio 460 (5.66%)
(10) Pollando 252 (3.1%)
(8) Svedio 245 (3.01%)
* (9) Ĉinio 244 (3%)
(5) Hungario 227 (2.79%)

* Krome estas registritaj 6 vizitoj el Honkongo kaj 1 el Tajvano, kiujn la aŭtoro de la kalkulilo markis kiel apartajn landojn; kun ili Ĉinio estas en la 8a loko.

Entute, ni ricevis 113 komentojn, el ili 103 estas aprobitaj kaj legeblaj, kaj 10 komentoj estas enrubujigitaj kiel trudaĵoj.

Ĝis la 12a de novembro!

Aleksander Korĵenkov

Ĉe represo bonvolu indiki la fonton:
La Balta Ondo: http://sezonoj.ru/2011/10/statistiko-2/

Counterize havas multajn utilajn funkciojn, sed ni mencios ĉi-sube nur la plej ĉefajn el ili por la unua statistikita monato. En la suba statistiko ne estas konsideritaj vizitoj de serĉrobotoj, kiuj estas aŭtomate forfiltrataj, kaj tiuj, kiuj sukcesis eviti la filtron estas mane forigitaj.

Ekzakte unu monaton post la instalo de la kalkulilo, ni notis la ĉefajn statistikajn informojn, kiujn vi povas legi ĉi sube. Kvankam La Balta Ondo estas malofte vizitata retejo, ĉi -suba statistiko eble estas interesa ne nur por la administrantoj.

Ĝenerale

Dum unu monato en nia paĝo okazis 2963 paĝovizitoj (hits). Se oni esceptas la vizitojn de la ĉefpaĝo kaj la vizitojn per kategorioj kaj etikedoj, oni vidas ke 1927 fojojn konkretaj paĝoj (afiŝoj, laŭ la Esperanta termino de WordPress) estis viditaj de 1101 vizitantoj. (Kiel dirite, serĉrobotoj, ankaŭ la administranto kiu ofte venas al la paĝo pro administraj bezonoj, estas ekster la statistiko).

La plej multaj paĝoj estis vizititaj la 3an de septembro, kiam enretiĝis la artikolo Iom pri «La Ondo de Esperanto»; la plej magra tago estis la 19a de aŭgusto kun nur 40 vizititaj paĝoj.

Kion oni legas?

1. Halina Gorecka, Aleksander Korĵenkov: Iom pri «La Ondo de Esperanto» 363 (18.84%)
2. Gražina Opulskienė: Trafe al celo (recenzo de Esperanto por lernejaj klasoj) 135 (7.01%)
3. István Ertl: Eldonejo de Hungara Esperanto-Asocio 110 (5.71%)
4. Olda Koboldo (ps.): SAT-kongreso en Sarajevo 97 (5.03%)
5. Albert Adylov: Antaŭ dudek jaroj (pri la Moskva puĉo en 1991) 91 (4.72%)
6. * Jukka Pietiläinen: Pluva, sed malskandala kongreso 81 (4.2%)
7. Aleksander Korĵenkov: La dua eldono de «Homarano» aperis 80 (4.15%)
8. Dafydd ab Iago: Eŭropo falanta 65 (3.37%)
9. Miroslav Hruška: SES: ĉu ankaŭ alikontinente? 57 (2.96%)
10. * Huang Yinbao k.a.: 44a Konferenco de ILEI 41 (2.13%)
11. * Nova senpaga libro en nia kiosko 41 (2.13%)
12. Grigorij Arosev: En “La Ondo” pri “La ondoj” (Moskva Kinofestivalo 2011) 41 (2.13%)

La tri asteriskitaj tekstoj aperis antaŭ la ekfunkcio de la kalkulilo, kaj reale ili estis spektitaj de pli multaj personoj. (Laŭ la malpli fidinda Google Analytics la artikolon de Jukka Pietiläinen legis 177 personoj.) La ĉefpaĝo kaj la paĝoj, montritaj per elekto de kategorioj kaj etikedoj, estas ekster la supra listo. La tri plej popularaj eroj rakontas pri Esperanta gazeto, recenzo de lernolibro kaj eldonejo; nur la kvara estas pri la esperantista kongreso. Tri tekstoj en la plejlisto ne estas ligitaj kun Esperanto (politiko, ekonomio, kino).

Laŭlande

Nian retejon vizitis legantoj el 60 landoj, plej multe el Usono kaj Ruslando. Jen la unua landodeko:

Usono 510 (17.21%)
Ruslando 452 (15.25%)
Germanio 235 (7.93%)
Hispanio 201 (6.78%)
Hungario 159 (5.37%)
Francio 156 (5.26%)
Brazilo 120 (4.05%)
Svedio 103 (3.48%)
* Ĉinio 97 (3.27%)
Pollando 86 (2.9%)

* Krome estas registritaj 4 vizitoj el Honkongo kaj 1 el Tajvano. La aŭtoro de la kalkulilo markis ilin kiel apartajn landojn.

Kroziloj

Inter la identigeblaj kroziloj la plej popularaj estas Fajrovulpo kaj Esplorilo. Evidente, Fajrovulpo estas la plej ŝatata de esperantistoj. Ĉu pro la fasado elektebla en Esperanto.

Mozilla Firefox  1102 (37.27%)
Internet Explorer  725 (24.52%)
Chrome  394 (13.32%)
Opera  104 (3.52%)
Safari  92 (3.11%)

396 vizitoj (13.39%) estis faritaj helpe de neidentigitaj kroziloj.

Vindozo dominas

Inter la operaciaj sistemoj dominas Vindozo (67,4%), por la ceteraj sistemoj restas nur 19,75%, kaj 12,85% ne estis identigitaj.

Windows  1993 (67.4%)
Mac OS  248 (8.39%)
Linux  174 (5.88%)
Ubuntu Linux  59 (2%)
Darwin  56 (1.89 %)
Linux Mint  23 (0.78 %)

En la statistiko oni povas vidi ankaŭ la listojn de la konkretaj versioj de la kroziloj kaj operaciumoj, kaj aliajn utilajn informojn. Ĉiu vizito restas en la Historio, kaj oni povas tie facile trovi kaj malfari la vizitojn de robotoj, se ili malgraŭ filtroj estis registritaj.

Aleksander Korĵenkov

Ĉe represo bonvolu indiki la fonton:
La Balta Ondo: http://sezonoj.ru/2011/09/statistiko/