Por la 110a Universala Kongreso de Esperanto (UK) la Estraro de UEA elektis
Ĉeĥion kiel kongreslandon. La bela Brno estos la kongresurbo.
Brno kun ĉ. 400 mil loĝantoj estas la dua plej granda urbo de Ĉeĥio, en la sudorienta parto de la lando. Brno fondiĝis en 1243 kaj havas riĉan historion kaj interesajn vidindaĵojn. Ĝi estas la historia ĉefurbo kaj plej granda urbo de Moravio, hodiaŭ funkcianta kiel statuta urbo kaj administra centro de la Sudmoravia Regiono.