Archive Page 2
7 Januaro 2017 de AlKo
Belarta rikolto 2016: Premiitaj verkoj de la Belartaj Konkursoj de Universala Esperanto-Asocio. Nov-Jorko: Mondial, 2016. 139 p.
Aperigo de literaturaĵoj, premiitaj en Belartaj Konkursoj de UEA, ekhavis la plej racian kaj stabilan formon. Ja multe pli oportunas legi ĉiujn verkojn, distingitajn samjare, en unu bela volumo, ol dise tra revuaj paĝoj, aŭ eĉ en Beletra Almanako, serĉante inter verkoj senrilataj al la konkurso. Jam aperis la kvara jarlibro-antologio. Ĉi-foje ĝi estas 139-paĝa – pli ampleksa, ol ĉiu el la tri antaŭaj.
Legu la tutan artikolon ‘Vica Belarta Rikolto’
6 Januaro 2017 de AlKo
La 30an de decembro 2016 en la elŝutejo de La Ondo de Esperanto aperis la januara numero de ĉi tiu revuo, kiu ekde 2017 ne plu aperas papere, sed estas eldonata kiel bitgazeto (elektronika gazeto) laŭ la popularaj normoj “pdf” (ĉefe por komputiloj) kaj “ePub” (ĉefe por legiloj kaj telefonoj). La abonantoj (ankaŭ la pasintjaraj) jam elŝutis la januaran Ondon aŭ ricevis ĝin perpoŝte, kaj la redakcio de La Ondo sojle de la orient-kalendara Kristnasko disponigis ĝin senpage, por ke ĉiu deziranto povu legi ĝin kaj decidi pri (ne)abono.
La 65-paĝa kolorplena januara Ondo (2017) estas nun libere elŝutebla en la kiosko de Sezonoj:
http://esperanto-ondo.ru/Libroj/Libroj.php
En la kiosko oni povas elŝuti ankaŭ 15 senpagajn librojn (kaj tri numerojn de La Ondo) kaj aĉeti 2 librojn (fragmente elŝuteblaj kiel provlibroj). Tie estas legeblaj ankaŭ klarigoj pri legado de bitlibroj laŭ la normoj “pdf” kaj “ePub”.
La Ondo de Esperanto (11 numeroj + literatura suplemento) estas abonebla kontraŭ nur 15 eŭroj ĉe niaj perantoj, UEA-konto, kaj per PayPal/bankkartoj ĉe
http://esperanto-ondo.ru/Lo-abon.htm
Legu la tutan artikolon ‘La januara Ondo senpage legebla’
5 Januaro 2017 de AlKo
La informo pri aŭspiciio, donita de TEJO al junulara arta renkontiĝo, organizata kadre de la Esperanta Civito, kaŭzis polemikon en Libera Folio, en la Diskutlisto de la Komitato de UEA kaj en Fejsbuko. Hodiaŭ Xavi Alcalde proponas sian originalan opinion pri la afero.
Ekde ĝia kreo, du kontraŭaj tendencoj kunestas en la sino de nia movado, kvazaŭ ne povintus ekzisti unu sen la alia. Unuflanke, Esperanto ŝajnas ankrita en la pasinta jarcento. Revuoj, organizoj, agmanieroj… Sufiĉas rigardi la plimulton de la retejoj por konstati, ke ĝenerale ili malmodernas. Aliflanke, historie esperantistoj ĉiam rolis inter tiuj, kiuj enkondukis novaĵojn. Temas pri pioniroj de ŝanĝoj, kiujn poste brakumos la cetera socio. En granda mezuro, ili ankoraŭ rolas tiele.
Legu la tutan artikolon ‘Tradicio kaj moderneco. Pri TEJO kaj la Civito’
4 Januaro 2017 de AlKo
Ni kun ĝojo informas, ke la 4an de januaro ekfunkciis nia nova projekto EKPAROLU! Post 150 provsesioj kaj seriozaj planado kaj konstruo de facile administrebla kaj uzebla programaro ni ebligas al komencintoj havi dek senpagajn parolsesiojn.
Ni volonte akceptas pliajn geonklojn, kiuj post mallongaj testado kaj trejnado povus paroligi la genevojn. Tio estas bona okazo spertiĝi pri distanca instruado, kaj esti utila en la enmovadigo de novuloj.
Legu la tutan artikolon ‘Ekfunkciis la projekto EKPAROLU’
3 Januaro 2017 de AlKo
Арманд, Давид Львович. Путь теософа в стране Советов: Воспоминания. – Москва: Аграф, 2009. – 608 с.; 1000 экз. – (Серия «Символы времени»)
David Armand havis longan vivon plenan de neordinaraj turnoj, en kiu estis pasio al literatura kreado, propagando de Esperanto, elstaraj laboroj en teknika sfero, granda kontribuo al fizika geografio, studado de landpejzaĝo kaj de uzado de naturriĉaĵoj, popularigo de geografia kaj ekologia sciencoj, socia naturprotekta agado kaj multo alia. Ĉio ĉi estis paralela al la scienca agado de Armand, kiu postlasis grandan sciencan kaj literaturan heredaĵon – pli ol 760 publikaĵojn.
Legu la tutan artikolon ‘Kavaliro de scienco kaj de naturo’
2 Januaro 2017 de AlKo
La oratorio Mesio de Friedrich Händel estis prezentita en Esperanto la 29an de marto en 1987 fare de la fama 100-membra neesperantista koruso de Centra Ensemblo de KISZ.
La koncerto estis parto de la neesperantista projekto “Budapeŝta Printempa Festivalo”, kies direktoro Lengyel Márton estis esperantisto. La koncerto mem okazis en unu el la plej elegantaj urbocentraj koncertejoj Vigadó en Budapeŝto, kie la spektejo estis plenŝtopita de esperantistoj. Szilvási László prizorgis la sonregistradon de la koncerto, kiu estis eldonita tiam de lia entrepreno Lingvo-Studio en muzika sonkasedo kiel historia dokumento de nia esperantista kultur-historio.
Legu la tutan artikolon ‘Donaco por Kristnasko: Mesio de Händel en Esperanto’
1 Januaro 2017 de AlKo
Hilda Dresen
VINTRA LUNO
La plenlumaj vintronoktoj estas nedireble belaj.
Froste bluas kaj arĝentas neĝo sub la luna bril’.
Al ĉiel’ en muta preĝo sin etendas la malhelaj
Nudaj branĉoj de pomarboj dormetantaj en trankvil’.
Legu la tutan artikolon ‘Vintra poezio: Hilda Dresen’
31 Decembro 2016 de AlKo
Eŭgeno Miĥalski
* * *
Kristaloj de neĝo, facetoj glaciaj,
Kaj varma altuŝo de ŝia manet’ –
Jen estas la tempo por belfantazio
De juna flamema, amanta poet’!
Legu la tutan artikolon ‘Vintra poezio: Eŭgeno Miĥalski’
30 Decembro 2016 de AlKo
Kálmán Kalocsay
VINTRO
Lamentas la arboj, ĉielen etendas
La brakojn skeletajn frostante kaj treme,
Ĝis fine la bona ĉiel’ kompateme
Al ili ŝirmantan tapiŝon subsendas.
Legu la tutan artikolon ‘Vintra poezio: Kálmán Kalocsay’
29 Decembro 2016 de AlKo
Nikolao Hohlov
VINTRA FABELO
Sur la sledo, svelta sledo, post amuza kabaredo,
Kun tintila sonorad’
Ni veturas – aventuras, la ĉevaloj fluge kuras
Sub la stela miriad’.
Legu la tutan artikolon ‘Vintra poezio: Nikolao Hohlov’
28 Decembro 2016 de AlKo
La Komitato de UEA akceptis buĝetproponon por 2017, en kiu la buĝeto por la Afrika Oficejo kreskis. Por bone elspezi la disponeblan sumon, UEA lanĉas malferman alvokon por tiuj esperantistoj loĝantaj en Afriko, kiuj interesiĝas plenumi parton aŭ ĉiujn el la sube menciitaj taskoj.
Legu la tutan artikolon ‘Alvoko por labori por la Afrika Oficejo de UEA’
27 Decembro 2016 de AlKo
Post la skrutinioj komunikitaj de dek balotejoj (inkluzive tri subbalotejoj) el dek, jen la definitiva rezulto de la elektoj al la Senato de la Esperanta Civito, 15 decembro 2016.
Voĉoj esprimitaj entute: 158.
Voĉoj validaj: 149, el kiuj 7 sindetenaj.
Por la Verda Listo: 103 (72,54%). En 2011: 130 (73,44%).
Por la Blanka Listo: 39 (27,46%). En 2011: 24 (13,55%).
Legu la tutan artikolon ‘Rezulto de la skrutinio por la Senato 2017-21′
26 Decembro 2016 de AlKo
La 46a Internacia Infana Kongreseto (IIK) okazos de la 22a ĝis 29a de julio 2017 en Seulo. Bongdo, la IIK-ejo, 10km for de la UK-ejo, estas preta por akcepti la kongresanetojn ĉirkaŭ naturplena loko.
La temo de la Seula IIK estas Kolora Mondo. Diverslandaj infanoj kaj adoleskantoj amuziĝos pere de Esperanto kaj uzos la temon por krei ludojn pri koloraj kulturaĵoj, vestoj, manĝaĵoj, landoj… en plenkolora mondo. Ĉirkaŭ deko da gvidantoj el kvar landoj aktive preparas riĉan programon.
Legu la tutan artikolon ‘Subtenu la 46an Internacian Infanan Kongreseton’
25 Decembro 2016 de AlKo
Hodiaŭ, kiam la kristanoj, uzantaj la Gregorian kalendaron, festas Kristnaskon, ni proponas legi du Kristnaskajn novelojn, kiuj aperis ankaŭ kelkaj jaroj en La Ondo de Esperanto:
Legu la tutan artikolon ‘Du Kristnaskaj noveloj’
24 Decembro 2016 de AlKo
La 15an de decembro, matene, Kuba Esperanto-Asocio (KEA) senvualigis buston memore al d-ro Ludoviko Zamenhof, kreinto de la Internacia Lingvo Esperanto. La ceremonion ĉe la sidejo de KEA en Havano ĉeestis Adrian Chrobot, komisiito pri politikaj kaj ekonomiaj aferoj de la pollanda ambasado, kaj Rosa Teresa Rodríguez, direktoro pri internaciaj rilatoj de la kuba kulturministerio, reprezentantoj de la Kuba Asocio de Lingvistoj kaj dudeko da geesperantistoj.
Legu la tutan artikolon ‘La unua Zamenhofa busto en Kubo’
