Arkivo por la kategorio 'Esperantujo'
19 Junio 2013 de AlKo
Programo
de la 49aj Baltiaj Esperanto-Tagoj
Utena, la 6–14an de julio 2013
Alta protektanto: Alvydas Katinas, la urbestro de Utena
Sub aŭspicio de la Universala Esperanto-Asocio
La 5an de julio (vendredo)
10.00–22.00 Registrado de partoprenantoj, loĝigo, informoj (Utenio pl. 2)
La 6an de julio (sabato)
9.00–22.00 Registrado de partoprenantoj, loĝigo, informoj (Utenio pl. 2)
13.00–14.00 Tagmanĝo (Utenio pl. 2)
20.00–21.00 Koncerto de Asorti (Muzika lernejo, str. Maironio 11)
La 7an de julio (dimanĉo)
8.00–9.00 Matenmanĝo (bufedo, str. Maironio 18)
9.00–10.00 Organizaj kunvenoj de gvidantoj kaj vizitantoj de ĉiunivelaj Esperanto-kursoj, gvidantoj kaj prelegantoj de la Somera universitato, gvidantoj kaj vizitantoj de aliaj konstantaj programeroj (en la ĉefa aŭditorio – Utenio pl. 2)
10.00–11.00 Malfermo de la Somera universitato. Petras Čeliauskas: “Litova lingvo – la plej arkaika vivanta hindeŭropa lingvo”
10.00–11.00 La unuaj lecionoj de ĉiunivelaj Esperanto-kursoj. Gvidas Svetlana Smetanina, Mikaelo lineckij, Stano Marček k. a.
11.00–11.30 Sezonoj kaj La Ondo de Esperanto: Prezentas Halina Gorecka kaj Aleksander Korĵenkov
12.00–13.00 Solena inaŭguro de BET-49 (Muzika lernejo)
13.00–14.00 Tagmanĝo
14.00–15.00 Somera universitato. Aleksander Korĵenkov: “Historio de Esperanto” (1)
15.00–16.00 Lecionoj de ĉiunivelaj Esperanto-kursoj
15.00–16.00 Somera universitato. Alfredas Maruška: “Pri natura medicino”
16.00–17.00 Somera universitato. Dima Ŝevĉenko: “Sociaj retoj: teorio, historio, perspektivo”
17.00–18.00 Somera Universitato. Ed Robertson: “Kio okazas en Skotlando?”
20.00–21.00 Koncerto de la ensemblo Vieversa (Muzika lernejo)
Legu la tutan artikolon ‘Programo de BET-49′
17 Junio 2013 de AlKo
Roterdamo. La 17an de junio okazis en la Centra Oficejo de UEA la nombrado de la voĉoj donitaj en la elektado de ses Komitatanoj B por la periodo 2013-2016. Por tiu tasko la Estraro de UEA nomumis komisionon, kiu konsistis el la Ĝenerala Direktoro Osmo Buller kaj la individuaj membroj Atie van Zeist, Piet Schuil kaj Rob Moerbeek. Laborantoj de la Centra Oficejo helpis la komisionon en la nombrado, kiu daŭris preskaŭ kvar horojn.
Legu la tutan artikolon ‘UEA: Komitatanoj B elektitaj’
16 Junio 2013 de AlKo
La 16an de junio, post sesmonata paŭzo, aperis en la reto nova podkasto de Radio Esperanto (Kaliningrado, Ruslando). La programon, kiu estas laŭvice la 31a, gvidas Halina Gorecka kaj Aleksander Korĵenkov.
La programo daŭras 29 minutojn.
Amplekso: 27 Mbajtoj.
Legu la tutan artikolon ‘La 31a sonprogramo de Radio Esperanto’
15 Junio 2013 de AlKo
UNU MONATO ĜIS LA KOMENCO
Unu monato restas ĝis la komenco de la 49aj Baltiaj Esperanto-Tagoj (BET-49), kiuj okazos la 6-14an de julio 2013 en la orientlitovia urbo Utena. Je la 6a de junio al BET-49 aliĝis 152 personoj el 20 landoj kaj, ĉar kelkaj dekoj da litovianoj aliĝos surloke, la organizantoj atendas ĉirkaŭ 200 partoprenantojn.
BET-49 ĝuos helpon kaj kunlaboron de la urba gvidantaro – la urbestro de Utena Alvydas Katinas akceptis la proponon esti alta protektanto de BET-49. La urbo eldonos dulingvan riĉe ilustritan libron pri Utena, kiun senpage ricevos ĉiu partoprenanto. La prezidanto de la Litovia parlamento d-ro Vydas Gedvilas promesis helpi ĉe ricevado de ŝtata subvencio por BET-49 kaj akceptis la inviton partopreni la inaŭguron de BET kaj paroli tie antaŭ la partoprenantoj. La estraro de UEA decidis doni la aŭspicion de UEA al BET-49.
Legu la tutan artikolon ‘BET-49′
14 Junio 2013 de AlKo
Kvin semajnojn antaŭ la malfermo de la 98a Universala Kongreso de Esperanto en Rejkjaviko ni proponas konatiĝi kun la ĉefpaĝa artikoleto el la revuo Esperanto pri la unua Islanda UK, okazinta antaŭ 36 jaroj en tute alia epoko. Jen teksto el tiu epoko, kiam multaj esperantistoj sincere kredis je plua progresado de Esperanto, ja ties prestiĝo en Rejkjaviko, laŭ la aŭtoro de la suba artikolo (evidente, Simo Milojević), “atingis nivelon ĝis nun ne spertitan”.
Perlo en la kongresa koliero
62a Universala kongreso de Esperanto, Rejkjaviko 1977 07 31 – 08 06
Kiam oni venigas mil homojn al la ĉefurbo de Islando, tio signifas invadon de ĉi tiu ŝtato sen soldatoj. La 62a Universala Kongreso de Esperanto, inter la 31a de julio kaj 6a de aŭgusto 1977, kun 1197 aliĝintoj, estis ĝuste tia invado, ĉar la kongresanoj kelkprocente pligrandigis la feritempan loĝantaron de la plej norda ĉefurbo en la mondo. La Movado unuafoje kunvenis en lando, kie la Kongreso efektive estis ĉeftemo de la publika kaj kultura vivo de la lando.
Legu la tutan artikolon ‘Perlo en la kongresa koliero: 62a UK en Rejkjaviko (1977)’
11 Junio 2013 de AlKo
Katalin Kováts, la iniciatinto, organizanto kaj administranto de la mondekzameno, ĉi-jare akceptis ankaŭ per skajpo la parolan parton de la ekzameno.
Katalin Kováts, redaktoro de www.edukado.net – simile al la pasinta jaro – denove sukcesis kunlaborigi ĉ. 70 personojn el 16 landoj por okazigi samtempan ekzamensesion tra la tuta mondo. Al la ekzameno, okazinta la 8an de junio, aliĝis 250 kandidatoj, el kiuj fine ekzameniĝis 243. Unu kandidato en Pollando kaj 6 en Ruslando ne aperis en la indikita tempo.
La plej multe da kandidatoj varbiĝis denove en la meksika urbo Tecamac. Ni nur kun admiro sekvas la fruktodonan laboron de la loka esperantista teamo. Inter la lando, same kiel antaŭ unu jaro, elstaras Francio kun entute 76 kandidatoj.
Legu la tutan artikolon ‘La dua Tutmonda KER-ekzameno’
8 Junio 2013 de AlKo
Partoprenantoj tuj post la malfermo, ankorau mankas esperantistoj el Kaŭno kaj Šiauliai (Foto: Virginija Valuckienė)
La 11–12an de majo en vilaĝa ripozejo ĉe la sud-orienta Litovia urbeto Aukštadvaris okazis Tendaro-seminario de Litoviaj esperantistaj ĵurnalistoj. Jam la sesa sub la mecenateco de la Negoca Parko Gariūnai. Esperantistaj ĵurnalistoj profitis la emon de tiu ĉi entrepreno al subteno de kulturaj iniciatoj. Ja nur kelkaj partoprenantoj de nia tradicia aranĝo povus pagi la tutan sumon de la reala estado en la somerumejo.
Kunveturis amatoraj kaj profesiaj ĵurnalistoj, aliaj kunlaborantoj de amaskomunikiloj. Bunta publiko: studentoj, oficistoj, entreprenistoj, medicinistoj, juristoj kaj veraj ĵurnalistoj mem. Ĉiujn ilin unuigis inklino al ĵurnalismo kaj Esperanto. Kvinopoj venis el Kaŭno kaj Panevėžys, unu el Šiauliai, la ceteraj el Vilno – entute 35 personoj.
Legu la tutan artikolon ‘Danke al Dio kaj negoca parko’
31 Majo 2013 de AlKo
LF en Peterburgo (Foto: Nikolaj Surovegin)
La 21an de aprilo 2013 en Sankt-Peterburgo okazis la sepa lingva festivalo, kiun organizis la lokaj aktivuloj Vjaĉeslav Ivanov kaj Sergej Andrejsons. Ĝin gastigis prestiĝa Universitato pri Informteknologio, Mekaniko kaj Optiko.
Legu la tutan artikolon ‘Denove Lingva Festivalo en Peterburgo’
29 Majo 2013 de AlKo
«“Komence estis la sento”, tiel oni devus komenci la historion de Esperanto. Vi ja scias, ke la sento naskis la lingvon <…>. Lingvo kaj sento, jen estas Esperanto». Ĉi tiaj trafaj kaj oraj vortoj de Kalocsay iĝis la mot(iv)o kaj la (t)emo de la 72a Hispana Esperanto-Kongreso, okazinta en Zaragozo la 3–5an de majo. Aliĝis pli multaj kongresanoj ol ĉe la lastaj hispanaj kongresoj: 104 el diversaj hispanaj regionoj kaj eksterlandanoj (ĉefe francoj), kiuj travivis emociajn momentojn.
Legu la tutan artikolon ‘La 72a HEK: “Bela programo”’
22 Majo 2013 de AlKo
Post la eksiĝo de la prezida posteno en Rusia Esperantista Unio (REU) mi ekanalizis la rezultojn de mia propra laboro. De ekstere la rezultoj efektive aspektas magraj, pli ĝuste – neekzistantaj. Mi konsentas kun tio kaj eĉ pretas akcepti la “titolon” de la plej malsukcesa prezidanto de REU – probable iuj ŝatos tion kaj kontentiĝos pro la “agnosko”. Mia egoo ne suferus, ĉar dorloti miajn proprajn ambiciojn mi kutimas ekster Esperantujo. En la “Esperanto-movado” estas tro simple atingi asocian postenon, do la facileco de atingado devas egali al la facileco de malsukcesa elposteniĝo.
Legu la tutan artikolon ‘Postprezidaj meditoj’
21 Majo 2013 de AlKo
La 11an de majo okazis trejnado en la sidejo de Paranaa Esperanto-Asocio (Kuritibo, Brazilo) kun 13 aliĝintoj al la dua monda ekzamentago. (Foto: Rangel Gotardi)
Post la granda sukceso de la Unua Tutmonda Ekzamentago (la 9a de junio 2012) la ekzamenkomisiono de UEA decidis aranĝi similan tagon la 8an de junio 2013.
Ĝis la 15a de majo, la lasta tago de la aliĝeblo, anoncis sin 250 kandidatoj el 16 landoj. La sesioj disvolviĝos en 24 lokoj, inter ili en sep urboj de Francio, en po du urboj de Meksiko kaj Brazilo. Aliĝis al la kampanjo urboj el Nikaragvo, Kolombio, Argentino, Usono, Japanio, Svislando, Svedio, Germanio, Pollando, Serbio, Belgio, Finnlando kaj Ruslando.
Legu la tutan artikolon ‘La Dua Tutmonda Ekzameno’
19 Majo 2013 de AlKo
Jerusalemo, vidata el la oliva monto
Mi ŝatus komenci ĉi tiun raporteton per letero de fama Esperanto-kantisto, kiun mi ricevis antaŭ nelonge:
Mi ankoraŭ ne havis la tempon skribi al vi por danki vin pro la mirinda kongreso en Jerusalemo. Ne gravas la pluvo, la etoso estis bonega, la diverseco de la originoj valoris, la ekskursoj ege interesaj. La internacia vespero estis tute neforgesebla, eble la plej kortuŝa de mia vivo de esperantisto!!
Denove dankon, Amike, jOmO.
Legu la tutan artikolon ‘Azia Kongreso en Jerusalemo’
18 Majo 2013 de AlKo
Unu el la problemoj de la Meza Oriento estas, ke homoj kaj popoloj tie kverelas inter si. Estas pluraj historiaj, religiaj kaj sociaj kialoj por kvereli. Ŝijaanoj, ekzemple, ankoraŭ memoras pri la murdo de Alī ibn Abī Tālib en la 7a jarcento. Kion diri pri la homoj elpelitaj de tio, kio estis iam Palestino. Ili ankoraŭ vivas kaj memoras. Kaj la turkoj memoras la provon post la unua mondmilito fare de la okcidentaj landoj okupi Turkujon (neniu okcidentano vizitanta Turkujon povas klarigi al si, kial mortis tiom da aŭstralianoj en Galipoli.) Inter ĉi tiuj memoroj estas ankaŭ la memoro de la armenoj pri la genocido dum la unua mondmilito. Multe malpli oni memoras pri la pozicio kaj agado de la armenoj en la Turka Imperio okaze de tiu milito.
Legu la tutan artikolon ‘Mez-Oriento: La sesa kunveno’
14 Majo 2013 de AlKo
Intervjuo kun André Albault
Unu el la grand-sinjoroj de la Esperanto-movado sendube estas d-ro André Albault en Tuluzo. Jam oni lin omaĝis per la fest-libro De A al B[1] okaze de lia 75-jariĝo. La redakcio de La Ondo volonte kaptis la okazon de lia 90-jariĝo por la intervjuo, kiun kun la jubileulo faris Reinhard Haupenthal.
La maljunulojn (tia vi estas sojle de via 90-jariĝo) oni kutimas demandi, ĉu ia viv-sekreto situas malantaŭ ilia aĝo. Ĉu tian vi havas kaj pretas ĝin riveli?
En rilato al mia aĝo[2] kaj al eventuala vivo-sekreto, oni komprenu tiun terminon kiel “sekreto pri longa vivo”, mi emas respondi jene:
Legu la tutan artikolon ‘Carlevaro tro facil-anime prognozis’
13 Majo 2013 de AlKo
Respondas Dennis Keefe
Dum la lasta jaro mi verkis plurajn artikolojn por La Ondo de Esperanto (LOdE) pri temoj de merkatiko, kiuj speciale rilatas al Esperanto – ne al la lingvo mem, mi substreku – sed al informado pri ĝi, kaj al ĝia disvastiĝo. Tiuj artikoloj estigis pli ol cent komentojn en la retejo La Balta Ondo. En ĉi tiu artikolo, post mallonga resumo de la kvin artikoloj, mi pli detale priparolos la reagojn de pluraj komentantoj.
Legu la tutan artikolon ‘Esperantistoj, Esperanto, merkatiko kaj ni’
