Arkivo por la kategorio 'Esperantujo'
10 Aprilo 2016 de AlKo
La sukcesa BET-37
Al la 37a BET aliĝis pli ol tricent personoj
(Foto: Gražvydas Jurgelevičius)
La Litova Agrikultura Universitato apud Kaunas jam kelkfoje disponigis siajn ejojn por kunvenoj de esperantistoj. Ĉi-jare de la 7a ĝis la 15a de julio ĉi tie okazis la 37aj Baltiaj Esperanto-Tagoj. Por pasigi semajnon en amika etoso, por praktiki la lingvon, por konatiĝi kun la urbo kaj Litovio, kolektiĝis 303 samideanoj el 18 landoj. Post kelkjara interrompo ni denove ekvidis esperantistojn el Rusio, Ukrainio, Belorusio, inter ili estis veteranoj de iamaj BEToj kaj SEJToj – M. Bronŝtejn, A. Gonĉarov, A. Belov, M. Lineckij – kiuj pliriĉigis la programon per siaj kontribuaĵoj.
Legu la tutan artikolon ‘BET-37 apud Kaŭno (2001)’
3 Aprilo 2016 de AlKo
Inter la partoprenantoj de la 52aj Baltiaj Esperanto-Tagoj (BET-52), okazontaj la 2-10an de julio en Birštonas (Litovio), estos Giorgio Silfer. Giorgio Silfer estas pseŭdonimo de Valerio Ari, kiu naskiĝis en 1949 en Milano. Li estas lingvoinstruisto, organiza konsilisto, verkisto kaj publicisto, doktoro pri modernaj lingvoj (1982) kaj beletristiko (1987). Li kunfondis la revuon Literatura Foiro (1970) kaj redaktis ĝin ĝis 1980. Ĉe la 36a IJK en 1980 Giorgio Silfer, kune kun Jouko Lindstedt kaj Amri Wandel lanĉis la Manifeston de Raŭmo.
Legu la tutan artikolon ‘Giorgio Silfer venos al Birštonas’
2 Aprilo 2016 de AlKo
La 101a Universala Kongreso verŝajne estos la plej juneca el ĉiuj ĝisnunaj UKoj danke al la engaĝo de multaj gejunuloj en la Loka Kongresa Komitato, kiuj pretigas interesan (kaj malmultekostan!) junularan programon.
La junulara programo estos parto de 101a Universala kongreso de Esperanto en Nitra, kiu okazos de la 23a ĝis 30a de julio 2016. La junulara programo estos preparita por ĉiuj aĝaj kategorioj, vi devas nur senti vin juna spirite. Se vi naskiĝis post la 31a de decembro 1995, vi eĉ ne pagas aliĝkotizon!
La ĉeftemo de la junulara programo estas “La gejunuloj al la plenkreskuloj – la plenkreskuloj al la gejunuloj”. Ni kun ĝojo ludos, kantos, sportumos, bambumos, ekskursos, sed ankaŭ helpos kompreni teknikaĵojn, lingvaĵojn aŭ efikan labormanieron kaj multajn aliajn aferojn dum niaj prelegetoj, kursetoj kaj trejnadoj. Aŭ ni simple babilos vespere en la drinkejo kun ĉiuj, kies aĝo pro la senĉesa kurado de tempo superas la aĝon de oficiala juneco.
Legu la tutan artikolon ‘La junulara programo de la 101a UK: riĉa kaj ĉeestinda!’
1 Aprilo 2016 de AlKo
Laŭ la Oficialaj Informoj de la Akademio de Esperanto okazis elekto de la Estraro kaj de la direktoroj de la Sekcioj kaj Komisionoj de la Akademio de Esperanto. La nova prezidanto de la Akademio iĝis Probal Dasgupta, kiu ekoficas en ĉi tiu rolo anstataŭ la antaŭa prezidanto Christer Kiselman, kiu eksprezidantiĝis en decembro 2015. Dasgupta estas la dua eksprezidanto de UEA (la unua estis John Wells), en la ofico de la prezidanto de la Akademio.
Kiel estraranoj estis elektitaj:
Probal Dasgupta, prezidanto
Brian Moon, vicprezidanto
Otto Prytz, vicprezidanto
Renato Corsetti, sekretario
Kiel direktoroj estis elektitaj:
Legu la tutan artikolon ‘Probal Dasgupta – prezidanto de la Akademio de Esperanto’
31 Marto 2016 de AlKo
En la inaŭguro de la Zamenhof-monumento en Veisiejai.
Veisiejai gastigis BET-34
De la 17a ĝis la 24a de julio 1998 en agrikultura lernejo de Veisiejai gastis kaj laboris 253 esperantistoj el 14 landoj, partoprenantoj en la 34aj Baltiaj Esperanto-Tagoj. La partoprenantoj estis: el Litovio – 157, el Pollando – 56, el Finnlando – 13, el Latvio – 9, el Estonio – 5, el Svedio – 3, el Belorusio – 3, el Aŭstralio, Britio, Danio, Francio, Germanio, Nederlando, Ukrainio – po 1. Kiel kutime, dominis virinoj (64 procentoj).
Legu la tutan artikolon ‘BET-34 en Veisiejai (1998)’
30 Marto 2016 de AlKo
Lingva Festivalo en Udmurtio (Foto: Jevgenija Lekomceva)
En Iĵevsko, la ĉefurbo de Udmurtio, la 12an de marto okazis lingva festivalo. En la Internacia Orienteŭropa Universitato estis prezentitaj pli ol 20 lingvoj, ses prilingvaj prelegoj kaj riĉa porinfana programo. La ideo de la festivalo estis ne nur montri la diversecon de la lingvoj en la mondo, sed, laŭ la vortoj de la ĉefa organizinto Aleksej Ŝklajev, atentigi pri la multlingveco en Udmurtio: “Dum la historio de nia regiono oni parolis ĉi tie tri lingvojn: la udmurtan, la tataran kaj la rusan. Sed, bedaŭrinde, la tendenco estas, ke oni parolas nur la rusan kaj ne interesiĝas pri la naciaj lingvoj de nia respubliko. Nia festivalo estis organizita por ke pli da homoj interesiĝu pri siaj gepatraj lingvoj, lernu kaj konservu ilin”.
Legu la tutan artikolon ‘Lingva festivalo en Iĵevsko’
28 Marto 2016 de AlKo
Okazis kelkaj ŝanĝoj kaj kompletigoj pri loĝado dum BET-52 kompare kun anoncitaj lokoj antaŭe. Pro tio, ke la gastejo de la Litovia sporta universitato (str. Birutės 19) estas riparata, ne eblos loĝi en ĝi. Tamen ĉiuj, kiuj antaŭmendis ĝin, je la sama prezo povos loĝi en aliaj lokoj, ne malpli bonaj kaj kvalitaj. Krome, pro granda kvanto de aliĝoj, la Organiza Komitato de BET-52 aldone al la jam antaŭe anoncitaj rezervis pliajn loĝlokojn.
Jen estas ili:
Legu la tutan artikolon ‘Loĝado dum BET-52′
26 Marto 2016 de AlKo
La 26an de marto 2016 forpasis
Michel Duc Goninaz (1933-2016)
Legu la tutan artikolon ‘Michel Duc Goninaz forpasis’
21 Marto 2016 de AlKo
Walter Żelazny naskiĝis en 1950 en Rzeszów. Li estas sociologo kaj okupiĝas pri etnismo, kultura antropologio, socilingvistiko kaj zamenhofologio, pri kiuj li publikigis kelkajn sciencajn librojn kaj plurajn studojn en la lingvoj pola, franca kaj Esperanto. Nun li estas profesoro pri sociaj sciencoj de la Bjalistoka Universitato kaj estro de la katedro pri kultura antropologio. Esperantisto ekde 1968, Żelazny estis estrarano de TEJO (1976–77), vicprezidanto de la legenda Pola Studenta Esperanto-Komitato (PSEK, 1979–1981) kaj la unua Konsulo de la Esperanta Civito (2001–2006). Unu el la plej signifaj intelektuloj en la Esperanto-komunumo, en BET-52, okazonta komence de julio en Birštonas, li prelegos pri temo, kiun li mem prezentas jene:
Legu la tutan artikolon ‘Profesoro Żelazny prelegos en Birštonas’
17 Marto 2016 de AlKo
Koncerto de la Esperanta koruso el Panevėžys
La 31a BET, okazinta la 8-16an de julio 1995 apud Kaŭno kun 203 partoprenantoj, estis negranda kompare kun la tri antaŭaj Litoviaj BEToj (358 partoprenantoj en BET-20, 1983; 472 partoprenantoj en BET-23, 1986; 608 partoprenantoj en BET-26, 1989) kaj kun la 65a Kongreso de SAT (452 partoprenantoj, 1992), kaj ĝi unuafoje ne havis gravan programkontribuon de esperantistoj el Ruslando kaj Ukrainio. Sed danke al la Litoviaj kaj alilandaj instruistoj, prelegantoj kaj artistoj la programo estis ne malpli riĉa kaj interesa ol antaŭe. La suba arikolo el Litova Stelo koncize prezentas la 31an BET. La artikolon akompanas la rezolucio, akceptita fine de BET-31
Legu la tutan artikolon ‘BET-31 en Girionys (1995)’
14 Marto 2016 de AlKo
Post la disko Esperanto elektronike, kiun E@I publikigis senpage rete omaĝe al sia dekjariĝo, venas nun plia senpaga elektronika eldonaĵo. En 2008 E@I publikigis kunlabore kun la urbo Bjalistoko KD-n kun simpla nomo Esperanto, kiu prezentas Esperanton al la ĝenerala publiko. La disko estis kreita dulingve: en la pola kaj en Esperanto. Ĝi estis eldonita en rekorda kvanto 400 mil ekzempleroj kaj disdonita senpage kun Gazeta Wyborcza.
Oni nun povas vidi ĝian enhavon tute senpage en la reto!
Legu la tutan artikolon ‘KD Esperanto senpage havebla rete’
11 Marto 2016 de AlKo
Pli kaj pli da homoj aliĝas al la ĉi-jara Germana Esperanto-Kongreso, kiu okazos dum Pentekosto, la 13-16an de majo en la bavara ĉefurbo Munkeno en suda Germanio. En la listo de aliĝintoj troviĝas jam pli ol 160 homoj, inter ili trideko da homoj el eksterlando. Entute temas pri 16 diversaj loĝlandoj: Nederlando, Brito, Danio, Aŭstrio, Italio, Francio, Portugalio, Pollando, Ĉeĥio, Slovakio, Hungario, Kroatio, Rusio, Ukrainio, Usono kaj Brazilo.
125a jubileo de la Munkena Esperanto-klubo
Legu la tutan artikolon ‘Jam 160 aliĝintoj por la Germana Esperanto-Kongreso’
7 Marto 2016 de AlKo
En La Ondo de Esperanto ne maloftas artikoloj pri urboj kaj regionoj de Ruslando, kaj en la januara numero legantoj povis ĝui artikolon pri Irkutsk, la koro de la Orienta Siberio. Do neniel strangos por legantoj trovi ĉi-numere artikolon pri alia urbo de Siberio. Sed temas ne pri la kutima Siberio de ĉiuj konata. Temas pri alia Siberio, multe pli malgranda, sendube malpli fama, kaj situanta en la al ĝi plej malproksima areo de Eŭropo: La Siberio. Ĉar en tiu ĉi kazo la artikolo nepras: ne Siberio, sed “La Siberio”, kiu troviĝas… en Ekstremadura regiono de Hispanio. Kaj legantoj ekscios kiel eblas kongresi kaj esperantumi en pli varmaj kondiĉoj ol tiuj, kiujn la nomo sugestus.
Legu la tutan artikolon ‘La “alia” Siberio, aŭ kiel eblos varme kongresi’
4 Marto 2016 de AlKo
Post la multaj Zamenhof-tagaj, Kristnaskaj kaj novjarfestaj renkontiĝoj en Esperantujo kutime sekvas kelksemajna periodo, dum kiu okazas nemultaj eventoj. Tio denove ebligis al la redakcio de La Ondo de Esperanto aperigi en la marta kajero, dissendita en la fino de februaro, kelkajn pli longajn tekstojn, por kiuj mankis loko en la antaŭaj monatoj. Inter ili elstaras artikoloj de tri membroj de la Akademio de Esperanto.
En la unua parto de sia studaĵo Bitlibra revolucio akad. Sergio Pokrovskij konstatas, ke ĉiam pli da homoj legas librojn per elektronikaj aranĝaĵoj. Prezentinte la nunan konfuzon terminologian, la Siberia akademiano proponas kelkajn terminojn, poste prezentas la avantaĝojn de la bitlibroj kaj parolas pri ekranoj tralumaj kaj reflektaj. Lia akademia kolego, prof. Michel Duc Goninaz, publikigis la unuan parton de sia studo, kies titolo Kelkaj rimarkoj pri la t. n. “akuzativo” verŝajne ne bezonas plian klarigon, same kiel la titolo de la artikolo de la Finnlanda akademiano, prof. Jouko Lindstedt Se Esperanto estas tiel facila, kial oftas eraroj en tekstoj? Ĉu vi scivolas: kial? Legu la martan Ondon.
Legu la tutan artikolon ‘La marta Ondo aperis’
4 Marto 2016 de AlKo
Ok Esperanto-aktivuloj konkursos pri la rajto reprezenti la individuajn membrojn de UEA en la Komitato de la Asocio dum la periodo 2016-2019. Ses el ili estos elektitaj kiel komitatanoj B per poŝta balotado, kiu komenciĝos en aprilo. La nombro de kandidatoj estas malpli ol tiu en 2010, kiam 12 membroj kandidatiĝis, sed pli ol en 2013 kiam la elekto okazis inter 7 personoj.
Legu la tutan artikolon ‘Ok kandidatoj en elekto de ses komitatanoj B’
