UEA: Ankoraŭ unu demisio

Kiam mi decidis aliĝi al la teamo, konstruonta la novan retpaĝon de UEA, mi sentis grandan honoron kaj esperis partopreni en grava, profesie mastrumata projekto. Pro infanecaj kapricoj la Ĝenerala Direktoro de UEA senĉese enmiksiĝis en la konsiston de la teamo, ĉantaĝis unu el ĝiaj membroj kaj sukcesis konvinki la Estraron de UEA, antaŭ ĉio ĝian malobjektivan prezidanton, ke la laboro de tiu teamano estas maladekvata.

Anstataŭ aŭskulti ĉies voĉojn kaj vidpunktojn la Estraro decidis maldungi la menciitan teamanon. Mian vidpunkton pri la afero s-ro Fettes primokis kaj nomis “neprofesia”. Sentante kolegan solidarecon kaj ne povante akcepti la normojn kaj neskribitajn regulojn, kiuj hodiaŭ regas la Centran Oficejon de UEA kaj la organizon ĝenerale, mi devis sen troa bedaŭro forlasi la postenon.

Przemysław Wierzbowski

Ĝi estas artikolo el la oktobra numero de La Ondo de Esperanto (2017).
Ĉe represo bonvolu nepre indiki la fonton:
Papere: La Ondo de Esperanto, 2017, №10.
Rete: La Balta Ondo http://sezonoj.ru/2017/10/uea-32

Ondo

Klaku la supran bildeton por vidi la abonmanierojn

Pri La redakcio

Aleksander Korĵenkov, la redaktanto de ĉi tiu retejo
Tiu ĉi enskribo estis afiŝita en Esperantujo kaj ricevis la etikedo(j)n , , , . Legosigni la fiksligilon.

1 Response to UEA: Ankoraŭ unu demisio

  1. Grigorij Arosev diras:

    He-he. Estu forta, kara Przemysław. Vi faris bonan decidon.

Respondi