Komentoj pri: BET-52: La Ondo festis sian 25-jariĝon

De: Grigorij Arosev

Grigorij Arosev — Sun, 17 Jul 2016 23:06:35 +0000

Plej sincerajn gratulojn al Aleksander kaj Halina. Iĝinte mem eldonanto kaj ĉefredaktoro de papera revuo, mi nun ege bone komprenas kiom peza estas via laboro, kaj kiom bone vi ĉion faras. Refoje gratulojn kaj fartu bone kaj sane. Verŝajne al la sukceso de LOdE kontribuas tio, ke nek Aleksander nek Halina sentas sin kongrua.

(La situacio ĉirkaŭ la “komuniko” de s-ro Silfer estas elstare amuza.)

De: Bronislav Chupin

Bronislav Chupin — Sun, 17 Jul 2016 08:54:31 +0000

Mi gratulas okaze de la jubileo kaj deziras pluajn sukcesojn por multaj jaroj. La enhavo de chiu numero estas universala kiel universo.

De: Russ Williams

Russ Williams — Sat, 16 Jul 2016 06:42:55 +0000

Gratulon pro la jubileo, kvankam por mi estas malgaje, ke la papera versio malaperos!

Mi ĝuas la tradician plezuron de papera legado de periodaĵo aŭ libro, sed verŝajne mi estas en malkreskanta grupo de tiaj legantoj… :/

De: Giorgio Silfer

Giorgio Silfer — Fri, 15 Jul 2016 16:17:39 +0000

Respondo en HeKo, samloke.

De: AlKo

AlKo — Fri, 15 Jul 2016 15:11:39 +0000

La menciita komentario en HeKo atribuas al mi vortojn, kiujn mi certe neniam uzis; ekzemple, la esprimo “mi ne sentus min kongrua” ne povus esti dirita de mi, ĉar neniam mi parolas tiel strange kaj mi ne komprenas ĉu kaj kiel oni sentas sin kongrua.

Krome, la datreveno de “La Ondo de Esperanto” estas la 23a de majo (vidu en LOdE, 2016, №6, en la subo de la centra kolumno de la 4a paĝo), kaj ekzakte tiudate okazis eta festo en Kaliningrado, kaj la pasintsemajna redakcia akcepto en Birštronas okazis ses semajnojn post la datrevena tago.

HeKo (la aŭtoro forgesis skribi sian nomon) atribuis al mi ankaŭ jenajn vortojn: “ni planas pli interaktivajn retpaĝojn”. Certe mi ne diris tion, ĉar reale ni planas aldoni al la elktronika versio laŭ la normo “pdf” (kiu aperas ekde 2007), tiun laŭ la normo “ePub”, sed neniuj interaktivajn paĝojn ni planas.

Ankaŭ la vortojn “Unue estus demando pri libero” mi neniam diris; tia esprimo, same kiel la du supre ciitaj, estas tute ekster mia kutima stilo.

Pri la kaŭzoj de la ĉeso de la paperforma gazeto kaj pri la redakciaj planoj ni baldaŭ (verŝajne, morgaŭ) sciigos en nia novaĵretejo.

Dankon al ĉiuj gratulintoj!

Aleksander Korĵenkov

De: Giorgio Silfer

Giorgio Silfer — Fri, 15 Jul 2016 14:19:30 +0000

Interesa komentario (jam semajnon pli frue):

http://www.esperantio.net/index.php?id=2847

De: Hilmar I S Ferreira

Hilmar I S Ferreira — Fri, 15 Jul 2016 01:44:51 +0000

Ho, daŭri bv paperan eldonon.
Nu, plibonigu paperan revuon, farante ĝin tiel kolora kiel la PDF versio.
Dankon.
Hilmar I S Ferreira