La junia Ondo

La Ondo de EsperantoLa junia kajero de La Ondo de Esperanto estas iom nekutima. Pro du aferoj. Unue, ĝia papera versio estas misnumerita kiel la kvina, dum reale ĝi estas la sesa — ni petas partoni tiun mison, kiu okazis unuafoje dum la 25-jara historio de nia gazeto. Due, kaj pli grave, la tria parto de la studaĵo Bitlibra revolucio de Sergio Pokrovskij (ĝi estas tuteca kaj do nedividenda) okupis ses paĝojn en la junia kajero — ĝis nun ni neniam aperigis tiel longan tekston en unu kajero de La Ondo, kaj pro tio ni ne povis aperigi kelkajn tekstojn, kiuj estis planitaj por junio.

Tiuj tekstoj aperos en la julia kajero de La Ondo. Ĝin unue ricevos en Birštonas tiuj abonantoj, kiuj partoprenos en la 52aj Baltiaj Esperanto-Tagoj.

La red.

  1. Komentoj mankas

Vi devas registriĝi por komenti.