Komentoj pri: Mark Fettes: Por UEA Krimeo restas parto de Ukrainio

De: Geĉjo

Geĉjo — Mon, 03 Aug 2015 19:50:57 +0000

“Ni nun devos kolekti pli da informoj pri la situacio en REU kaj en Krimeo por decidi, kion fari.” — estas tre simple, se ne timas minacon de malliberejo en Ukrainio (3-5 jaroj), kiel faris francaj deputitoj, kiel planas germanaj deputitoj rigardi per propraj okuloj.

Sed plej bone – politikume distanciĝi de GRANDA POLITIKO kaj daŭre strebi resti politike neŭtrala. Ĝuste tion jam faris Mark.

De: Grigorij Arosev

Grigorij Arosev — Sat, 01 Aug 2015 16:25:37 +0000

Bonaj vortoj kaj sinteno de Fettes. Nun mi ne bedaŭras membri en UEA. Malkiel en REU (kie mi feliĉe ne plu membras).

Cetere, retorika demando – kion mi farus, se la krimea problemo estiĝus dum kiam mi prezidis la Union?

De: Mikaelo

Mikaelo — Fri, 31 Jul 2015 11:51:24 +0000

> Ni ankaŭ komprenas, ke landa asocio povas fronti grandan politikan premon pri difinitaj demandoj.

Ĉu UkrEA frontis “grandan politikan premon”? Kio estas sciata pri tio?

> Ni nun devos kolekti pli da informoj pri la situacio en REU kaj en Krimeo

Ege interese: el kiuj fontoj kaj kiamaniere oni kolektos tiun informojn? Tiuj du temoj estas ja tute diversaj, kaj la informoj ne povas esti el la samaj fontoj. La fontoj do estu nediskuteble fidindaj. Ĉu tiaj fontoj facile troveblas en la Okcidento? Kaj de informoj en la nuntempa mondo dependas multo.

De: Valentin Melnikov

Valentin Melnikov — Fri, 31 Jul 2015 10:36:29 +0000

Kovtonjuk nur forgesis demandi krimeajn esperantistojn, en kiu asocio ili preferas membri… Cetere, neniu malpermesas membri samtempe en REU kaj UkrEA. Kaj en REU (pri UkrEA mi ne scias) rajtas membri eĉ civitanoj de aliaj landoj.

Cetere, kiam lastfoje UkrEA ion faris en/por Krimeo? Kiam ĝi organizis iun serioze gravan aranĝon?