Komentoj pri: TTK: Fruktodona evento

De: Giorgio Silfer

Giorgio Silfer — Mon, 22 Jun 2015 14:26:56 +0000

Jen raporto pri la malferma tago, fare de la unusola E-gazeta korespondanto surloke:
http://www.esperantio.net/index.php?id=2564

De: Istvan Ertl

Istvan Ertl — Sat, 13 Jun 2015 18:09:07 +0000

Kiel ĉeestinto (mi prelegis kaj interpretis), mi samopinias kun Zlatko.
amike
Istvan Ertl

De: zlatko

zlatko — Sun, 07 Jun 2015 11:17:18 +0000

Mi partoprenis kiel preleganto kaj mi do povas neŭtrale raporti.
El la vidpunkto de nombro de partopreantoj, ĝi vere estis malgranda kunveno kaj la celo venigi reprezentantojn de diversaj ŝtataj edukinstancoj tute ne estis plenumita, kvankam por tio oni ne kulpigu la organizantojn. Mi kredas ke estis pluraj kaŭzoj inter iuj: ĝenerale estis tro alta atendo: pri internaj E-aferoj ne interesiĝas eksteraj instancoj. La tempo elektita ne estis konvena por amasa alveno de esperantistoj.
Sed oni havas la jenajn bonajn rezultojn:
1. La subteno de lokaj politikistoj estis tre bona kaj grava ĉar tio plutenas la bonan subtenon en tiu regiono, kie necasas daŭra helpo de la ŝtato por CDELI.
2. Ankau la reagoj de la eksteraj publikrimedoj estis tre bona (neofte tio okazas).
3. Teme ĝi vere estis reprezenta aranĝo ĉar ni povis aŭdi relative detale pri ĉiuj nuntempaj plej gravaj aspektoj de E-instruado kaj tiusence ni povas fieri, ĉar Esperanta pedagogio disponas pri iloj kiujn ne posedas eĉ pluraj nacioj (pri tio vidu mian artikolon en Eŭropa Bulteno/majo.
http://www.europo.eu/eo/euhropa-bulteno

De: Mireille Grosjean

Mireille Grosjean — Sun, 07 Jun 2015 06:37:15 +0000

Partoprenanto verkis artikolon pri la Kolokvo por “Le Monde de l’Espéranto”.
Temas pri pozitiva teksto.

De: Mireille Grosjean

Mireille Grosjean — Sun, 07 Jun 2015 06:36:00 +0000

Jen indiko pri la financa aspekto de la Kolokvo.
La tuto kostis proks 11000 CHF.
Ĉio estis kovrita fare de mecenatoj kaj sponsoroj.
Plimulto de ili (3/4) estas neesperantistoj.
Neniu kosto por ILEI.

De: Roland Schnell

Roland Schnell — Sat, 06 Jun 2015 05:34:55 +0000

Artikoloj, kiuj estas verkitaj de la organzantoj mem, ne vere estas fidindaj. Neuxtrala, objektiva informo estas malofta en Esperantujo. Mi vidis fotojn de la konferenco, kiuj montras grandegan, sed tute malplenan salonon. La internacia intereso supozeble estis rimarkinde sub la esperoj de la organizantoj.
La raporto efike kasxas tion per la kutima fanfaronado (sxaumbati), kiu ne utilas al la evouligo de la Movado. Fakte oni nenion konkretan ekscias pri faktaj progresoj. Estis la cxiam samaj figuroj kun la cxiam samaj temoj, kiuj reciproke konfirmas sian gravecon.

De: Szilvási László

Szilvási László — Fri, 05 Jun 2015 21:44:18 +0000

Se mi bone komprenas, kerno de la tuta nuna Kolokvo estis la esperita ĉeesto de neesperantistaj politikistoj. Estis invititaj politikistoj de “ĉiu ŝtato de la mondo”, tamen alvenis nur unu (eĉ li estis esperantisto). Ĉu tion oni povas nomi “sukceso” aŭ “fiasko, plena malsukceso”?

Seĝoj de la salono estis malplenaj, ne ĉeestis eĉ la prezidanto de UEA. La prelegoj verŝajne estis interesaj, sed dum tradicia ILEI-konferenco ili atingus multe pli da interesiĝantoj.

Fine mi meditis pri interesa demando: kiom kostis tiu Tutmonda Kolokvo, kaj kiel oni financis ĝin? Volonte mi legus kompaktan informon ankaŭ pri tiu flanko.