Komentoj pri: Kie kongresi post tri jaroj?

De: Grigorij Arosev

Grigorij Arosev — Fri, 29 May 2015 15:35:19 +0000

UK en Rusio ne okazos en la sekvaj du jardekoj. Minimume. Kredu min, gesinjoroj. Igorjoj Ĥomjakovoj, dirantaj duonbelajn vortojn “maljuste” k. s., estas nemalmultaj en Rusio. Homoj, kiuj samtempe volas kaj povas tion fari, mankas plene (iuj povas sed ne volas, iuj inverse). Oni ne havu iluziojn pri tio.

De: Karlo

Karlo — Sun, 24 May 2015 11:00:43 +0000

Mi ne ligus la okazigon de UK kun pli malpli forta loka movado. La penso iras al niaj pioniroj: kelkaj el ili okazigis kongreson en “E-fremda” lando, tute sen iu esperantisto surloke kaj kiam komunikeblecoj estis paperaj kaj trajnoj ne tiom rapidaj. Nunepoke, per trijara preparlaboro kaj komunikeblecoj, supozeble ankau en unu el la nemenciitaj landoj (ekz. Kipro) eblus okazigi UK’n. Kiu vivos, tiu vidos.

De: Dennis Keefe

Dennis Keefe — Fri, 22 May 2015 13:54:49 +0000

Tre interesa kaj bele kaj simple prezentita enketilo! Mi vere gratulas, char ghis nun en Esperantujo, mi vidis multe da enketilo-proponoj, malmulte da efektivigoj de tiuj proponoj, kaj neniom da konvinkaj rezultoj. Jen, via en la Balta Ondo estas modelo.

Certe tia enketilo via jam ekzistas aliloke, ekster Esperantujo, kaj jen unu el niaj problemoj: ni kutime ne serchadas efikajn ideojn de ekstere. Ni estas tro memcentra. Esti memcentra estas bone kiam ni estas “en la lingvo mem” sed esti tia kiam ni devas serchi ideojn por informi, merkatikumi, konvinki, ktp. Memcentreco estas plej senefika vojo.

Pri la demando rilate kongreso-landon, mi vochdonis, kaj poste tuj vidis, klare kaj grafike alloge, la rezultojn de chies 156 vochodonoj. Mia decido estis tute persona, sen logika bazo, mi tutsimple shatus iri al tiu lando, Rumanio, por la dua fojo post 40 jaroj.

Tamen post kiam mi legis supre la komentojn de aliaj Esperantistoj, mi shanghis mian vidpunkton, kaj se mi revochdonus, mi vochdonus por Rusio (Igorj: UK neniam okazis en Ruslando; tio ne estas justa). Tia rezonado montras, mi pensas, la gravecon de informado kaj analizo ANTAU ol vochdoni. Diskutado, debatado kaj intershangho de ideoj grave rolas. Ni estas Esperantistoj; ni kredas je internacia kunlaboro.

Certe kun pli da debato kaj informado, mi refoje shanghos mian opinion. Estas bone kiam Esperantistoj vigle intershanghas pensojn. La Grekoj faris tiel, kaj multe da homoj pensas, ke tiu libera kaj vigla interparolado, kvazau konkurso de ideoj, estis unu el la chefaj kauzoj de la nekredeble bona kulturo-kresko de tiu lando antau 2500 jaroj.

Eble unu el niaj Esperantistoj povas indiki retejon au diskutejon sur la interreto kie OFICIALA esperanta organizo (tiaj asocioj kiuj havas prezidanton, estraron, membrojn, ktp.), efektive havas tian debaton. Mi pensas ankau pri la formato de la diskutado, char la retejo Yahoo-Grupoj, ekzemple, estas vera komunika katastrofo, kiu formatae fushas chian logikan intershanghon de ideoj. En Esperantujo, la oficiala, hierarkia esperantujo, mi ne vidas viglan interparoladon kaj debatadon en ia ajn reta formato. Mi vidas en la oficialaj retejoj ANONCO-KULTURON. Oni anoncas kaj anoncas kaj anoncas kaj neniu kaj neniu kaj neniu reagas. Desuprismo plejparte, sed chu tio estas efika?

Kion vi pensas?

De: zlatko

zlatko — Fri, 22 May 2015 10:59:53 +0000

Mi shatus ke ghi estu au en Slovenio (kie okazis nek IJK nek UK iam ajn) au en Bosnio/Hercegovino.
Sed la decidoj dependas chiam chefe de tio kia estas shanco ke venu laueble multaj kongesanoj kaj chu la koncerna urbo ofertas bonajn financajn kondichojn – antau chio malmultekostan kongresejon – ja de la kongreoj UEA gravaparte ensepzas.
Do la decido ne dependas de popola deziro.

De: Aleksandr

Aleksandr — Thu, 21 May 2015 23:48:40 +0000

Ruslando!

De: Jorgos

Jorgos — Thu, 21 May 2015 22:39:08 +0000

Slovenujo jam sendis E-lingvan deputiton al Eùropa Parlamento.
Tiu netro granda lando tiel multobligos sian E-istaron kaj *gi pli centras ol IRL, PT, LV, EE, RO …kaj oficiale pli efike subtenos Eon ol LU. Tio estas mia veto.

De: Igorj Ĥomjakov

Igorj Ĥomjakov — Thu, 21 May 2015 21:19:34 +0000

Mi tre esperas, ke 103-a Universala Kongreso de Esperanto estos en Rusio. Mi tre ofte komunikiĝas kun esperantistoj de diversoj landoj. Laŭ sperto mi scias, ke la plej multaj esperantistoj loĝas en Brazilo, Usono, Ĉinio, Germanio, Britio, Francio kaj Rusio. Sed Universala Kongreso neniam estis en Rusio! Tio ne estas juste.

De: x

Thu, 21 May 2015 20:03:13 +0000

Mankas ebleco: Neniu el proponitaj

De: Przemysław Wierzbowski

Przemysław Wierzbowski — Thu, 21 May 2015 19:30:16 +0000

Ukrainio!