Nia libroproduktado en la 2014a jaro

Se vi regule abonas La Ondon, eklegu ekde la sekva alineo, ĉar mi devas klarigi al novaj legantoj, ke ĉiujare ni resumas la libroproduktadon en Esperantujo, daŭrigante la iniciaton de Hungara Vivo. La statistika bazo estas la rubriko Laste Aperis en la revuo Esperanto, kiu listigas la librojn, kiujn la Libroservo de UEA ekvendis en la aktuala jaro, sendepende de la eldonjaro. Tia statistiko ne estas perfekta, ĉar ne ĉiujn librojn ricevas kaj vendas UEA; krome, Laste aperis registras ankaŭ “malnovajn novaĵojn”. Sed ĝi donas bonan imagon pri la libroeldonado en Esperantujo, precipe la resumaj tabeloj.

La 2014a jaro estis tre magra: en neniu jaro ekde 1991 surmerkatiĝis tiel malmultaj libroj – nur 107, iom pli ol duono ol la averaĝo dum la jardudeko 1991-2010. Inter ili estas 31 broŝuroj (malpli ol 49-paĝaj) kaj 76 “veraj” libroj. La kialoj ne estas konataj. Eble UEA ekaplikis pli rigorajn kriteriojn ĉe revendado, eble Laste aperis estis malpli zorge kompilata, eble pro ioma malaktiviĝo de niaj ĉefaj eldonejoj.

2011
2012
2013
2014
1991–2014.
Sume aŭ averaĝe
Nombro de libroj en/pri Esperanto
172
153
178
107
4630
Suma paĝonombro de ĉiuj libroj
19.775
23.144
25.344
14.024
610.179
Nombro de la eldonintoj
78
78
92
61
1136
Averaĝa paĝonombro de unu libro
115
151
142
131
132
Averaĝa prezo de unu libro (EUR)
10,28
11,31
11,29
12,01
9,92
Lernolibroj, vortaroj k. s. pri Esperanto
18
17
23
14
675
Originala beletro
13
19
28
13
545
Traduka beletro
26
41
41
26
953
Planlingvistiko, esperantologio, lingvistiko
37
20
18
15
530
Esperanto: historio, kulturo, movado k. s.
26
20
25
11
622
Politiko, historio, filozofio, socio
33
22
22
12
483
Scienco kaj tekniko
7
4
4
2
292
Religio
7
7
9
7
228
Aliaj temoj
5
3
8
7
302

Same malrekorde, en 2014 nur 61 eldonintoj donacis al la mondo librojn en/pri Esperanto; 20 inter ili faris tion unuafoje. Iomete malaktiviĝis Vilhelmo Lutermano, kies MAS en la franca vilaĝo Embres-et-Caltelmaure dum kvin sinsekvaj jaroj eldonis plej multe: 14 libroj en 2009, 18 en 2010, 26 en 2011, po 13 en 2012 kaj 2013, sed nur 9 en 2014. Simile pri Mondial kaj La Blanchetiére – ili ja restas en la plejlisto ankaŭ ĉi-jare, sed kun malpli da libroj ol en la kelkaj antaŭaj jaroj. Kaj plej multajn libroj en 2014 eldonis Edition Iltis de Irmi kaj Reinhard Haupenthal.

2014. Libroj 2014. Paĝoj
Iltis (Germanio) 12 MAS 910
MAS (Francio) 9 FEL 826
La Blanchetiére (Francio) 6 Mondial 799
FEL (Belgio) 5 Impeto 741
Mondial (Usono) 5 Iltis 739
Impeto (Ruslando) 4 Orion art (Serbio) 681
KAVA-PECH (Ĉeĥio) 4 Fonto 660
Fonto (Brazilo) 3 Hituzi syobo (Japanio) 654
EASP (Brazilo) 3 KAVA-PECH 539
E@I (Slovakio) k. a. 2 Asokig (Armenio) 468

La resumaj tabeloj por 24 jaroj restis la samaj, nur Iltis antaŭis Fonton kaj KAVA-PECH superis Sezonojn (ĝi eldonis nenion en 2014). Plej supre restas UEA, eldoninta en 2014 nur kolekton de kongreso-universitataj prelegoj.

1991-2014. Libroj 1991-2014. Paĝoj
UEA 154 FEL 22161
Libro-Mondo (Pollando) 133 UEA 18533
FEL 121 Libro-Mondo 17477
Impeto 107 Fonto 17167
Iltis 104 Impeto 17075
Fonto 102 Mondial 16827
MAS 99 KAVA-PECH 14889
KAVA-PECH 86 MAS 14369
Sezonoj (Ruslando) 85 Sezonoj 13834
Mondial 81 Arhivaro E.Privat (Svislando) 12533

La okan sinsekvan jaron ekde 2007 Francio restas plej supre en la landolisto.

2014. Libroj 2014. Paĝoj
Francio 21 Francio 1642
Germanio 16 Brazilo 1523
Brazilo 9 Japanio 1359
Ĉeĥio 6 Germanio 1068
Japanio 6 Serbio 969
Belgio 5 Ruslando 901
Nederlando 5 Belgio 826
Pollando 5 Usono 799
Ruslando 5 Nederlando 787
Usono 5 Ĉeĥio 784

Mi adaptas la pasintjaran frazon: “La resumaj tabeloj restis preskaŭ senŝanĝaj, kaj ili respegulas la realan staton de la Esperanto-eldonado dum la lastaj 24 jaroj. Plej altas en la resuma landlisto Francio kaj Germanio, kiuj, interalie, estas la du landoj kun plej multaj individuaj membroj de UEA”.

1991-2014. Libroj 1991-2014. Paĝoj
Francio 549 Francio 59307
Germanio 437 Germanio 51371
Pollando 334 Japanio 43059
Nederlando 311 Ruslando 41773
Ruslando 281 Pollando 38149
Brazilo 244 Brazilo 36553
Japanio 241 Nederlando 35138
USA 223 USA 28001
Italio 177 Belgio 26574
Belgio 158 Italio 25995

Post unu jaro aperos pli multaj tabeloj kaj pli da komentoj por 25 jaroj.

Aleksander Korĵenkov

Ĉi tiu artikolo aperis en la februara kajero de La Ondo de Esperanto (2015).
Ĉe represo bonvolu nepre indiki la fonton paperan (se en presaĵo) aŭ retan (se en retejo):
Papere: La Ondo de Esperanto, 2015, №2.
Rete: La Balta Ondo http://sezonoj.ru/2015/02/recenzo-50/

2 komentoj pri “Nia libroproduktado en la 2014a jaro”


  1. trio

    Tre interesa raporto.

    Mi ne scias, kaj do mi nur demandas, ĉu libroproduktado estas anstataŭigata pere de la interreto? Ĉu libroj, ĝenerale en la mondo, ne nur esperantuje, estas malaperanta?

    Dankon pro via laboro por krei la raporton.

  2. Dennis Keefe

    Mi konsentas kun Trio, ke chi tiu raporto estas tre interesa. Ghi estas ankau tre tre valora lau merkatika kaj strategia vidpunktoj.

    Mi pensas, ke estis epoko en Esperantujo kiam UEA pli priatentis statistikojn pri diversaj aferoj de la Movado. Antau jardekoj kiam mi legis la libron Esperanto en Perspektivo, mi havis tian impreson.

    Por kompreni la Esperanto-Movadojn, ni bezonas kunigi statistikojn por helpi al ni pli bone interdiskuti. Statistikoj ne solvos niajn problemojn, sed ili helpos al ni pli bone kompreni kio okazas al Esperantujo. Statistiko pri libroj, pri nombro da lernantoj de Esperanto, pri nombro da libroj kaj legado povas helpi.

    Grandegan dankon al, antaue, Hungara Vivo, kaj nun al UEA, kaj al la Ondo de Esperanto, kiuj provas helpi al ni kompreni kio okazas en Esperantujo.

Vi devas registriĝi por komenti.