http://sat.ikso.net/aligxilo.php

Mi tre atente legis cxiujn Viajn korespondajxojn. Kaj jen estas la demando.
Kial Vi opinias, ke nur Viaj pensoj estas certaj kaj veraj, sed la opinioj de aliaj homoj estas stultaj kaj malveraj. Tio memorigas al mi la sxercan vortaron de la fama franca verkisto Stendal (Stendhal; Marie-Henri Beyle). En la vortaro estas la vorto “stultulo”, kaj la klarigo – cxiu alipensanta (disidento). Sxajnas al mi, ke Via opinio estas la sama. Cxiuj homoj, kiuj pensas ne tiel, kiel Vi, estas stultuloj! Por bone orientigxi en iu situacio necesas bone scii la historion kaj antauxhistorion de la evento. Mi konkludos, ke Vi kaj tiuj jxurnalistoj, pri kiuj Vi aludas, nek scias, nek komprenas la historion! Iu poeto skribis: “La plej dangxeras duonscio, al historio diras “ci”!” Por pritaksi situacion (ne, ne en la tuta mondo, tio ne estas por Viaj pensfortoj!), sed almenau – en Ukrainio, necesas studi la historion de Ukrainio.
Mi estas ukraino. Kaj mi estis edukita je la sento malamega al rusoj kaj kaj moskovanoj (moskaloj). Miaj prauloj estas kozakoj el Zaporijxje’. Mia avo, kiam iomete drinketis, diris al mi: “Bogdan Hxmelnickij fordrinkis Ukrainion por Rusio!” (Andreas, interalie, cxu Vi scias, kiu estis B. Hxmelnickij? Mi estas certa, ke Vi ne scias tiun eminentan homom.). Tamen estante sobra, mia avo diris: “Versxajne aligxo al Rusio estis plej!, plej(!) bona varianto por Ukrainio”. Pri tio ne scias kaj tion ne komprenas la okcidentaj ukrainoj (zapadencoj). Sed mia multsuferanta Patrujo tion plene spertis. Nur kun Rusio Ukrainio sukcesis konservi sian kulturon, religion kaj la lingvon (kvankam iuj oficistoj el Rusio kune kun ukrainaj oficistoj! provis subpremi kaj kulturon, kaj la lingvon, sed tio ne estis gxenerala politiko de la rusiaj caroj).
Dume mi haltas.

Nun pri Via atako kontrau Esperanto.
Perdinte pere de Esperanto propagandi la ideojn, truditaj al Vi flank’ de Usono (mi suspektas, ke Vi estas pripagita agento de usonaj speciaj servoj; SED NUR SUSPEKTAS!) Vi lavangis koton kontrau Esperanto! Vi akuzis esperantistojn, ke ili deziras nur sin distri per Esp-to, ne volas serioze okupigxi pri Esp-to kaj gxenererale cxiuj estas stultaj!
Sed, cxu tiu diskuto per la lingvo Esperanto pri eventoj en Ukrainio ne estis utila? Jes, gxi ne estis utila por Vi persone, sed aliajn homojn la diskuto igis ekpensi, igis komenci analizi la politikon en la mondo.
Do, kara kaj estimata Andreas, la lingvo esperanto estas utila kaj bezonata instrumento ecx por nuna vivo!

Andreas, Vi alvokas bojkoti la “Ondon de Esperanto”. Dum iu sekvanta renkontigxo mi donacos al Vi skotcxon (der Klebeband (la germana), Adhesive tape (la angla), Nastro adesivo (la itala), Ruban adhésif (la franca), Клейка стрічка (la ukraina)) por ke Vi povu glui busxojn al cxiuj, kies opiniojn Vi ne aprobas. Kvankam Via opinio por mi estas abomena, mi cxiam estas preta auskulti Vin kaj diskuti kun Vi, kaj nenian intencos glui Vian busxon!

Amike,
Via alipensanta samideano
Boris A. Zozulja

La verkinto plene pravas pri limigitaj mencioj pri klasbatalo – krom en historia kunteksto.Vinko Markov ja uzis la vorton « malsamideanoj » por priparoli SATanojn dum la fina sesio.
La organizintoj, laǔ mi, bone laboris kaj ili sukcesis provizi riĉan programon taǔgan kaj por turismemaj homoj kaj por tiuj kiuj serĉis prelegojn.