Komentoj pri: Ljubomir Trifonĉovski forpasis

De: Gonçalo Neves

Gonçalo Neves — Fri, 07 Mar 2014 00:27:05 +0000

Kun Ljubomir, kiun mi – kiel ĉiuj – simple nomis Ljubĉjo, mi konatiĝis en 1987 en Pollando, okaze de la tiamaj jubileaj kongresoj. Mi tuj amikiĝis al li kaj lin ekadmiris. Li estis la plej flua kaj verva esperanto-parolanto, kiun mi konis ĝis nun. Poste niaj vojoj bedaŭrinde disiĝis, sed neniam elglitis el mia memoro nia iama amikeco, lia vervo, niaj plaĉaj babiloj. Krome, li multe helpis kaj apogis min komence de mia verda “kariero”. Ankaŭ tion mi neniam forgesos. Tial mia dankemo al li neniam ĉesos.

De: Jorge Camacho

Jorge Camacho — Sat, 18 Jan 2014 09:49:19 +0000

“Kaj kvankam la epoko de Trifonĉovski [kiel redaktisto de Literatura Foiro] iĝos ĉi-jare la plej longa, la plej intensaj kaj variaj restas la unuaj du [fare de Silfer kaj Martinelli], kiuj koincidis kun grandaj eventoj en Esperantio kaj en la mondo.” – diro de la chefmodestulo Silfer, legebla en http://www.esperantio.net/index.php?id=1656

De: Dieter Rooke

Dieter Rooke — Fri, 03 Jan 2014 20:17:50 +0000

Lau mia opinio eblas shanghi la E- civiton per demokrata maniero.
Eblas kanditatigi kaj kanditatighi.
La lastaj provoj shanghi la prezidanton de KCE bedaurinde fiaskis- pri kio mi kunkulpas.
L. Trifonchovski ne kuraghis kontraustari – i.a. char li ankau apartenis al la verda majoritato en la E- parlamento.

Dum la lasta sesio en junio 2013 en Budapeshto L.Ttrifonchovski ja aspektis tre malsana.
Li grave akcidentis: la ripoj traboris la pulmon – kiu necesigis operacion.
Por mi, lia morto ne estis surpriza.
Mi konsentas kun J. Camacho ke estas fenomeno kiom multe da E-istoj adoras nur unu personon

De: Valdas BANAITIS

Valdas BANAITIS — Mon, 30 Dec 2013 04:37:47 +0000

La lasta publikajho de la Forpasinto rememorigas la lastan de Dimitar Haĝijev en LF – ne ĉesu ilia penado…

De: A. Künzli

A. Künzli — Fri, 27 Dec 2013 19:56:45 +0000

Trifo ofte plendis ĉe mi pri malagrablaj spertoj faritaj kun Silfero, kiam li estis en Svislando, aŭ en aliaj okazoj. Kiam Silfero tion rimarkis, li ekklopodis eviti la kontaktojn inter Trifo kaj mi (mi konatiĝis kun Trifo survoje al IJK Swanwick kaj en la 80aj jaroj ofte estis lia gasto en BG). Do, bedaŭrinde ankaŭ Trifo fariĝis iusence viktimo de Silfero, sed iel li fatalisme akceptis tiun sorton kaj alkutimiĝis al ĝi, pro ŝajna manko de alternativoj. Bedaŭrinde, li nun ne plu vivas kaj ne plu povas rakonti pri la civitaj kaj aliaj faroj de Silfero, pri kiuj Trifo komplete fajfis, laŭ mi, same pri la stultaĵoj lanĉitaj de la cetera Eo-movado (vomado), kiujn li ne plu partoprenis, tenante kontaktojn sole kun kelkaj individuoj (amikoj). Se mi ĝuste interpretas liajn rimarkojn faritajn ne sen ironio (ekzemple: “la bg. e-istojn interesas nur manĝi kaj trinki“), la bulgaran Eo-movadon li konsideris esence elĉerpita kaj principe finiĝinta. Tiel statas la realaj aferoj. Mi devas vomi, legante la hipokritan “oracion” de Silfero.

Mi neniam komprenis, pri kio vere temis lia akcidento, kvankam li faris iujn aludojn. La sekreton li eble tenis por si mem, aŭ nur kelkaj plej proksimaj personoj scias kio vere okazis. Kelkajn tagojn antaŭ lia morto mi skajpis kun li kaj sentis, ke io ne estas en ordo kun lia sano. Sed mi simple kredis, ke li tro abunde festis. Daŭrigu li do la gajan festadon en alia mondo…

De: Giorgio Silfer

Giorgio Silfer — Fri, 27 Dec 2013 15:22:10 +0000

Oracio honore al Ljubomir Trifonchovski:

http://www.esperantio.net/index.php?id=2320

De: Valdas Banaitis

Valdas Banaitis — Fri, 27 Dec 2013 14:06:23 +0000

Kara Ljubomir’! Ne haltu via laboro, daŭru via memoro, ne ĉesu, ne ĉesu! en kor’ al ni sonas, nian sulkon, ĝis nun nur fositan, ni plugos tra kaj flugos super Fundamento. Kun espero, obstino kaj la pacienco por retroiri, relegi kaj retrovi la ĝustan intencon, esencon kaj estontecon.

De: Jorge Camacho

Jorge Camacho — Fri, 27 Dec 2013 03:08:55 +0000

http://jorgecice.blogspot.tw/2013/12/ljubomir-trifoncovski-kunmotoro-de.html

De: Deák Jahn Gábor

Deák Jahn Gábor — Thu, 26 Dec 2013 21:11:18 +0000

Sufiĉe fia rimarko, Jorge. Vi povintus atendi almenaŭ unu tagon.

De: Jorge Camacho

Jorge Camacho — Thu, 26 Dec 2013 15:49:51 +0000

Talenta verkisto?! Mankas nur ke iu komparu lin kun Mandela. Per sia prisilenta, fidela redaktado de LitFol li sukcesis iĝi unu el la kunmotoroj de silferismo.