Estus interese scii, kio estas konkrete diskutita en tiu libera spaco (aŭ ĉu ankaŭ tio restos sekreto?). La e-istoj ĉiam nur pompe raportas pri kion ili organizis/as/os, sed ili neniam raportas pri la konkreta enhavo de la diskutoj (ĉar en la realeco tiaj supozeble ne okazas).

La tamtamo ĉirkaŭ “liberaj libroj en libera spaco” en ligo kun iuj etaj privataj ruslandaj Esperanto-eldonejoj, kiuj bonvolas donaci siajn malnovajn librojn, estas iom ridinda. Despli se oni konsideras, ke Sezonoj kaj La Ondo de Esperanto evitas kaj sufokas ĉian (liberan) kritikan raportadon pri Ruslando, ĉar oni estas registrita ĉe la Ministerio pri Preso kaj Amaskomunikiloj kaj verŝajne nepre volas eviti, ke oni estu konsiderata de la putinisma punjustico kiel agento de eksterlando, laŭ nova leĝo (kiu tragike rememorigas la stalinisman tempon). (Nu, se mi vivus en Ruslando kaj dependus de la ŝtato, probable mi kondutus same singarde).

Mi do esperas, ke la “masianoj“ havas ne nur la librojn de Sezonoj je sia dispono, ĉar en tiu kazo oni vere devus bedaŭri ilin.

Por diskuti ion interesan mi proponas debaton pri la libro de Luke Harding, ĵurnalisto de Guardian, kiu estis recenzita sub jena retadreso:
http://www.osteuropa.ch/Rezensionen/Rez_Weltkiosk_Mafiastaat.pdf (Kompreneble la libro ekzistas en la angla lingvo). La aŭtoron FSB elĵetis el Ruslando, ĉar li tro realisme raportis pri Ruslando, kio evidente ne plaĉis al s-ro Putin.

(Por iom kompreni la enhavon de la germana teksto, eblas facile fari malbonan tradukadon per translate.google.de)

Do, min tute ne interesas, ĉu tie oni ricevas kafon au teon kontraŭ ridinda sumo de rubloj, sed min interesus, kio tie estis konkrete diskutita kaj en kio konsistis la “publikaj elpaŝoj” (aŭ ĉu ankaŭ tio restos sekreto?).