Komentoj pri: Kiom da esperantistoj en Ruslando? Ne malpli ol 992

De: Ĵajro

Ĵajro — Sun, 25 Oct 2015 00:56:25 +0000

Mi bedaŭras, ke Eo ne kreskas pli rapide en la lando kiu helpis ĝin naskiĝi. Sed estu ni kaj kuraĝa kaj esperema. Eo havas belan estonton per manoj de rusoj. Rusio reestos tuj denove la granda motoro ne nia movado. Zorgu ni esperantistoj de aliaj esperantujoj ĉar rusa esperantujo tuj estos avangarda lando de Esperanto kaj ni devos kuri por atingi sian disvolvon.

De: andreo Shtelisto

andreo Shtelisto — Fri, 26 Apr 2013 08:12:06 +0000

volonte parolos kun esperantistoj skajpe
ajsurvey

De: AlKo

AlKo — Thu, 12 Jan 2012 19:55:42 +0000

Mi dum pli ol dek jaroj de membras en la landa asocio kaj do ne kompetentas pri tiuj aferoj.

De: Lu Wunsch-Rolshoven

Lu Wunsch-Rolshoven — Wed, 11 Jan 2012 09:53:38 +0000

@Georgeson: Rilate al la deziro grandigi la Esperanto-parolantaron per filo vidu ĉe http://edzperanto.org/

@AlKo: Rilate al Tokipono mi dubetas tiom longe, kiom Tokipono ne jam aperas en censoj.

Kluboj en Rusio: AlKo skribis, ke la REU-membroj grandparte membras per kluboj. Tre interesas min scii, kiom el la kotizoj de la membroj iras al la klubo, kiom al REU. Eble estus ideo por artikolo en Sezonoj/Ondo kompari la diversajn landajn asociojn de UEA rilate la dividon de la kotizo inter klubo kaj regiona/landa asocio. En Germanio ĉ. 80 % iras al la landa asocio. Laŭ mia supozo estas tamen la kluboj, kiuj havas la eblecon zorgi pri bona varbado kaj disvastigo de Esperanto, ne la landaj asocioj, kies efiko al la varbado de novuloj estas nur minimuma. (Ĉefe ĉar varbado esence bezonas ripetadon por havi rezulton.)

Mi cetere konstatis, ke la disvastiĝo de Esperanto en iu lando estas ĝenerale des pli granda, ju pli malgranda la lando estas. (Mi mezuris per la nombro de individuaj UEA-membroj inter miliono da loĝantoj.) Unu klarigo de tio estas, ke homoj en malgrandaj lingvo-komunumoj pli ofte lernas fremdajn lingvojn, do ankaŭ Esperanton. Alia klarigo estus, ke la estraroj de la malgrandlandaj Esperanto-asocioj estas pli proksimaj al la loka laboro, do sukcesas pli bone uzi la rimedojn de la membroj por varbi novajn Esperanto-parolantojn.

(Mi petas pardonon, ke iom foriris de la censo – sed ja la censorezulto kondukas al la demando, kiel estonte atingi pli da Esperanto-parolantoj.)

De: Georgeson

Georgeson — Mon, 26 Dec 2011 19:28:39 +0000

Kara esperantistino,
nasku al mi filon
mi estas sana viro
skribu al

sergey.domrach@yandex.ru

De: DOCENKO Dmitrijo

DOCENKO Dmitrijo — Tue, 20 Dec 2011 09:13:50 +0000

Ni traduku http://eo.wikipedia.org/wiki/Nombro_de_Esperanto-parolantoj al aliaj lingvoj.

De: AlKo

AlKo — Tue, 20 Dec 2011 07:33:30 +0000

Mi kredas, ke en Ruslando pli popularas ol Interlingua k.s. – kiel amuz-lungvo, ne kiel internacia komunikilo – la planlingvo Tokipono.

De: AlKo

AlKo — Tue, 20 Dec 2011 07:29:53 +0000

Efektive, sufiĉe multaj esperantistoj en Ruslando estas membroj de la landa asocio REU (temas plejparte pri la membroj de lokaj kluboj, ne pri tiuj, kiuj rekte aliĝas). Pri tio skribis la Unia prezidanto Grigorij Arosev en sia antaŭkongresa diskut-artikolo:
«Kial sufiĉe multaj homoj daŭre pagas kotizojn al REU? Mi pozitive miras, sed ne scias. Verŝajne, pro bona rilato al la movado kaj pro deziro iel subteni ĝin, eĉ se multaj el ili havas sufiĉe nebulan imagon pri ĝi, pri la movado.»
http://sezonoj.ru/2011/09/arosev/

De: Lu Wunsch-Rolshoven

Lu Wunsch-Rolshoven — Tue, 20 Dec 2011 07:11:39 +0000

Interese, ke ĉ. 10 homoj indikis alian planlingvon (Ido kaj Edo). La rilato inter aliaj planlingvoj kaj Esperanto do estas 10 : 992 aŭ ĉ. 1 : 100, do 1 %. En Hungario, http://www.nepszamlalas2001.hu/hun/kotetek/18/tables/load2_39_1.html , la rilato estis 20 : 4570, do 1 : 228 aŭ 0,4 % (Idiom Neutral, Ido, Esperantido, mundolingue, interlingua, romanid 10). Kelkfoje ja venas demandoj de interesitoj aŭ ĵurnalistoj pri aliaj planlingvoj – estonte ni povos diri, ke laŭ du censoj ili atingis kompare kun Esperanto nur 1 procenton aŭ malpli. Ankaŭ utiligebla rezulto.

De: Lu Wunsch-Rolshoven

Lu Wunsch-Rolshoven — Tue, 20 Dec 2011 06:56:12 +0000

Dankon pro la informo pri la membronombro, mi enmetis ligon kaj rilaton en la vikipedion. Por unu membro oni do trovis per la censo entute 2,7 parolantojn (Litovio ĉ. 7, Hungario ĉ. 13, Novzelando ĉ. 1,8). Min iom mirigas la malalta nombro de 2,7 en Rusio (kaj tiu de 1,8 en Novzelando); mi tre malfacile povas tion imagi. Ĉu en Rusio oni tiom sukcese varbas por membreco aŭ ĉu la homoj ne indikas sian scion de Esperanto (ja estis nur tri lokoj por pliaj lingvoj en la demandilo). Aŭ ĉu influas la scio pri la persekutoj dum la Stalina tempo kaj homoj plu hezitas informi pri Esperanto-scio? (Nu, ĉiukaze kelkaj homoj estas singardaj doni informojn pri si mem, se ne devigitaj.)

Pli da parolantoj ol svahila aŭ indonezia

Esperanto estas internacia lingvo kaj en tiu rolo konkurencas kun la angla, la franca, la hispana k. a. Laŭ mi ne havas multan gravecon por la rolo de Esperanto kompari ĝin kun la lingvoj de Rusio aŭ de la Komunumo de Sendependaj Ŝtatoj (KSŜ); ili internacie apenaŭ estas lernataj kaj en la statistikoj de Hungario k.a. kutime estas malantaŭ Esperanto. Mi do provis eltrovi, kiun lokon Esperanto havas kompare kun la lingvoj de ekster KSŜ. Malantaŭ Esperanto mi trovis ekzemple la lingvojn svahila, taja, urdua, indonezia, tibeta, makedona, bengala, tamila, birma, amhara. Ni povas do konstati, ke la senŝtata lingvo Esperanto sukcesis preteriri multajn ŝtatajn lingvojn. Laŭ mi imprese kaj ĝojige.

Antaŭ Esperanto mi trovis proksimume 37 ekster-KSŜ-lingvojn, de la angla ĝis la albana. Verŝajne multaj el tiuj lingvoj estas gepatraj, enketo nur pri lernitaj lingvoj plibonigos la lokon de Esperanto. Ni do esperu je la aparta lingvo-raporto venontsomere. Eble indas jam nun informi la statistikan oficejon pri nia aparta intereso aŭ demandi ĉe la koncernaj esploristoj, eble ili tiam publikigos nombrojn interesajn por ni.