Komentoj pri: «Se mi devus elekti nur unu Esperanto-revuon, mi sendube elektus la Ondon»: Gratuloj, bondeziroj, konsiloj okaze de la 200a Ondo

De: AlKo

AlKo — Tue, 07 Jun 2011 12:57:41 +0000

Dankon, Vitas! Ni provos resti tiaj, kiajn vi volas nin vidi.

De: Vitas Sxilas

Vitas Sxilas — Tue, 07 Jun 2011 12:46:08 +0000

Vilno. la 5-an de junio 2011

Tre estimataj kaj karaj Halina Gorecka kaj Aleksander Korjenkov, la „spiritus movens“ de la ekstra revuo „Ondo de Esperanto“, akceptu mian gratulon okaze de la duobla jubileo!
Dudek jaroj da eldonado kaj ecx dudek numeroj de la placxa revuo estas vere signifoplenaj ne nur en la senco de sukcese restarigita tradicio de iama glora revuo „Ondo de Esperanto”. Via revuo distingigxas inter pluraj E-revuoj per enhava diverseco, solida fideblo de presataj artokoloj, demokratia prezento de malsamaj auxtoroj. Vi jam plugis gravan sulkon sur E-tereno. Restu tamen plue optimismaj kaj fortaj, estu bonsxancaj kaj laborpovaj por plia fruktodona plugado!

Vytautas Sxilas, redaktoro de „Litova Stelo“, gxenerala sekretario de TEJXA

De: AlKo

AlKo — Tue, 07 Jun 2011 11:29:39 +0000

Dankon. Mi aldonu, ke la legindeco de “La Ondo” ne lastagrade dependas de via propra kontribuado, ekzemple, temas pri la rubriko “Rusa Antologio” en kiu regule aperas viaj tradukoj el la klasika rusa poezio.

De: Valentin Melnikov

Valentin Melnikov — Tue, 07 Jun 2011 09:58:55 +0000

“La Ondo” estas vere unika revuo. Ĝiaj virtoj estas la trankvila neŭtraleco, altega nivelo de materialoj, varieco.
Mi legas ĝin ekde la unua numero kaj ĉiam ĝuas.
Ne multaj E-revuoj sukcesis aperadi dum 20 jaroj sen paŭzoj akurate. Dum tiuj jaroj “La Ondo” iĝis grava evento de tutmonda E-vivo kaj -kulturo.
Do gratulojn okaze de la duobla jubileo kaj longan sukcesplenan pluvivon!